លោកគឹម សុខ ជាប់ពន្ធនាគារតាមសាលក្រមតុលាការកំណត់…គាត់ជាប់គុកដោយសារតែ «មាត់ដាច»…ចោទប្រកាន់ប្រមុខដឹកនាំប្រទេសអត់មានភ័ស្តុតាង…អត់មានឯកសារសំអាងសោះ…ចោទគេតែផ្តាស់អាងមានអណ្តាតអត់ឆ្អឹង…។ ដល់ពេលគេប្តឹង…ដល់ពេលតុលាការកោះហៅ…អត់មានឯកសារណាមួយអាចបំភ្លឺតុលាការបាន…គឺម៉ាងតែម្រ៉ង !
សាលក្រមបានសម្រេចកាត់ទោស១ឆ្នាំ៦ខែ…សងជំងឺចិត្ត៨០០លានរៀលស្មើ២សែនដុល្លារ ។
ចេញពីគុកវិញ…សាច់ឈាមលោកគឹម សុខ នៅតែត្រលុកត្រលន់…ដល់ពេលគាត់តឺនុយស្អាតបាតទៅ…ឃើញស្អាងជាងមិនទាន់ជាប់គុក ។ បញ្ជាក់ថាកាលនៅក្នុងគុកគាត់មានសុខភាពល្អ…ហូបឆ្អែតដេកឆ្អែត ប៉ុន្តែគាត់សារភាពថាគាត់ក្រណាស់…អត់ប្រាក់សងទេ ។
ចេញពីគុកវិញអ្នកដទៃគិតថា…ប្រហែលជាគាត់ដឹងកំហុសរឿង «មាត់ដាច»…ប៉ុន្តែផ្ទុយទៅវិញគាត់នៅតែតាំងចិត្តថា…រូបគាត់មិនចោលឈ្មោះអ្នកវិភាគនយោបាយស្អីហ្នឹងទេ…គាត់នឹងវិភាគលើសដើម ។
មែនហើយ ! ពេលមានសេរីភាពវិញ…គាត់លាំងមុនគេ គឺមេបក្សទាំង១៦ដែលចាញ់ឆ្នោត…មេបក្សដែលមានបំណងចូលរួមក្នុងឧត្តមទីប្រឹក្សា…ជាមេបក្សមានបំណងចូលរួមជួយសង្គម…។ គាត់លាំងគេខ្លាំង !…គ្មានអ្នកណាដល់គាត់…លេងទាំងនយោបាយតេជោសែន ដែលជាមេបក្សជាប់ឆ្នោតថ្មីថែមទៀត ។
ទីបំផុតតេជោសែន…បង្ហើបជាថ្មីថា កុំភ្លេច៨០០លានរៀលត្រូវតែសង…។ តាមច្បាប់បើមិនសងទេចាប់ដាក់គុកបង្ខំឱ្យសង…បើនៅតែគ្មានប្រាក់សង…ដេកគុកបន្តទៀតទៅ ព្រោះបាយស៊ីស្រាប់ !
ទស្សនៈរបស់អាឡេវយល់ថា…អ្នកដែលជាប់គុកម្តងហើយ…សូមកុំជាប់ម្តងទៀត…បើជាប់ច្រើនដងពាក្យ
ខ្មែរនិយាយថា…មកពីគាត់មានក្រយៅ គុក !
ដូច្នេះបើធ្វើនយោបាយ…ឬបើធ្វើអ្នកវិភាគនយោបាយ…បើនៅក្រៅគុកអាចហក់លោតបាន…ប៉ុន្តែបើគេ
ចាប់ដាក់គុកតើមានពេលឯណាធ្វើនយោបាយបាន ? ឬមួយយល់ថាជាប់គុកកុំថាយ៉ាប់…បាយស៊ីស្រាប់ ដេកចំខែង ?…េហ ! េហ !
ចែករំលែកព័តមាននេះ