ទីក្រុងបាងកក ៖ អនុរដ្ឋមន្ត្រីកសិកម្ម និងសហករណ៍លោក Wiwat Salyakamthorn បានបង្ហាញការគាំទ្រឲ្យមានការហាមឃាត់ការប្រើថ្នាំកម្ចាត់ស្មៅដែលមានជាតិ ប៉ារ៉ាខ្វាត (Paraquat) គ្លីហ្វីសាត…
ទីក្រុងបាងកក ៖ អនុរដ្ឋមន្ត្រីកសិកម្ម និងសហករណ៍លោក Wiwat Salyakamthorn បានបង្ហាញការគាំទ្រឲ្យមានការហាមឃាត់ការប្រើថ្នាំកម្ចាត់ស្មៅដែលមានជាតិ ប៉ារ៉ាខ្វាត (Paraquat) គ្លីហ្វីសាត (Glyphosate) និងក្លរពិរីហ្វូស ។
កាលពីថ្ងៃអង្គារកន្លងមក លោក Wiwat បានបញ្ជាក់ពីគោលជំហរបស់លោកសាជាថ្មីថានឹងប្រឆាំងការប្រើប្រាស់ធាតុគីមីទាំងបីខាងលើ និងបានបន្ថែមថា ធាតុគីមីនេះត្រូវតែត្រូវបានហាមឃាត់ មិនឲ្យប្រើទាំងស្រុង និងភ្លាមៗ ។
លោកបានបន្តថា ថ្នាំគីមីដែលមានជាតិពុលទាំងនេះបានក្លាយជាការគម្រាមកំហែងដល់សុខភាពសាធារណៈ និងបរិស្ថានជាតិ ជាពិសេសធាតុប៉ារ៉ាខ្វាត ដែលជាថ្នាំកម្ចាត់ស្មៅដ៏មានប្រជាប្រិយភាព និងមានឈ្មោះម្យ៉ាងទៀតថា Gramoxone ។
ថ្នាំគីមីទាំងនេះនៅតែមានប្រជាប្រិយភាពក្នុងប្រទេសថៃ ព្រោះវាជួយដល់កសិករក្នុងការប្រមូលផល បើទោះជាប្រទេសជាច្រើនដទៃទៀតបានហាមឃាត់មិនឲ្យមានការប្រើប្រាស់ក៏ដោយ ។
លោក Wiwat បានឲ្យដឹងទៀតថា លោកបានបង្កើតគណៈកម្មាធិការមួយដើម្បីសិក្សាពីផលប៉ះពាល់នៃធាតុគីមីខាងលើចំពោះសុខភាពមនុស្ស និងបរិស្ថាន ។ លទ្ធផលនឹងត្រូវបានបញ្ជូនទៅកាន់គណៈកម្មាធិការពិសេសដែលតាមដានការប្រើធាតុគីមីក្នុងកសិសកម្ម ។
គណៈកម្មាធិការពិសេសនេះនឹងបញ្ជូនលទ្ធផលចុងក្រោយទៅកាន់លោកនាយករដ្ឋមន្ត្រីនៅខែក្រោយនេះ ។
កាលពីថ្ងៃទី២៣ ខែឧសភា កន្លងមក សមាជិកគណៈកម្មាធិការដែលរួមមាន អ្នកតំណាងមកពីក្រសួងសុខភាពសាធារណៈ ឧស្សាហកម្ម និងកសិកម្ម រួមទាំងអ្នកជំនាញបានសម្រេចឲ្យមានការប្រើធាតុគីមីខាងលើបន្តទៀត ប៉ុន្តែក្រោមការត្រួតពិនិត្យដ៏តឹងរ៉ឹង។
គណៈកម្មាធិការនេះបាននិយាយថា មិនមានការសិក្សាគ្រប់គ្រាន់ដែលអាចបញ្ជាក់ថា ធាតុគីមីខាងលើអាចប៉ះពាល់ដល់សុខភាពឡើយ ។
ថ្នាំប៉ារ៉ាខ្វាតត្រូវបានប្រើប្រាស់ដោយកសិករថៃភាគច្រើន ប៉ុន្តែវាត្រូវបានហាមឃាត់ក្នុងប្រទេសច្រើនជាង៣០ទៅទៀតដែលរួមមានវៀតណាម ឡាវ និងប្រទេសចិនដែលជាអ្នកនាំចេញថ្នាំនេះធំជាងគេ ៕
ចែករំលែកព័តមាននេះ