បើតាម Daily Star បានផ្សាយកាលពីពេលថ្មីៗកន្លងមកថា កូនក្រមុំជនជាតិកាណាដាម្នាក់សុបិនចង់រៀបការប្រកបដោយក្ដីរំភើប ប៉ុន្តែគ្មានប្រាក់គ្រប់គ្រាន់ក៏កើតមានគំនិតថ្មី ដោយសុំរៃអង្គាសប្រាក់ពីភ្ញៀវដែលចូលរួមក្នុងម្នាក់ចំនួន១.១៥០ផោន ឬប្រហែល១.៤០០ដុល្លារ ។
ជាចុងក្រោយអាពាហ៍ពិពាហ៍នេះត្រូវបានរលាយ ព្រោះគ្មាននរណាម្នាក់បង់ប្រាក់ ថែមទាំងបាត់បង់មិត្តភក្ដិ ព្រោះពួកគេគិតថា ជាមនុស្សអាត្មានិយម ។
នាងស៊ូសាន (Susan) ត្រូវលុបចោលអាពាហ៍ពិពាហ៍របស់ខ្លួនរយៈពេល៤ថ្ងៃមុនពេលដល់កំណត់ រួមទាំងសម្រេចចិត្តលែងលះជាមួយអនាគតប្ដី ព្រោះមិនអាចរៀបចំតាមក្ដីស្រមៃរបស់ខ្លួន ។
បើតាមរបាយការណ៍បញ្ជាក់ថា នាងត្រូវការប្រាក់ចំនួន៤៧.០០០ផោន ដើម្បីបានរៀបចំពិធីនៅក្នុងក្ដីសុបិន ប៉ុន្តែគ្មានប្រាក់គ្រប់ ហេតុដូច្នេះនាងក៏សុំឲ្យភ្ញៀវដែលចូលរួមពិធីត្រូវបង់ប្រាក់ក្នុងម្នាក់ចំនួន១.៤០០ដុល្លារ ។
អំពើនេះចាត់ទុកថា មិនមែនជារឿងចម្លែកដែលមិត្តភក្ដិរបស់នាងមិនយល់អារម្មណ៍ដល់ការស្នើសុំនោះ ហើយសម្ព័ន្ធភាពរវាងនាង និងមិត្តភក្ដិត្រូវបានបាត់បង់ ក្រោយពីនាងបានបង្ហោះនៅក្នុង Facebook ។
អតីតកូនក្រមុំបានប្រើ Facebook នេះដើម្បីបានរំសាយនៅក្នុងចិត្តថា «យើងប្រមូលប្រាក់សម្រាប់រៀបការបានជិត១១.០០០ផោន យើងចង់ឲ្យពិធីនេះដំណើរការឲ្យកាន់តែមានភាពរលូនថែមទៀត ព្រោះត្រូវចំណាយដល់ទៅ៤៧.០០០ផោន យើងត្រូវការជំនួយបន្តិចបន្តួចពីមិត្តភក្ដិ ដើម្បីឲ្យក្លាយជាការពិត» ៕
ចែករំលែកព័តមាននេះ