រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា បានអះអាងថា ការបន្តឃុំខ្លួន លោក កឹម សុខា អតីតប្រធានគណបក្សសង្គ្រោះជាតិ គឺជាឆន្ទានុសិទ្ធិរបស់តុលាការ…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា បានអះអាងថា ការបន្តឃុំខ្លួន លោក កឹម សុខា អតីតប្រធានគណបក្សសង្គ្រោះជាតិ គឺជាឆន្ទានុសិទ្ធិរបស់តុលាការ គ្មានបរទេសណាមួយ ឬឥទ្ធិពលនយោបាយណាលូកដៃបានឡើយ។ ការលើកឡើងរបស់អ្នកនាំពាក្យគណបក្ស កាន់អំណាចនេះ បន្ទាប់ពីតុលាការរាជធានីភ្នំពេញសម្រេចបន្តឃុំខ្លួនលោក កឹម សុខា នៅពន្ធនាគារ ត្រពាំងផ្លុងរយៈពេល៦ខែបន្តទៀត។ ការបន្តឃុំខ្លួននេះត្រូវបានសកម្មជនអ្នកគាំទ្រអតីត បក្សសង្គ្រោះជាតិថា ស្ថិតនៅក្រោមគំនាបនយោបាយ។
លោក សុខ ឥសាន បានឲ្យដឹងតាមប្រ ព័ន្ធតេឡេក្រាមនៅថ្ងៃទី០១ ខែកញ្ញាថា នៅទីបំផុតនៅតែជាឆន្ទានុសិទ្ធិរបស់តុលាការដដែល។ នៅមុនពេលដែលតុលាការបើកសវនាការរឿងក្តីសន្និដ្ឋិភាពរបស់លោក កឹម សុខា មានអ្នកនយោ បាយ និងអ្នកវិភាគសង្គមបានធ្វើការទស្សន៍ទាយដោយប្រការផ្សេងៗ ជាពិសេសនាំគ្នាស្រែកថា លោក កឹម សុខា នឹងត្រូវបានដោះលែងឲ្យនៅក្រៅឃុំដោយមិនគិតពីស្ថានទម្ងន់ទោស និងពិរុទ្ធភាពរបស់សាម៉ីជននោះឡើយ។ លោកបញ្ជាក់ថា «ឥឡូវឆ្លងតាមសវនាការបស់តុលាការ ចៅក្រមស៊ើបសួរបានសម្រេចបន្តឃុំខ្លួនលោក កឹម សុខា បន្ត៦ខែទៀត។
ការសម្រេចរបស់តុលាការ បានផ្អែកតាមនីតិវិធីព្រហ្មទណ្ឌ ដែលអនុញ្ញាតឲ្យឃុំខ្លួនជនជាប់ចោទបានចំនួន៦ខែ ៣ដងក្នុងករណីបទល្មើសឧក្រិដ្ឋធ្ងន់ធ្ងរ»។ ជាមួយគ្នានោះដែរ អ្នកនាំពាក្យគណបក្សប្រជាជនកម្ពុជា ក៏បានលើកឡើងថា ការទស្សន៍ទាយថានឹងមានការដោះលែងជនជាប់ចោទឲ្យនៅក្រៅឃុំ គឺខុសទាំងស្រុង បានសេចក្តីថា ការសម្រេចបន្តឃុំខ្លួនជនជាប់ចោទ គឺជាឆន្ទានុសិទ្ធិរបស់តុលាការ កម្ពុជា។ ស្របតាមនីតិវិធីព្រហ្មទណ្ឌនៃព្រះរាជាណាចក្រកម្ពុជា។ គ្មានឥទ្ធិពលអ្វីពីការនិយាយស្តី របស់អ្នកនយោបាយ និងអ្នកវិភាគនយោបាយណាឡើយ។ និងគ្មានពាក់ព័ន្ធនឹងឥទ្ធិពល ឬគ្មានការគាប សង្កត់ពីបរទេសណាឡើយ។
សូមជម្រាបថា ការលើកឡើងរបស់អ្នកនាំពាក្យគណបក្សប្រជាជនកម្ពុជា នេះ ដែរបន្ទាប់ពីប៉ុន្មានថ្ងៃកន្លងទៅនេះ មានជនមួយចំនួនបាននាំគ្នានិយាយពីមាត់មួយទៅមាត់មួ យថា នៅពេលតុលាការបើកសវនាកាករណី កឹម សុខា កាលពីថ្ងៃទី៣០ ខែសីហា ២០១៨កន្លងមកនេះនឹង មានការដោះលែងលោក កឹម សុខា ដោយពួកគេកែនគ្នាទៅរង់ចាំទទួលស្វាគមន៍លោក កឹម សុខា ទៀតផង។ តែធាតុពិតមិនមានការដោះលែងដូចការនិយាយបំផុសជាពាក្យចចាមអារ៉ាម និងការវិភាគពី ទំនោចង់ដោះលែងនោះឡើយ។
ករណីនេះដែរ ត្រូវបានលោក សុខ ឥសាន បានបញ្ជាក់ថា« សំណុំរឿងរបស់លោក កឹម សុខា កំពុងស្ថិតនៅក្នុងដំណើរការនីតិវិធីរបស់តុលាការនៅឡើយ។ មានមជ្ឈដ្ឋានប្រឆាំងមួយចំនួននិយាយថា នាពេលខាងមុខនឹងមានការចរចានយោបាយដើម្បីឲ្យមានកា ររស់ឡើងវិញនៃអតីតបក្សប្រឆាំង។ តែធាតុពិតអ្វីៗមិនស្ថិតនៅលើការនិយាយនោះទេ ពីព្រោះអតីត បក្សប្រឆាំងត្រូវបានតុលាការកំពូលរំលាយចោលរួចហើយតាមសាលដីកាស្ថាពរ និងបិទផ្លូវតវ៉ា កាលពីចុងឆ្នាំ២០១៧ម្លេះ »។
ចែករំលែកព័តមាននេះ