រាជធានីភ្នំពេញ ៖ បុរសម្នាក់សង្ស័យស្រវឹងខ្លាំងបើករថយន្តចេញពីខេធីវី ឌឹឃ្វីនស៍ ក៏ជ្រុលចង្កូតឡើងទ្រូងផ្លូវខូចបន្តិចបន្តូច ពេលសមត្ថកិច្ចចុះទៅសាកសួរព័ត៌មានបែរជាអ្នកបើកបររថយន្តមិនសហការ ហើយបានព្យាយាមបើករថយន្តរត់គេចខ្លួនទៀត ត្រូវបានកម្លាំងសមត្ថកិច្ចមូលដ្ឋានដេញតាមស្ទាក់ និងឃាត់បានមកវិញ។ ហេតុការណ៍នេះ…
រាជធានីភ្នំពេញ ៖ បុរសម្នាក់សង្ស័យស្រវឹងខ្លាំងបើករថយន្តចេញពីខេធីវី ឌឹឃ្វីនស៍ ក៏ជ្រុលចង្កូតឡើងទ្រូងផ្លូវខូចបន្តិចបន្តូច ពេលសមត្ថកិច្ចចុះទៅសាកសួរព័ត៌មានបែរជាអ្នកបើកបររថយន្តមិនសហការ ហើយបានព្យាយាមបើករថយន្តរត់គេចខ្លួនទៀត ត្រូវបានកម្លាំងសមត្ថកិច្ចមូលដ្ឋានដេញតាមស្ទាក់ និងឃាត់បានមកវិញ។ ហេតុការណ៍នេះ កើតឡើងកាលពីម៉ោង១១និង ៣០នាទីយប់ ថ្ងៃទី០១ ខែ កញ្ញា ឆ្នាំ ២០១៨ នៅចំណុចមុខ ខេធីវី ឌឹឃ្វីនស៍ លើកំណាត់ផ្លូវណតប្រីត សង្កាត់អូរបែកក្អម ខណ្ឌសែនសុខ ។
ប្រភពនៅកន្លែងកើតហេតុបានឲ្យដឹងថា មុនកើតហេតុ គេឃើញបុរសម្នាក់បើករថយន្ត ពណ៌ស ពាក់ស្លាកលេខ ភ្នំពេញ ២AJ-២៧២២ ចេញពីខេធីវី ឌឹឃ្វីន៍ សង្ស័យស្រវឹង បានបើកឡើងសួនច្បារទ្រូងផ្លូវនៅខាងមុខខេធីវីបណ្តាលឱ្យរងការខូចខាតបន្តិចបន្តួច ប៉ុន្តែពេលសមត្ថកិច្ចចុះទៅសាកសួរព័ត៌មាន បែរជាអ្នកបើកបររថយន្តមិនសហការជាមួយសមត្ថកិច្ច ហើយបានព្យាយាមបើករថយន្តរត់គេចខ្លួន រហូតដល់ចំណុចផ្លូវចូលបូរី លឹម ឈាង ហាក់ក្នុងភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ ទើបកម្លាំងសមត្ថ
កិច្ចមូលដ្ឋានដេញតាមស្ទាក់និងឃាត់បានមកវិញ។
ក្រោយពីឃាត់បានរថយន្តខាងលើ សមត្ថកិច្ចបានប្រគល់ទៅអោយការិយាល័យនគរបាលចរាចរណ៍ជើងគោក រាជធានីភ្នំពេញជាអ្នករក្សាទុក និងរង់ចាំដោះស្រាយនៅពេលក្រោយ ៕
ចែករំលែកព័តមាននេះ