ខេត្តព្រះសីហនុ ៖ សេចក្តីរាយការណ៍ឱ្យដឹងថា នៅព្រឹកថ្ងៃទី០១ កញ្ញា ដែលឈានចូលថ្ងៃទី៣ សម្រាប់វិធានការក្តៅរបស់រដ្ឋបាលស្រុក ពាក់ព័ន្ធរៀបចំសណ្តាប់មុខផ្សារវាលរេញ គឺបានបន្តចុះធ្វើទៀត ស្ថិតនៅទីតាំងលក់ផ្លែឈើ ក្រោមដំបូលឆត្រ និងប្រក់តង់កោះស៊ូ ជាប់របងមុខផ្សារវាលរេញ ។
សេចក្តីរាយការណ៍បន្តថា ការចុះរបស់កម្លាំងអាជ្ញាធរនេះ គឺដោយសារកន្លែងលក់ខាងលើ បានបង្កអនាធិប្បតេយ្យ និងបះពាល់សណ្តាប់ធ្នាប់ ទើបត្រូវអាជ្ញាធរចុះរុះរើចេញ ដោយដាក់គ្រឿងចក្រចូលឈូសឆាយតែម្តង ។
ប្រភពបន្តថា បើទោះបីមានការស្នើសុំ និងតវ៉ាពីក្រុមអាជីករយ៉ាងណាក្តី ក៏អាជ្ញាធរមិនអនុញ្ញាត្តទៀតដែរ ។ ហើយជាលទ្ធផល ទីតាំងនោះដែលមានប្រមាណជាង១០កន្លែង ត្រូវបានរុះរើសម្រេចទាំងស្រុង ដែលមានទាំងកម្លាំងប្រជាកាពារភូមិចូលរួមដែរ ។
ចែករំលែកព័តមាននេះ