រដ្ឋមន្ត្រីការបរទេសឥណ្ឌូណេស៊ី លោក MARTY NATALEGAWA គូសបញ្ជាក់កាលពីថ្ងៃទី២៨ មីនា ថា ឥណ្ឌូណេស៊ីស្នើដល់ អ.ស.ប ឱ្យទាមទារការចុះហត្ថលេខាលើបទឈប់បាញ់គ្នាមួយនៅលីប៊ី ដែលនៅទីនោះសភាពការណ៍កាន់តែអាក្រក់ទៅ ។ ក្នុងសភារដ្ឋមន្ត្រីការបរទេសឥណ្ឌូណេស៊ីថ្លែងថា ឥណ្ឌូណេស៊ីប្រឆាំងចំពោះអំពើហិង្សាទាំងឡាយនៅក្នុងប្រទេសលីប៊ី ។ ឥណ្ឌូណេស៊ី និងប្រទេសដទៃៗទៀតជាសមាជិក អ.ស.ប នាពេលនេះបានរៀបចំធ្វើសារលិខិតរួមមួយច្បាប់ផ្ញើជូនប្រធានក្រុមប្រឹក្សាសន្តិសុខ អ.ស.ប ដោយអំពាវនាវឱ្យមានការចុះហត្ថលេខាលើបទឈប់បាញ់គ្នាមួយ និងបើកការចរចារវាងភាគីដែលមានទំនាស់គ្នាទាំងឡាយ ។ ជំហររបស់ឥណ្ឌូណេស៊ីគឺជម្លោះនយោបាយត្រូវដោះស្រាយតាមផ្លូវប្រជាធិបតេយ្យ និងការចរចា ។ យើងនឹងពុំអាចអត់ឱនដល់អំពើហិង្សាឡើយ ។
ចំណែកលោក MAHFUG SIDDIQ ប្រធានគណៈកម្មការការពារ និងកិច្ចការបរទេសព្រមទាំងយោធារបស់សភាឥណ្ឌូណេស៊ីអះអាងថា សហគមន៍អន្តរជាតិត្រូវទាញយកមេរៀននៃការខុសឆ្គងទាំងឡាយនៅក្នុងក្របខណ្ឌនៃអន្តរាគមន៍យោធានៅអ៊ីរ៉ាក់ដើម្បីកុំឱ្យការខុសឆ្គងទាំងនេះកើតមានជាថ្មីទៀត ។ ប្រទេសនីមួយៗត្រូវគ្រប់គ្រងបញ្ហាដោយខ្លួនឯងផ្ទាល់ ដោយគ្មានការជ្រៀតជ្រែកពីប្រទេសដទៃៗទៀត។ យើងពុំអាចផ្តល់ភាពស្របច្បាប់ណាមួយដល់អន្តរាគមន៍យោធាក្នុងបណ្តាប្រទេសអធិបតេយ្យឡើយ ៕
ចែករំលែកព័តមាននេះ