ខេត្តបន្ទាយមានជ័យ ៖ ស្នងការនគរបាលខេត្តសហការជាមួយព្រះរាជអាជ្ញាបានដឹកនាំកម្លាំងចុះពិនិត្យនិងបង្ក្រាបគ្រឿងញៀននៅក្នុងក្លិបកំសាន្តខារ៉ាអូខេ ឃាត់ខ្លួនជនសង្ស័យព្រមទាំងដកហូតគ្រឿងញៀន និងឧបករណ៍ប្រើប្រាស់មួយចំនួនទៀត ។ ប្រតិបត្តិការចុះបង្ក្រាបនេះបានធ្វើឡើងកាលពីវេលាម៉ោង១២យប់ថ្ងៃទី២៩ ខែសីហា ឆ្នាំ២០១៨ រហូតដល់ម៉ោង៤ទៀបភ្លឺចូលថ្ងៃទី៣០…
ខេត្តបន្ទាយមានជ័យ ៖ ស្នងការនគរបាលខេត្តសហការជាមួយព្រះរាជអាជ្ញាបានដឹកនាំកម្លាំងចុះពិនិត្យនិងបង្ក្រាបគ្រឿងញៀននៅក្នុងក្លិបកំសាន្តខារ៉ាអូខេ ឃាត់ខ្លួនជនសង្ស័យព្រមទាំងដកហូតគ្រឿងញៀន និងឧបករណ៍ប្រើប្រាស់មួយចំនួនទៀត ។ ប្រតិបត្តិការចុះបង្ក្រាបនេះបានធ្វើឡើងកាលពីវេលាម៉ោង១២យប់ថ្ងៃទី២៩ ខែសីហា ឆ្នាំ២០១៨ រហូតដល់ម៉ោង៤ទៀបភ្លឺចូលថ្ងៃទី៣០ ខែសីហា ឆ្នាំ២០១៨ នៅក្រុងសិរីសោភ័ណ និងក្រុងប៉ោយប៉ែត។
លោកឧត្តមសេនីយ៍តទោ អាត់ ខែម ស្នងការនគរបាលខេត្តបន្ទាយមានជ័យបានប្រាប់ថា៖ដោយមានការណែនាំពីលោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ដូចជាការដាក់វិធានពីលោក សួន បវរ អភិបាលខេត្តបន្ទាយមានជ័យហើយលោកបានសហការជាមួយលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តបន្ទាយមានជ័យ បានដឹកនាំកម្លាំងនគរបាលជំនាញចុះពិនិត្យ និងបង្ក្រាបចាប់ពីចាប់ម៉ោង១២យប់ថ្ងៃទី២៩ ខែសីហា ឆ្នាំ២០១៨ រហូតដល់ម៉ោង៤ទៀបភ្លឺចូលថ្ងៃទី៣០ ខែសីហា ឆ្នាំ២០១៨នៅក្រុងសិរីសោភ័ណ និងក្រុងប៉ោយប៉ែតមានចំនួន៣កន្លែង។
លោកបានបញ្ជាក់ថា ក្រោយពេលកម្លាំងនគរបាលជំនាញចុះពិនិត្យក្លិបកំសាន្តចំនួន៣កន្លែងនៅក្រុងសិរីសោភ័ណមាន ក្លិបកំសាន្តឈ្មោះហ្គោលថោន និងក្រុងប៉ោយប៉ែតមានក្លិបកំសាន្តឈ្មោះឡាក់ហ្វីរ៉ា ដែលជួលដោយជនជាតិចិន និងក្លិបកំសាន្តឈ្មោះថាច់ដោន ត្រូវបានកម្លាំនគរបាលជំនាញចុះពិនិត្យ និងបង្ក្រាបរឹបអូសបានវត្ថុតាងរួមមានគ្រឿងញៀន និងឧបករណ៍ប្រើប្រាស់គ្រឿងញៀន និងឃាត់ខ្លួនជនសង្ស័យមួយចំនួនត្រូវបាននាំយកមកសាកសួរ និងធ្វើតេស្តទឹកនោមរកសារធាតុញៀន។
លោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តបានបញ្ជាក់ថា ប្រតិបត្តិការចុះពិនិត្យក្លិបកំសាន្ត និងខារ៉ាអូខេនៅក្រុងសិរីសោភ័ណ និងក្រុងប៉ោយប៉ែត សមត្ថកិច្ចដកហូតវត្ថុតាងរួមមានគ្រឿងញៀន និងឧបករណ៍ប្រើប្រាស់គ្រឿងញៀន ព្រមទាំងបានឃាត់ខ្លួនជនសង្ស័យមួយចំនួន ហើយប្រតិបត្តិការនេះនឹងបន្តអនុវត្តន៍រហូតដើម្បីលុបបំបាត់រាល់បទល្មើសគ្រឿងញៀនដែលមានជួញដូរចែកចាយ និងប្រើប្រាស់ និងការពារសន្តិសុខសណ្តាប់ធ្នាប់ភូមិ.ឃុំមានសុវត្ថិភាព៕
ចែករំលែកព័តមាននេះ