ខេត្តបាត់ដំបង ៖ សេចក្តីរាយការណ៍ឱ្យដឹងថា បុរសវ័យចំណាស់ម្នាក់បានសម្រេចធ្វើអត្តឃាតបញ្ចប់ជីវិតខ្លួនឯង កាលពីវេលាម៉ោង០៩ និង៣០នាទីព្រឹកថ្ងៃទី៣១ សីហា នៅចំណុចអូរចំលងស្នេហ៍ ស្ថិតក្នុងភូមិដីល្អ ឃុំអូរំដួល ស្រុកភ្នំព្រឹក ដោយសារខឹងប្រពន្ធរត់ចោល និងជំពាក់បំណុលធនាគារវ័ណ្ឌ.ក ។
សមត្ថកិច្ចបានឱ្យដឹងថា ជនរងគ្រោះឈ្មោះរស់ គង់ អាយុ៥៣ឆ្នាំ ជាអ្នកធ្វើចំការ រស់នៅភូមិ-ឃុំខាងលើ។ ជនរងគ្រោះបានយកខ្សែគោចង.កសម្លាប់ខ្លួនលើដើមឈើខាងក្រោយផ្ទះ បង្កឱ្យមានការភ្ញាក់ផ្អើលទាំងព្រឹកតែម្ដង ។ សមត្ថកិច្ចបាននិយាយថា មូលហេតុនៃការធ្វើអត្តឃាតនេះ បើតាមប្រភពនានា ទំនងបណ្ដាលមកពីមានវិបត្តិបែកបាក់គ្រួសារ។
ជុំវិញនៃការស្លាប់នេះ បើតាមការបំភ្លឺខ្លះៗពីសាច់ញាតិពេលធ្វើការសួរនាំ សមត្ថកិច្ខបានស្រង់សម្តីថា គ្រួសារនេះ ហាក់ជួបវិបត្តិធ្ងន់ធ្ងររហូតត្រូវប្រពន្ធចុះចោលទៀតផង ។ មិនតែប៉ុណ្ណោះ បើតាមសម្រង់សំដីពីសាច់ញាតិ គ្រួសារនេះ មានជាប់បំណុលធនាគារ ស្ទើរតែវ័ណ្ឌ.កទៀតផង ។
ក្រោយពីបែកបាក់គ្រួសារមួយរយៈចុងក្រោយនេះ គេឃើញជនរងគ្រោះហាក់មានវបត្តិយ៉ាងខ្លាំង ហើយតែងពោលពាក្យទុក្ខសោកអំពីជីវិតរស់នៅ ដែលត្រូវប្រពន្ធរត់ចោល ទុកឲ្យខ្លួនប្រឈមនឹងបំណុលធនាគារតែម្នាក់ឯង ។ ប្រភពដដែលបានបញ្ជាក់ថា ដោយសារតែខឹងសម្បារនឹងរឿងប្រពន្ធចុះចេញពីផ្ទះចោលខ្លួន ដោយមិនព្រមជួយដោះបំណុលធនាគារនេះហើយ ទើបបុរសរូបនេះសម្រេចបញ្ចប់ជីវិតបែបនេះតែម្ដង។
ចែករំលែកព័តមាននេះ