រាជធានីភ្នំពេញ ៖ បន្ទាប់ពីក្រសួងការងារ និងបណ្តុះបណ្តាលប្រកាសបើកការពិភាក្សា ផ្ទៃក្នុងគ្រប់ភាគីពាក់ពន្ធមកភាគីសហជីពបានប្រកាសថានឹងដាក់តួលេខជាង២០០ដុល្លារស ម្រាប់ការចរចាប្រាក់ឈ្នួលឆ្នាំ២០១៩នេះ។ លោក អាត់ ធន់ ប្រធានសម្ព័ន្ធសហជីព ប្រជាធិបតេយ្យកម្មករកាត់ដេរកម្ពុជា (ស៊ីខៅឌូ) បានឲ្យដឹងនៅថ្ងៃទី៣០ ខែសីហា ឆ្នាំ២០១៨ថា សហជីពលោកគ្រោងលើកយកតួលេខជាង២០០ដុល្លារ ដើម្បីដាក់ជជែកគ្នានៅពេលខាងមុខ នេះ។ លោកបញ្ជាក់ថា «ប្រាក់ឈ្នួលអប្បរមាសម្រាប់ឆ្នាំ២០១៩ ដែលយើងចរាចរណ៍ក្នុងឆ្នាំ២០ ១៨នេះយើងនឹងចាប់ផ្តើមចរចានៅថ្ងៃទី៣ ខែកញ្ញា យើងនឹងជជែកជាមួយក្រុមប្រឹក្សាការងារ ហើយចាប់ពីថ្ងៃទី១០ កញ្ញាទៅចំនួនដែលយើងដាក់ជជែកគ្នានោះយើងមិនទាន់កំណត់តួលេ ខជាក់លាក់ទេ តែចំនួននោះជាង២០០ដុល្លារ»។
លោក អាត់ ធន់ ក៏បានឲ្យដឹងនៅថ្ងៃទី៦ កញ្ញាខាងមុខនេះ ក្រុមសហជីពនឹងបើកកិច្ចប្រជុំគ្នាដើម្បីដាក់តួលេខជាផ្លូវការមួយ ដាក់សំណើរទៅកាន់រដ្ឋាភិបាលពិសេសនោះក្រសួងការងារ និងបណ្តុះបណ្តាលវិជ្ជាជីវៈ។ យ៉ាងណាក្តីបើតាម អាត់ ធន់ នៅតែប្រកាន់ជំហរថា សម្រាប់តួលេខ ដែលនឹងចរចាគ្នាសម្រាប់ ប្រាក់ឈ្នួលអប្បរមានោះស្ថិតក្នុងរង្វង់ចំនួនជាង២០០ដុល្លារអាមេរិក។ ដាក់ចំនួនតួលេខនេះ ត្រូវបានលោក អាន់ ធន់ បានអះអាងថា ដោយសារតែលោកបាន ប្រមើលមើលស្ថានការណ៍ នយោបាយនៅក្នុងប្រទេសកម្ពុជា មានភាពល្អប្រសើរ ពិសេសនោះកម្ពុជាបានទើបតែធ្វើការ បោះឆ្នោតរួច ហើយខាងរាជរដ្ឋាភិបាលបានបន្ត និងសន្យាធ្វើឲ្យប្រសើរលើវិស័យការងារ។
លោកបានបញ្ជាក់ថា៖« យើងឃើញថា ខាងសហគមន៍អឺរ៉ុប សហរដ្ឋអាមេរិក នៅតែ បន្តតាមដាន បញ្ហានយោបាយ អ៊ីចឹងយើងឃើញឥរិយាបថរបស់រដ្ឋគាត់បន្តដោះស្រាយ ធ្វើឲ្យ ប្រសើរឡើងលើវិស័យមួយនឹង។ អ៊ីចឹងខ្ញុំឃើញថា ការចរចាប្រាក់ឈ្នួលនឹងមានភាពល្អប្រសើរ ជាងនេះក្រោយបោះឆ្នោតប្រមុខរាជរដ្ឋាភិបាលបានសន្យាចុះជួបកម្មករដែលជាឱកាសល្អ ស ម្រាប់កម្មករ»។ យ៉ាងណាក្តី បើតាមការអះអាងរបស់លោក អាត់ ធន់ ថាប្រាក់ឈ្នួលអប្បរមា កម្មករសម្រាប់ឆ្នាំ២០១៩ខាងមុខនេះ អាចនឹងត្រូវបានដំឡើងដូចឆ្នាំ២០១៨ផងដែរ។ ជាមួយគ្នា នោះដែរលោក អាត់ ធន់ បានសាទរចំពោះប្រសាសន៍សម្តេចតេជោ ដែលបានលើកថា ប្រាក់ឈ្នួលកម្មករអាចនឹងឈានឡើងដល់២០០ដុល្លារ។
