បើយោងតាមស៊ីនហួរបស់ចិនផ្សាយកាលពីពេលថ្មីៗកន្លងមកថា លោកជាំង អ្នកបើកបររថយន្តរបស់ក្រុមហ៊ុនមួយនៅក្នុងក្រុងជាំងចូវ បានត្រងទឹកពីបំពង់ស៊ីម៉ាំងរថយន្តរបស់ខ្លួន រួចផឹកនៅចំពោះមុខមហាជនដើម្បីពិសោធន៍ឲ្យដឹងថា រថយន្តដែលដើរដោយថាមពល «អ៊ីដ្រូហ្សែន» គឺគ្មានជាតិពុល និងបញ្ចេញទឹកមានគុណភាពខ្ពស់អាចបរិភោគបាន ។…
បើយោងតាមស៊ីនហួរបស់ចិនផ្សាយកាលពីពេលថ្មីៗកន្លងមកថា លោកជាំង អ្នកបើកបររថយន្តរបស់ក្រុមហ៊ុនមួយនៅក្នុងក្រុងជាំងចូវ បានត្រងទឹកពីបំពង់ស៊ីម៉ាំងរថយន្តរបស់ខ្លួន រួចផឹកនៅចំពោះមុខមហាជនដើម្បីពិសោធន៍ឲ្យដឹងថា រថយន្តដែលដើរដោយថាមពល «អ៊ីដ្រូហ្សែន» គឺគ្មានជាតិពុល និងបញ្ចេញទឹកមានគុណភាពខ្ពស់អាចបរិភោគបាន ។
លោកជាំងបានបញ្ជាក់ប្រាប់សារព័ត៌មាន ក្រោយពីផឹកទឹកដែលហូរចេញពីស៊ីម៉ាំងរថយន្តថា «គ្មានរសជាតិ ប៉ុន្តែក្ដៅ ឧណ្ហៗ» ។ នៅលើរថយន្តមានបំពាក់ឧបករណ៍បំលែងថាមពលពីអ៊ីដ្រូហ្សែន ឲ្យក្លាយជាចរន្តពីអ៊ីដ្រូហ្សែន និងអុកស៊ីហ្សែន ។ រថយន្តនេះអាចរត់បានចម្ងាយជាង៤០០គីឡូម៉ែត្រក្នុងការបញ្ចូលអ៊ីដ្រូហ្សែន១៥គីឡូក្រាមក្នុងមួយលើក ។
ក្រុមហ៊ុនទើបបញ្ចេញរថយន្តប្រើថាមពលអ៊ីដ្រូហ្សែនចំនួន២គ្រឿងដាក់ឲ្យដំណើរការលើដងផ្លូវនៅក្រុងជាំងចូវ កាលពីពេល ថ្មីៗកន្លងមក និងរំពឹងថានឹងបង្កើន២០គ្រឿងទៀត នៅក្នុងខែតុលាខាងមុខ ៕
ចែករំលែកព័តមាននេះ