ខេត្តបាត់ដំបង ៖ សមត្ថកិច្ចបានឱ្យដឹងថា សង្វៀនបញ្ជល់មាន់មួយកន្លែងត្រូវបានបង្ក្រាប កាលពីវេលាម៉ោង០៣ និង៤០នាទីរសៀលថ្ងៃទី៣០ សីហា ស្ថិតនៅចំណុចវាលស្រែមួយកន្លែង ក្នុងភូមិអន្លង់រាំង ឃុំ
ឃ្លាំងមាស ស្រុកបវេល ដោយឃាត់ខ្លួនអ្នកលេង៨នាក់ និងដកហូតបាននូវវត្ថុតាងមួយចំនួនផងដែរ ។
សេចក្ដីរាយការណ៍បានឱ្យដឹងថា សង្វៀនបញ្ជល់មាន់មួយកន្លែងនេះ ត្រូវបានកម្លាំងនគរបាលស្រុកប
វេល ចុះបង្ក្រាបពេលក្រុមអ្នកញៀននឹងល្បែងទាំងនេះ កំពុងប្រព្រឹត្តយ៉ាងវក់វីស្រែកហ៊ោកញ្ជ្រៀវយ៉ាងសប្បាយ ។
នៅក្នុងរបាយការណ៍សមត្ថកិច្ច ក្រុមអ្នកជល់មាន់ទាំង៨នាក់ ដែលត្រូវឃាត់ខ្លួន ១-ឈ្មោះព្រឿង ព្រឹម អាយុ៥៦ឆ្នាំ ២-ឈ្មោះកៅ នឿន ភេទប្រុស អាយុ៤៣ឆ្នាំ ៣-ឈ្មោះនិន ហៅចាន់ ភេទប្រុស អាយុ៤៧ឆ្នាំ ៤-ឈ្មោះប៉ុល សុភ័ក្ត្រ ភេទប្រុស អាយុ៤៨ឆ្នាំ ៥-ឈ្មោះឌី សុភាព ភេទប្រុស អាយុ៤០ឆ្នាំ ៦-ឈ្មោះសុីថា សុភាព ភេទប្រុស អាយុ២៧ឆ្នាំ ៧-ឈ្មោះជុន ណេត ភេទប្រុស អាយុ៣៨ឆ្នាំ និង៨-ឈ្មោះរូន វិត ភេទប្រុស អាយុ៤២ឆ្នាំ ។
ជាមួយនឹងការឃាត់ខ្លួនក្រុមអ្នកញៀនល្បែងស៊ីសងខាងលើ សមត្ថកិច្ចបានរឹបអូសនូវវត្ថុតាងមួយចំនួនដូចជា មាន់ជល់ចំនួន០៥ក្បាល, សង្វៀន១ សម្ភារឬឧបករណ៍សម្រាប់បម្រើការល្បែងស៊ីសងនេះ ជាច្រើនទៀត និងម៉ូតូចំនួន១៩គ្រឿងផងដែរ ។
ករណីនេះ កំលាំងជំនាញកំពុងកសាងសំណុំរឿងបញ្ចូនទៅកាន់ការិយាល័យជំនាញខេត្ត ដើម្បីចាត់ការតាមនីតិវិធី ។
ចែករំលែកព័តមាននេះ