កូនប្រុសសម្តេចក្រឡាហោម ស ខេង បង្ហាញខ្លឹមសារចូលស្បថចំនួន៣ចំណុច
- ព្រៃវែង
ខេត្តព្រៃវែង ៖ លោក ស សុខា អ្នកតំណាងរាស្ត្រមណ្ឌលខេត្តព្រៃវែង និងជាកូនប្រុសសម្តេចក្រឡាហោម ស ខេង ឧបកនាយករដ្ឋមន្ត្រី…
ខេត្តព្រៃវែង ៖ លោក ស សុខា អ្នកតំណាងរាស្ត្រមណ្ឌលខេត្តព្រៃវែង និងជាកូនប្រុសសម្តេចក្រឡាហោម ស ខេង ឧបកនាយករដ្ឋមន្ត្រី…
ខេត្តព្រៃវែង ៖ លោក ស សុខា អ្នកតំណាងរាស្ត្រមណ្ឌលខេត្តព្រៃវែង និងជាកូនប្រុសសម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានបង្ហាញខ្លឹមសារសំខាន់៣ចំណុច ដែលសមាជិកសភាសច្ចាប្រណិតធាន ឬស្បថនៅក្នុងព្រះបរមរាជវាំងនៅថ្ងៃទី០៥ ខែកញ្ញានេះ ។
ក្នុងពិធីសំណេះសំណាល និងថ្លែងអំណរគុណសមាជិកគណបក្សប្រជាជនកម្ពុជាឃុំរំលេចស្រុកស៊ីធរកណ្តាល ខេត្តព្រៃវែង កាលពីថ្ងៃទី១ លោក ស សុខាបានឲ្យដឹងថា នៅថ្ងៃទី០៥ ខែកញ្ញាខាងមុខនេះ ក្រោមការកោះរបស់ព្រះមហាក្សត្រ បេក្ខជនសមាជិករដ្ឋសភាចំនួន១២៥ របស់គណបក្សប្រជាជនកម្ពុជា និងចូលប្រជុំលើកដំបូងសម្រាប់នីតិកាលទី៦ រដ្ឋសភា ហើយនៅរសៀលថ្ងៃដដែលសមាជិកទាំងអស់ចូលស្បថនៅក្នុងព្រះបរមរាជវាំង ។
លោកក៏បានបញ្ជាក់ពីខ្លឹមសារនៃការស្បថរបស់សមាជិកសភាមានច្រើនករណី ប៉ុន្តែលោកបានលើក៣ចំណុចប្រាប់ប្រជាពលរដ្ឋថា ទី១ – ស្មោះស្ម័គ្រជាមួយប្រជាពលរដ្ឋខ្លួនឯង ទី២- ថែរក្សាដែនដីរបស់ខ្លួន ឬព្រំប្រទល់ និងទី៣- ស្នេហាជាតិ ។
លោកបញ្ជាក់ថា «អីញ្ចឹងគោលការណ៍៣នេះ សំខាន់បានជម្រុញប្រទេសសាងឲ្យមានសុខសន្តិភាព និងការអភិវឌ្ឍ ។ ខ្ញុំមិនបាច់លើកពីជំនាន់ ប៉ុល ពតទេពុកម៉ែមានមីងបានឆ្លងកាត់រួចហើយ» ។ លោកបន្តថា ប្រទេសកម្ពុជាជាប្រទេសមួយដែលមានការរីកចម្រើន មានរយៈពេលតិចជាងគេនៅក្នុងចំណោមប្រទេសជាច្រើនលើកពិភពលោក គឺមានជាង៤០ឆ្នាំ់ប៉ុណ្ណោះ ដែលបណ្តាប្រទេសខ្លះប្រើរយៈពេលរហូត៨០ឆ្នាំ ។
លោក ស សុខា ក៏បានលើកឡើងថា ចាប់តាំងពីដើមឡើយ គណបក្សប្រជាជនកម្ពុជាមិនដែលយកខ្មែរជាសត្រូវនោះទេ ។ ជាមួយគ្នានោះដែរ លោកស សុខា ក៏បានស្នើឲ្យពលរដ្ឋរាយការណ៍ពីចំណុចអវិជ្ជាមានរបស់មន្ត្រីគណបក្សប្រជាជនកម្ពុជាផងដែរ ។ លោកថា គណបក្សប្រជាជនកម្ពុជាមិនមែនជាគណបក្សមួយដែលល្អឥតខ្ចោះនោះទេ ប៉ុន្តែមាន ចំនួនត្រូវភាគច្រើនជាងខុស ។
លោក«អីញ្ចឹងសូមបងប្អូនពុកម៉ែ មាមីងឃើញថា ខុសនិយាយថាខុស ឃើញថាត្រូវកុំទុកដល់ពេលគូសសន្លឹកឆ្នោតគូសឲ្យធ្លាក់ ឬអត់គូស ។ ដូច្នេះសុំប្រាប់ឲ្យត្រង់ថា ខុសនិយាយខុសត្រូវនិយាយត្រូវ» ។
សូមជម្រាបថា បើកាលពីវិភាគដែលសម្តេចតេជោ ហ៊ុនសែន នាយករដ្ឋមន្ត្រីធ្លាប់បានលើកឡើងថា នៅថ្ងៃទី០៥ ខែកញ្ញានេះ រដ្ឋសភានឹងបើកសម័យប្រជុំលើកដំបូងនីតិកាលទី៦ ក្រោមអធិបីតភាពព្រះករុណាសម្តេចព្រះបរមនាថនរោត្តមសីហុនី ហើយនៅពេលរសៀលសមាជិកសភាទាំង១២៥រូប ចូលស្បថនៅថ្ងៃទី៦ កញ្ញា រៀបចំក្បាលម៉ាស៊ីនរដ្ឋាភិបាល និងថ្ងៃទី៧ កញ្ញា គណៈរដ្ឋមន្ត្រីបើកសម័យប្រជុំលើកដំបូង ។
សូមជម្រាបការបោះឆ្នោតជ្រើសតាំងអ្នកតំណាងរាស្ត្រអាណត្តិទី៦ រដ្ឋសភាមានគណបក្សនយោបាយចំនួន២០ បានចូលរួមប្រកួតប្រជែង ប៉ុន្តែមានគណបក្សប្រជាជនកម្ពុជាតែមួយប៉ុណ្ណោះ ទទួលបានសម្លេងគាំទ្ររហូតដល់១២៥អាសនៈនៅក្នុងរដ្ឋសភា ៕
ចែករំលែកព័តមាននេះ