រាជធានីភ្នំពេញ ៖ ស្ត្រីម្នាក់បានរងទារុណកម្មពីសំណាក់ប្ដីចិត្ដឃោរឃៅដែលបានប្រើប្រាស់គ្រឿងញៀន ហើយចេញវាយចូលវាយធ្វើបាបរូបនាងរាល់ថ្ងៃស្ទើរតែគ្មានលស់ពេលឡើយ ហើយនៅពេលចុងក្រោយនេះ លោកប្ដីបានសុំលុយដើម្បីយកទៅទិញថ្នាំញៀនមកសេព។ ប៉ុន្តែខណៈនោះនាងជាប្រពន្ធគ្មានលុយឲ្យ តាមបំណងឡើយ ដែលជាហេតុធ្វើឲ្យប្ដីកំណាចរូបនេះទាញយកដំបងឈើ១កំណាត់ វាយសំពងគ្មានប្រណី ទៅលើប្រពន្ធ បណ្ដាលឲ្យនាងរងរបួសលើខ្លួនប្រាណយ៉ាងដំណំ។
ខណៈនោះបានបង្កឲ្យមានការភ្ញាក់ផ្អើល យ៉ាងខ្លាំងដល់អ្នកភូមិ ហើយលោកមេភូមិក៏បានជួយហៅទូរស័ព្ទប្ដឹងទៅនគរបាលឲ្យចុះជួយអន្តរាគមន៍ឃាត់ខ្លួន ប្ដីរូបនេះទៅសួរនាំ និងកសាងសំណុំរឿងចាត់ការតាមច្បាប់តែម្ដង។ ហេតុការណ៍នោះបានកើតឡើងកាលពី វេលាម៉ោង៣រសៀល ថ្ងៃទី៣០ ខែសីហា ឆ្នាំ២០១៨ នៅក្នុងនៅក្នុងភូមិព្រៃសណ្ដែក សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។ នគរបាលបានឲ្យដឹងថា បុរសជាប្ដីដែលញៀនថ្នាំវាយធ្វើបាបប្រពន្ធ នោះឈ្មោះ សួង ម៉ុល អាយុ២៨ឆ្នាំ ជនជាតិខ្មែរ មុខរបរលក់ត្រី ចំណែកប្រពន្ធឈ្មោះ ហុង ស្រីមុំ អាយុ២១ឆ្នាំ មុខរបរអ្នកលក់ត្រីដែរ អ្នកទាំងមានកូនចំនួន៣នាក់នៅក្នុងបន្ទុកគ្រួសារ និងស្នាក់នៅក្នុងភូមិកើតហេតុខាងលើ។
បុរសរូបនោះបានប្រើប្រាស់គ្រឿងញៀនយូរមកហើយមិនតែប៉ុណ្ណោះកន្លងមកតែងតែបានធ្វើទារុណកម្មវាយធ្វើបាបប្រពន្ធជាញឹកញាប់ស្ទើរតែគ្មានលស់ពេលឡើយ។ ដោយឡែកថ្ងៃកើតហេតុជន នេះបានសុំលុយប្រពន្ធយកទៅ ទិញថ្នាំញៀនប៉ុន្តែប្រពន្ធគ្មានលុយឲ្យទើបធ្វើឲ្យរូបគេខឹងសម្បារក៏ស្ទុះទៅទាញ យកដំបងឈើ១កំណាត់វាយសំពង លើប្រពន្ធគ្មានប្រណីតែម្ដង។ ប្រភពដដែលបានបន្តទៀតថា ខណៈនោះស្ត្រីជាប្រពន្ធបានរងរបួសពេញខ្លួន យ៉ាងដំណំ និងបានបង្កឲ្យមានការភ្ញាក់ផ្អើលយ៉ាងខ្លាំងដល់អ្នកភូមិហើយលោកមេភូមិក៏បាននាំគ្នាខលប្ដឹង នគរបាលប៉ុស្តិ៍ចោមចៅ២ឲ្យជួយអន្តរាគមន៍ឃាត់ខ្លួនបុរសនោះភ្លាមៗ រួចបាននាំទៅកាន់ប៉ុស្តិ៍ធ្វើការសាកសួរ និងកសាងសំណុំរឿងចាត់ការតាមច្បាប់។
ទាំងនេះហើយគឺជាអំណាចនៃគ្រឿងញៀនដែលវាបានបំផ្លាញ អ្វីៗគ្រប់បែបយ៉ាងរបស់មនុស្សណាដែលបានសេពវា ហើយក៏ប្រែក្លាយមនុស្សពីស្លូតបូតទៅជាកាចសាហាវ លែងដឹងខុសត្រូវលេងស្គាល់បាបបុណ្យគុណទោសអ្វីទាំងអស់ ហើយរឿងរ៉ាវខាងកើគឺចាត់ទុកថា ជារឿងទុក្ខស្រីប្ដីញៀនថ្នាំផងដែរដែលប្ដីបានចេញវាយចូលវាយប្រពន្ធស្ទើររាល់ថ្ងៃតើឯណាទៅជាសុភមង្គលសម្រាប់គ្រួសារហើយនេះបុរសជាប្ដីខាងលើមិនទាន់ញៀនដល់ថ្នាក់បែកថ្នាំនៅឡើយផង។ ដូច្នេះយុវជន និងបុរសៗទាំង ឡាយត្រូវឆ្លើយថាទេចំពោះគ្រឿងញៀន ហើយប្រឆាំងដាច់ខាតចំពោះចរាចរណ៍គ្រឿងញៀនគ្រប់រូបភាព និងគ្រប់ទម្រង់ទាំងអស់ផងដែរ៕
ចែករំលែកព័តមាននេះ