លោកគូសបញ្ជាក់ថា« ខ្ញុំគិតថា នេះជាសញ្ញាណមួយបង្ហាញថា ខ្ញុំគិតថាប្រសិនបើប្រមុខរាជរដ្ឋាភិបាលសម្រេចឡើងដល់ ប៉ុន្មាននោះ វាទៅប៉ុណ្ណឹង បើទោះបីជាយើងចរចាយ៉ាងណាក៏ដោយ ប៉ុន្តែសិទ្ធិសម្រេចគឺរាជរដ្ឋាភិបាល។ ការចរចាគឺជានីតិវិធីមួយដើម្បីពិនិត្យ មើលលទ្ធភា ពកុំឲ្យប៉ះពាល់ស្នើដល់វិស័យការងារ»។ សូមជម្រាប់ក្រសួងការងារ និងបណ្តុះបណ្តាល វិជ្ជាជីវៈបានកំណត់កាលវិភាគនៃការចរចាប្រាក់ឈ្នួលអប្បបរមានផ្នែកវាយនទណ្ឌកាត់ដេរ និងផលិតស្បែកជើងសម្រាប់ឆ្នាំ២០១៩។ ក្រសួងការងារបានជម្រាបសាធារណៈជន កម្មករកាត់ដេរ និងនយោជក និងអង្គការវិជ្ជាជីវៈ អំពីកាលលបវិភាគ នៃការចរចាប្រាក់ឈ្នួលអប្បបរមាផ្នែកវាយនភណ្ឌកាត់ដេរ និងផលិតស្បែកជើង សម្រាប់ឆ្នាំ២០១៩ ថា៖
ទី១.ខែសីហា ឆ្នាំ២០១៨ ជាការចាប់ផ្តើមពិភាក្សាប្រាក់ឈ្នួលអប្បរមា ជាលក្ខណៈផ្ទៃក្នុងរបស់ភាគីនីមួយៗ និងជាលក្ខណៈទ្វេភាគី។ ទី២.ខែកញ្ញា ឆ្នាំ២០១៨ ជាការចាប់ផ្តើមពិភាក្សាប្រាក់ឈ្នួលអប្បរមាជាលក្ខណៈត្រីភាគី។ ទី៣.គ្រប់ភាគីទាំង អស់ត្រូវប្រើលក្ខណវិនិច្ឆ័យបែបសេដ្ឋកិច្ច(ផលិតភាពភាពប្រកួតប្រជែងរបស់ប្រទេស ស្ថាន ភាពទីផ្សារការងារ និងកម្រិតចំណេញរបស់វិស័យ) ក៏ដូចជាបន្ទាត់ភាពក្រីក្រ សម្រាប់ធ្វើការ មូលដ្ឋានក្នុងការសិក្សាប្រាក់ឈ្នួលអប្បបរមានៅកម្ពុជា ។ ទី៤.គ្រប់ភាគីទាំងអស់ សូមផ្តោ តលើលើទិន្នន័យ និងការស្រាវជ្រាវបែបវិទ្យាសាស្ត្រ ដោយយោងតាមលើលក្ខណវិនិច្ឆ័យទាំង៧ ដូចដែលបានកំណត់ក្នុងមាត្រា៥ នៃច្បាប់ស្តីពីប្រាក់ឈ្នួលអប្បបរមា ដើម្បីធ្វើជាមូលដ្ឋាន ក្នុង ការសម្រួលសម្រួលផ្ទៃក្នុង និងប្រកាន់គោលជំហររួមមួយ។
សូមជម្រាបថា គិតចាប់ពីឆ្នាំ១៩៩៧ ដល់ឆ្នាំ២០១៨ រាជរដ្ឋាភិបាលបានដំឡើងប្រាក់ឈ្នួលអប្បបរមា និងអត្ថប្រយោជន៍ផ្សេងៗ របស់កម្មករនិយោជិតផ្នែកវាយនភណ្ឌកាត់ដេរ និងផលិតស្បែកជើង បានចំនួន១៤លើក ដោយកើនពី៣០ដុល្លារអាមេរិក ក្នុងឆ្នាំ១៩៩៧ ដល់១៧០ដុល្លារអាមេរិកក្នុងឆ្នាំ២០១៨។ ក្នុងឆ្នាំ២០១៨នេះ ដោយបូករួមទាំងប្រាក់រង្វាន់ប្រាក់អត្ថ ប្រយោជន៍ផ្សេងៗ និងប្រាក់អតីតភាព កម្មករនិយោជិតម្នាក់ៗទទួលបានប្រាក់ឈ្នួលចាប់ពី១៨៧ដុល្លារអាមេរិក ទៅ១៩៨ ដុល្លារអាមេរិក ក្នុងមួយខែ។
បន្ថែមលើនេះ បើគិតត្រឹមថ្ងៃ០១ ខែមករា ឆ្នាំ២០១៨ ប្រទេសកម្ពុជាមានប្រាក់ឈ្នួលអប្បបរមាខ្ពស់ជាងប្រទេសនាំចេញផលិតផលកាត់ដេរ និង ផលិតស្បែកជើង ដែលជាដៃគូប្រកួតប្រជែងរប ស់យើងក្នុងវិស័យនេះ មួយចំនួនដូចជា ប្រទេសបង់ក្លាដេស (៦៧ដុល្លារ) ស្រីលង្កា (៦៧ដុល្លារ) ឥណ្ឌា (៧៧ ដល់ ១៤៣ដុល្លារ) មីយ៉ាន់ម៉ា (៧៩ដុល្លារ) ប៉ាគីស្ថាន (១៣៤ដុល្លារ) ឡាវ (១១០ដុល្លារ) តំបន់មួ យចំនួននៃប្រទេសឥណ្ឌូនេស៊ី និងខ្ពស់ជាងតំបន់ទី២ ទី៣ និងទី៤ នៃប្រទេសវៀតណាម ផងដែរ៕
ចែករំលែកព័តមាននេះ