ទឹកគឺជាសារធាតុរាវដែលអ្នកត្រូវតែញ៉ាំជារៀងរាល់ថ្ងៃ ព្រោះវាជួយធ្វើឲ្យអ្នកមានសុខភាពល្អ និងមាំមួន ប៉ុន្តែប្រសិនជាពេលដែលអ្នកពិសាទឹក ហើយអ្នកចេះបន្ថែមរបស់ទាំង៣ប្រភេទចូលទៅក្នុងនោះ អ្នកនឹងអាចមានសម្រស់ស្អាតជាមិនខាន ។ តើមានអ្វីខ្លះទៅដែលអ្នកគួរតែដាក់ទៅក្នុងនោះ ?
១-អំបិល ៖ អំបិលគឺជាគ្រឿងផ្សំដែលអ្នកមិនអាចខ្វះបាននៅពេលដែលអ្នកចម្អិនម្ហូប មិនខ្វល់ថាអ្នកធ្វើម្ហូបអ្វីទេ អ្នកត្រូវតែដាក់ជានិច្ច វាមិនត្រឹមតែអាចដាក់ក្នុងម្ហូបនោះទេ តែប្រសិនជាអ្នកយកវាទៅលាយជាមួយទឹក ហើយញ៉ាំ នោះវានឹងជួយសម្លាប់មេរោគទាំងឡាយដែលមានក្នុងរាងកាយអ្នក ធ្វើឲ្យក្រពះ និងពោះវៀនអ្នកដំណើរការល្អ នោះវានឹងជួយការពាររាងកាយអ្នកមិនឲ្យមានជាតិពុលឡើយ ជាហេតុដែលធ្វើឲ្យអ្នកនៅក្មេងជានិច្ច ។
២-ទឹកឃ្មុំ ៖ យើងខ្ញុំជឿជាក់ថាអ្នកទាំងអស់គ្នាសុទ្ធតែធ្លាប់ដឹងពីអត្ថប្រយោជន៍នៃទឹកឃ្មុំរួចមកហើយ គឺវាអាចជួយធ្វើឲ្យស្បែកអ្នកតឹង និងម៉ត់រលោង ហើយប្រសិនជាអ្នកយកទឹកឃ្មុំមួយស្លាបព្រាឆុងជាមួយទឹកញ៉ាំនៅពេលយប់ វានឹងធ្វើឲ្យអ្នកគេងលក់ស្រួល ហើយមិនក្រោកនៅពាក់កណ្តាលយប់ឡើយ ដោយសារតែវាជួយរក្សាសម្ពាធឈាមអ្នកឲ្យថេរ ។
៣-ក្រូចឆ្មារ ៖ អ្នកអាចយកក្រូចឆ្មារនេះចិតជាពីរ ឬបីចំណិត ហើយឆុងជាមួយទឹកចំនួនប៉ុន្មានម៉ោងក្រោយទើបញ៉ាំ នោះវានឹងអាចបញ្ចេញសមត្ថភាពរបស់វា ដោយជួយអ្នកឲ្យមានសុខភាពល្អ ហើយមានសម្រស់កាន់តែស្អាត និងក្មេងជាវ័យ (ប្រភពពី៖ Health.com.kh) ៕
ចែករំលែកព័តមាននេះ