យីលោកបងនេះ! លេងរាល់ថ្ងៃចឹងៗនរណាទ្រាំទ្របាន…
ចិន ៖ តាមប្រភពព័ត៌មាន Shanghaiist បានឲ្យដឹងថា នៅថ្ងៃទី២៤ ខែសីហា កន្លងមកនេះ បុរសម្នាក់ត្រូវបានប៉ូលិសចាប់ឃុំខ្លួន ក្រោយរកឃើញថា…
ចិន ៖ តាមប្រភពព័ត៌មាន Shanghaiist បានឲ្យដឹងថា នៅថ្ងៃទី២៤ ខែសីហា កន្លងមកនេះ បុរសម្នាក់ត្រូវបានប៉ូលិសចាប់ឃុំខ្លួន ក្រោយរកឃើញថា…
ចិន ៖ តាមប្រភពព័ត៌មាន Shanghaiist បានឲ្យដឹងថា នៅថ្ងៃទី២៤ ខែសីហា កន្លងមកនេះ បុរសម្នាក់ត្រូវបានប៉ូលិសចាប់ឃុំខ្លួន ក្រោយរកឃើញថា បានទម្លាក់លាមកពីជាន់ទី១៩ ជារៀងរាល់ថ្ងៃអស់រយៈពេលជាច្រើនខែ។ មូលហេតុដែលបុរសម្នាក់នេះធ្វើបែបហ្នឹង គឺដោយសារតែតូចចិត្តលើខ្លួនឯង ហើយមិនចង់ឃើញគេគ្រប់គ្នាជោគជ័យ។
អស់រយៈពេលជាច្រើនខែមកហើយ ហាងមួយកន្លែងនៅក្នុងក្រុង Changsha ខេត្ត Hunan ត្រូវរងថង់លាមកធ្លាក់មកពីលើជារៀងរាល់ថ្ងៃ។ ម្ចាស់ហាងបានប្តឹងប៉ូលិសដែរ តែពួកគាត់មិនអាចរកមុខសញ្ញាថា ជានរណានោះទេ។ ដូចនេះ មានតែត្រូវទ្រាំហិតក្លិនស្អុយ និងបាត់បង់ភ្ញៀវតែប៉ុណ្ណោះ។
ដោយសារតែចង់ចាប់អ្នកបង្កឲ្យបានម្ចាស់ហាងដែលជាបងប្អូនប្រុសៗពីរនាក់ បានឡើងទៅលើដំបូងអគារពេលព្រឹកព្រលឹមជារៀងរាល់ថ្ងៃ។ ដល់ថ្ងៃទី២៤ ខែសីហា ម៉ោង៨ព្រឹក ប្អូនប្រុសឈ្មោះ Yin បានឃើញបុរសម្នាក់ឡើងទៅលើកាន់ថង់លាមក ប្រុងនឹងទម្លាក់ចុះក្រោម។ គ្រាន់តែឃើញភ្លាម Yin ក៏ស្រែកដេញចាប់ ហើយប្រាប់បងប្រុសទូរស័ព្ទហៅប៉ូលិសមកចាប់ខ្លួន។
នៅពេលប៉ូលិសសួរចម្លើយ ជនខិលខូចត្រកូល Lu អាយុ៣២ឆ្នាំ បានប្រាប់ពីមូលហេតុថា រូបគេធ្វើបែបនេះក៏ដោយសារតែច្រណែនមនុស្សដែលជោគជ័យជាងខ្លួន។ Lu តូចចិត្តនឹងការសិក្សារបស់ខ្លួន ដែលរកការងារធ្វើល្អមិនបាន ទោះបីជារៀនចប់មហា វិទ្យាល័យក៏ដោយ។ កន្លងមក រូបគេបានដើរទម្លាក់លាមកបែបនេះនៅហាងផ្សេងៗដល់២០កន្លែង។ ប៉ូលិសសម្រេចឃុំខ្លួនរយៈពេល១៥ថ្ងៃ៕
ចែករំលែកព័តមាននេះ