រាជធានីភ្នំពេញ ៖ ប្រមុខរាជរដ្ឋាភិបាលសម្តេចអគ្គមហាសេនាបតីតេជោ ហ៊ុន សែន នាយករដ្ឋនាយករដ្ឋមន្ត្រី នៃព្រះរាជាណាចក្រកម្ពុជា បានសម្រេចអនុញ្ញាតឲ្យក្រសួងមហាផ្ទៃសិក្សាលទ្ធ ភាពរៀបចំបង្កើតខេត្តថ្មីចំនួន២បន្ថែមទៀតសម្រាប់អាណត្តិទី៦នេះ។ នេះបើតាមលិខិតមួយច្បាប់ ដែលក្រសួងមហាផ្ទៃស្នើសុំសម្តេចតេជោ ហ៊ុន សែន។ យោងតាមលិខិតមួយច្បាប់ដែលចុះហត្ថលេខា ដោយសម្តេចតេក្រហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ចុះថ្ងៃទី២៧ សីហា ហើយត្រូវផ្សព្វផ្សាយជាសាធារណៈ នៅថ្ងៃទី៣១ សីហា បានស្នើសុំសម្តេចតេជោ ហ៊ុន សែន នាយករដ្ឋមន្ត្រី សុំគោលការណ៍អនុញ្ញាតដើម្បីសិក្សាលទ្ធផលភាពរៀបចំបង្កើតខេត្តថ្មីចំនួន២។
សម្តេចស ខេង បានលើកឡើងការស្នើសុំនេះយោងតាមច្បាប់ស្តីពីការគ្រប់រដ្ឋបាលរាជធានីខេត្ត ក្រុង ស្រុក ខណ្ឌ។ ច្បាប់ស្តីពីការបោះឆ្នោតជ្រើសរើសក្រុមប្រឹក្សារាជធានី ក្រុម ប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ និងសេចក្តីសម្រេចលេខ៩២ សសរ.ចុះថ្ងៃទី៦ ខែមេសា ឆ្នាំ២០១៨ របស់រាជរដ្ឋាភិបាល កម្ពុជា ស្តីពីការបង្កើតគណៈកម្មការ ស្រាវជ្រាវ សម្រួលព្រំប្រទល់រដ្ឋបាល ថ្នាក់ក្រោមជាតិ។ សម្តេចស ខេង បានបញ្ជាក់ក្នុងលិខិតថា«ខ្ញុំសូមគោរពជម្រាបជូនសម្តេចតេជោ នាយករដ្ឋមន្ត្រី មេត្តាជ្រាបដ៏ខ្ពង់ខ្ពស់ ថា រាជរដ្ឋាភិបាលបានដាក់ចេញនូវចេញសេចក្តីសម្រេចស្តីពី ការបង្កើតគណៈកម្មការស្រាវជ្រាវកែ សម្រួលព្រំប្រទល់រដ្ឋបាលថ្នាក់ក្រោមជាតិ ដែលគណៈកម្មការនេះដឹកនាំដោយរូបខ្ញុំផ្ទាល់»។
សម្តេចក្រឡាហោម ក៏បានឲ្យដឹងថា គណៈកម្មការនេះជាសេនាធិការជូនរាជរដ្ឋាភិបាល ក្នុងការកំណត់ និងកែសម្រួលព្រំប្រទល់រដ្ឋបាលថ្នាក់ក្រោមជាតិ និងរៀបចំបង្កើតរដ្ឋបាលថ្នាក់ក្រោមជាតិ។ សម្តេចឧបកនាយករដ្ឋមន្ត្រីបន្ថែមថា «នៅចំពោះមុខនេះផ្អែកតាមការពិនិត្យជាទូទៅលើស្ពានភាព ភូមិសាស្ត្រ និងស្ថានភាពប្រជាសាស្ត្រ ខ្ញុំយល់ឃើញថា គួរឲ្យមានការសិក្សាលទ្ធភាពក្នុងការ រៀបចំបង្កើតខេត្តថ្មីចំនួន២ ដើម្បីជួយលើកកម្ពស់ប្រសិទ្ធភាពនៃការគ្រប់គ្រងរដ្ឋបាល ការថែរក្សាសន្តិសុខសណ្តាប់ធ្នាប់សាធារណៈ ការជំរុញអភិវឌ្ឍនៅមូលដ្ឋាន និងការ ផ្តល់សេវាសាធារណៈជូនប្រជាពលរដ្ឋ»។
សម្តេចក្រឡាហោម ស ខេង ក៏បានឲ្យដឹងថា ការសិក្សាពិនិត្យលទ្ធភាពក្នុងការបង្កើតខេត្តថ្មីមួយដោយបំបែកចេញពីខេត្តកណ្តាល។ ការសិក្សាលទ្ធភាពក្នុងការបង្កើតខេត្តថ្មី ដោយពិនិត្យលើកត្តាភូមិសាស្ត្រ និងប្រជាសាស្ត្រ របស់ស្រុកកោះញែក នៃខេត្តមណ្ឌលគិរី និងស្រុកលំផាត់ នៃខេត្តរតនគិរី។ យោងតាមលិខិតដែលបានចំណាឯកភាពពីសម្តេចតេជោ ហ៊ុន សែន នាយករដ្ឋមន្ត្រី ក៏បានលើកឡើងថា ក្នុងករណីដែលសម្តេចតេជោនាយករដ្ឋមន្ត្រី ឯកភាពជាគោលការណ៍ លើគម្រោងបង្កើតថ្មីទាំងពីរនេះ ក្រសួងមហាផ្ទៃចាត់មន្ត្រីបច្ចេកទេស ដើម្បីសហការជាមួយក្រសួង និងខេត្តពាក់ព័ន្ធ ចុះធ្វើការសិក្សាស្រាវជ្រាវជាក់ស្តែង ដើម្បីរាយការណ៍ សុំយោបល់ដឹកនាំ ជាបន្តបន្ទាប់ពីសម្តេច តេជោនាយករដ្ឋមន្ត្រី។
សម្តេចក្រឡាហោម ស ខេង បានគូសបញ្ជាក់ថា « ខ្ញុំសូមគោរពជម្រាបជូន សម្តេចតេជោជម្រាបថា កិច្ចការនេះត្រូវរៀបចំធ្វើឲ្យបានចប់សព្វគ្រប់នៅខែមករា ឆ្នាំ២០១៩ ដើម្បីទុកពេលវេលាសមស្របសម្រាប់រាជរដ្ឋាភិបាលកំណត់ចំនួនអាសនៈក្រុមប្រឹក្សារាជនី ខេត្ត ក្រុង ស្រុក ខណ្ឌ សម្រាប់ការបោះឆ្នោតជ្រើសតាំងក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី៣ ដែលតាមអាណត្តិកំណត់ក្នុងច្បាប់គឺក្នុងអំឡុងខែឧសភា ឆ្នាំ២០១៩ខាងមុខនេះ»៕
ចែករំលែកព័តមាននេះ