រាជធានីភ្នំពេញ ៖ ជនសង្ស័យជួញដូគ្រឿងញៀនម្នាក់ ត្រូវបានលោកព្រះរាជអាជ្ញាអមសាលាដំបូងខេត្តបានដឹកនាំកម្លាំងជំនាញប៉ូលិសខេត្តនឹងចុះធ្វើការបង្ក្រាបបានរួមជាមួយនឹងវត្ថុតាងជាក់ស្តែងរួច កសាងសំណុំរឿងបញ្ជូនមកការិយាល័យជំនាញខេត្ត ដើម្បីចាត់ការបន្តដោយមានការចូលរួមពីលោកឧត្តមសេនីទោសុខ សំណាង ស្នងការនគរបាលខេត្តក្នុងការដឹកនាំកម្លាំងប៉ូលិស ។ ហេតុការនេះបានកើតឡើងនៅព្រឹកថ្ងៃទី០២…
រាជធានីភ្នំពេញ ៖ ជនសង្ស័យជួញដូគ្រឿងញៀនម្នាក់ ត្រូវបានលោកព្រះរាជអាជ្ញាអមសាលាដំបូងខេត្តបានដឹកនាំកម្លាំងជំនាញប៉ូលិសខេត្តនឹងចុះធ្វើការបង្ក្រាបបានរួមជាមួយនឹងវត្ថុតាងជាក់ស្តែងរួច កសាងសំណុំរឿងបញ្ជូនមកការិយាល័យជំនាញខេត្ត ដើម្បីចាត់ការបន្តដោយមានការចូលរួមពីលោកឧត្តមសេនីទោសុខ សំណាង ស្នងការនគរបាលខេត្តក្នុងការដឹកនាំកម្លាំងប៉ូលិស ។ ហេតុការនេះបានកើតឡើងនៅព្រឹកថ្ងៃទី០២ ខែកញ្ញា ឆ្នាំ២០១៨ ។
លោកវរសេនីយ៍ឯក ឌុក ធីយ៉ា អធិការនគរបាលស្រុកត្រាំកក់បានឲ្យដឹងថា នៅព្រឹកថ្ងៃទី៣១ ខែសីហា ឆ្នាំ២០១៨ វេលាម៉ោង១០និង១៥នាទី ឧត្តមសេនីយ៍ទោ សុខ សំណាង ស្នងការ ស្នងការនគរបាលខេត្តតាកែវ ដោយមានការសម្របសម្រួលពីលោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ បានដឹកនាំបញ្ជាផ្ទាល់កម្លាំងជំនាញនៃស្នងការដ្ឋាននគរបាលខេត្តតាកែវ និងកម្លាំងនគរបាលស្រុកត្រាំកក់ចុះបង្ក្រាបករណីជួញដូរសារធាតុញៀន នៅចំណុចបរិវេណផ្ទះរបស់ឈ្មោះ ប៉ោ នាង ភេទស្រី អាយុ៨០ឆ្នាំ ស្ថិតនៅក្នុងភូមិយាយឡ ឃុំត្រាំកក់ ស្រុកត្រាំកក់ ខេត្តតាកែវ ។
លោកវរសេនីយ៍ឯកអធិការបានឲ្យដឹងទៀតថា ក្នុងកិច្ចប្រតិបត្តិការនេះឃាត់ខ្លួនបានជនសង្ស័យ០១ម្នាក់ឈ្មោះ ឡេង ចាន់រាត្រី (ហៅអាវ៉ិត ) ភេទប្រុស អាយុ៣៣ឆ្នាំ នៅភូមិម៉ាឡេង ឃុំម៉ាក់ប្រាំង ស្រុកទឹកឈូ ខេត្តកំពត ព្រមទាំងដកហូតវត្ថុតាងបានរួមមានគ្រឿងញៀនប្រភេទមេតំហ្វេតាមីន (ice) ចំនួន២៦ថង់ (០៤ថង់ធំ និង២២ថង់តូច) ដែលមានទម្ងន់៥០៣.៩៩ក្រាម រថយន្ត០១គ្រឿង (ម៉ាកTOYOTA TACOMA) ពណ៌ទឹកមាស ពាក់ស្លាកលេខភ្នំពេញ 2Z-1616 ប្រដាប់វេចខ្ចប់ថ្នាំមួយចំនួន ឯកសារទិញលក់រថយន្ត និងសៀវភៅកំណត់ហេតុលក់គ្រឿងញៀនមួយក្បាល ពណ៌ខ្មៅ ។
នៅចំពោះមុខប៉ូលិសជនសង្ស័យជួញដូគ្រឿងញៀនបាននិយាយសារភាពថា រូបគេពិតជាបានរកស៊ីជួញដូរគ្រឿងញៀនពិតប្រាកដមែន ។ ប៉ូលិសការិយាល័យប្រឆាំងការជួញដូរគ្រឿងញៀនខេត្តបានឲ្យដឹងផងដែរ ក្រោយពីឃាត់ខ្លួនជនសង្ស័យរួចយើងក៏បានកសាងសំណុំរឿង ដើម្បីបញ្ជូនជនសង្ស័យរួម និងវត្ថុតាងទៅកាន់សាលាដំបូងខេត្តនៅរសៀលថ្ងៃទី២ ៩ ២០១៨ ដើម្បីចាត់ការទៅតាមច្បាប់ ៕
ចែករំលែកព័តមាននេះ