ម្នាក់ៗប្រឹងសម្ងំណាស់ ដល់ពេលទៅទាន់…
- សៀមរាប
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀន ដោយបានការចូលរួមសហការពីកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលក្រុងសៀមរាប និងកម្លាំងប៉ុស្តិ៍នគរបាលរដ្ឋបាលសង្កាត់សាលាកំរើកចុះបង្ក្រាបបទរក្សាទុកជួញដូរ និងចាត់ចែងឱ្យប្រើ ប្រាស់ដោយខុសច្បាប់នូវសារធាតុញៀនឈានដល់ធ្វើការឃាត់ខ្លួនប្រុសស្រីមួយកន្លែងក្នុងបន្ទប់ជួល រួចនាំយកមកសួរនាំនៅការិយាល័យជំនាញ ដើម្បីរៀបចំកសាងសំណុំរឿងបញ្ជូនបន្តទៅតុលាការខេត្តចាត់ការតាមផ្លូវច្បាប់ ។…
ហេតុការចុះប្រតិបត្តិការបង្ក្រាបជនសង្ស័យជួញដូរ និងប្រើប្រាស់គ្រឿងញៀននោះបានធ្វើឡើងនៅវេលាម៉ោង០៨និង០០នាទីព្រឹក ថ្ងៃទី០១ ខែកញ្ញា ឆ្នាំ២០១៨ ស្ថិតនៅក្នុងបន្ទប់ជួល ក្រុមទី០២ ភូមិតាវៀន សង្កាត់សាលាកំរើក ក្រុង-ខេត្តសៀមរាប ។
តាមប្រភពពីមន្ត្រីនគរបាលគ្រឿងញៀនខេត្តបានប្រាប់ថា ជនសង្ស័យប្រុសស្រីចំនួន០៤នាក់ ក្នុងនោះមានទី១- ឈ្មោះ ណន ស៊ីឌីន ភេទប្រុស ឆ្នាំកំណើត១៩៨០ មុខរបរលក់មាន់ ទីលំនៅភូមិតាវៀន សង្កាត់សាលាកំរើក ក្រុង-ខេត្តសៀមរាប(រក្សាទុកជួញដូរ និងប្រើប្រាស់) (មានសារធាតុញៀនក្នុងខ្លួន) ទី២- ឈ្មោះ ធី ណារិន ភេទប្រុស ឆ្នាំកំណើត១៩៩៥ មុខរបរគ្មាន មានទីលំនៅភូមិជ្រៃខាងជើង ឃុំកៀនសង្កែ ស្រុកសូទ្រនិគម ខេត្តសៀមរាប (សមគំនិតជួញដូរ និងប្រើប្រាស់) (មានសារធាតុញៀនក្នុងខ្លួន) ទី៣- ឈ្មោះ ធឿន ស្រីពេជ្រ ភេទស្រី ឆ្នាំកំណើត១៩៩៨ មុខរបរគ្មាន ទីលំនៅភូមិបឹងដូនប៉ា សង្កាត់ស្លក្រាម ក្រុង- ខេត្តសៀមរាប(សមគំនិតជួញដូរ និងប្រើប្រាស់) (មានសារធាតុញៀនក្នុងខ្លួន) និងទី៤- ឈ្មោះ សុខ ស្រីខួច ភេទស្រី ឆ្នាំកំណើត២០០១ មុខរបរគ្មាន ទីលំនៅភូមិតាវៀន សង្កាត់សាលាកំរើក ក្រុង-ខេត្តសៀមរាប (សមគំនិតជួញដូរ និងប្រើប្រាស់) (មានសារធាតុញៀនក្នុងខ្លួន) ។
ក្រោយឃាត់ខ្លួនជនសង្ស័យកម្លាំងជំនាញបានដកហូតវត្ថុតាងរួមមានម្សៅមេតំហ្វេតាមីនប្រភេទទឹកកកចំនួន៣២កញ្ចប់ ស្មើនឹងទម្ងន់៦,២ក្រាម (ទម្ងន់សុទ្ធ) ជញ្ជីងថ្លឹងគ្រឿងញៀន ចំនួន០១គ្រឿង -ទូរស័ព្ទដៃចំនួន០៥គ្រឿង និងឧបករណ៍ប្រើប្រាស់ និងសម្ភារវេចខ្ចប់គ្រឿងញៀនមួយចំនួនទៀតផង ។
ចែករំលែកព័តមាននេះ