សម្លាប់​ដំរី​និង​ចោរ​មួយ​ណា​មានទោស​ធ្ងន់​ជាង?


តាម​ទ្រឹស្តី​ព្រះពុទ្ធ​សាសនា​បាន​លើក​ហេតុផល​ថា ការ​សម្លាប់សត្វ​មានជីវិត​ទោះជា​សត្វ​នោះ​តូច​ឬ​ធំ​គង់​នឹង​មាន​ពៀរ​វេរា មានទោស តែ​ទោស​នោះ​ទៅ​តាម​សត្វ​តូច សត្វ​ធំ ឬ​សត្វ​មានគុណ​វិសេស និង​មិន​មានគុណ​វិសេស​។ ចំពោះ​ទោស​ដែល​ត្រូវ​ទទួល​អំពី​ការ​សម្លាប់សត្វ​ដែល​មាន​រាង​កាយ​ធំ​និង​មានគុណ​ធម៌​ផង​ដូច​ជា គោ ក្របី ដំរី សេះ​ជាដើម មានទោស​ច្រើន តែបើ​សត្វ​ដែល​ងាប់​នោះ ជា​សត្វ​តូចតាច​មាន​មាន់​ទា ស្រមោច សង្អារ មូស សង្កើច​ជាដើម ក៏​មានទោស​តិច ។ ខាងក្រោម​នេះ​ជា​ការ​ប្រៀបធៀប​ទោស​នៃ​ការ​សម្លាប់​ជីវិត​មនុស្ស​សត្វ​គឺៈ

រវាង​ការ​សម្លាប់សត្វ​តិរច្ឆាន​និង​មនុស្ស ការ​សម្លាប់​មនុស្ស​មានទោស​ច្រើន​ជាង​ការ​សម្លាប់សត្វ​តិរច្ឆាន ព្រោះ​មនុស្ស​ជា​សត្វ​វិសេស​ជាង​សត្វ​តិរច្ឆាន បើ​ទោះជា​អ្នក​នោះ​ជា​ចោរ​ក៏​ដោយ​ចុះ​។ សម្រាប់​មនុស្ស​និង​មនុស្ស​ដូច​គ្នា បើ​សម្លាប់​អ្នកមាន​សីល និង​មានគុណ​ធម៌​ផង​ដូច​ជា ភិក្ខុ សាមណេរ ឧបាសក ឧបាសិកា នឹង​មានទោស​ច្រើន តែបើ​មនុស្ស​ដែល​គេ​សម្លាប់​នោះ ជា​អ្នក​មិន​មាន​សីលធម៌​ដូច​ជា ជនល្មើស ពួក​ចោរ ជន​ចាប់រំលោភ ឬ​អ្នក​ដែល​មាន​ចរិត​កាច​សាហាវ​ដោយ​គ្រឿងញៀន​ជាដើម ក៏​មានទោស​តិច​ទៅ​តាម​នឹង ។

ចំពោះ​កូន​តិរច្ឆាន​សម្លាប់​ឪពុក​ម្តាយ រមែង​មានទោស​ធ្ងន់​ក្រៃ​លែង គឺ​ត្រូវ​ធ្លាក់​ទៅ​ក្នុង​អនន្តរិយកម្ម​។ បើ​អ្នក​ដែល​ត្រូវ​សម្លាប់​នោះ មានគុណ​ធម៌​ដូច​គ្នា ក៏​ត្រូវ​កាត់​តាម​ទិដ្ឋភាព​ជាក់ស្តែង​នៃ​ការ​សម្លាប់​នោះ គឺ​បើ​ការ​សម្លាប់​ប្រើ​សេចក្ដី​ព្យាយាម​ច្រើន ក៏​មានទោស​ច្រើន តែបើ​ព្យាយាម​តិច ក៏​មានទោស​តិច ។

ទោះជា​យ៉ាងណា​នេះ​ជា​ទោស​ដៅ​តែ​ទៅ​ក្នុង​អនាគតជាតិ តែ​សម្រាប់​ច្បាប់​ប្រទេស​ដូច​បច្ចុប្បន្ន​ប្រហែលជា​មិន​គិត​ពី​មនុស្ស​ដែល​មាន​សីល ឬ​អត់​សីល​នោះ​ទេ គិត​ទៅ​លើ​ការ​សម្លាប់​នោះ​មានទោស​តិច​ច្រើន​ទៅ​តាម​មាន​ចេតនា​និង​មិន​មាន​ចេតនា​ទៅ​វិញ​គឺ អ្នក​សម្លាប់​គេ​ដោយ​ចេតនា នឹង​មានទោស​ច្រើន​អាច​ជាប់គុក​អស់​មួយ​ជីវិត ចំណែកឯ​ការ​ស្លាប់​នោះ​ដោយ​អ​ចេតនា​ក៏​មានទោស​តិច តែ​ក៏​ចៀស​មិន​ផុត​ពី​ការ​ជាប់​ពន្ធនាគារ​ដូច​គ្នា ។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ជ្រុង​មួយ​នៃ​សាសនា

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