រាជធានីភ្នំពេញ ៖ ព្រោះតែទឹកចិត្តនឹកដល់អ្នកមានគុណតារាសម្តែងលោក ហេង សុគន្ធ ពិតជាមិនទាន់ស្រឡះចិត្តទេ ក្នុងពេលដំណើរបុណ្យគម្រប់ខួប៧ថ្ងៃក្រោយអ្នកម្តាយបានចែកឋាន បែរជារកលុយពីកន្លែងណាមករៀបចំក្នុងពេលការចំណាយកន្លងមកអស់ពីខ្លួនទៅហើយ។ តារាសម្តែងចំណូលថ្មីម្នាក់បានទម្លាយចេញនូវទុក្ខសោករបស់ខ្លួនដែលរងទុក្ខ ព្រោះម្តាយដែលជាអ្នកមានគុណបានទទួលមរណភាព…
រាជធានីភ្នំពេញ ៖ ព្រោះតែទឹកចិត្តនឹកដល់អ្នកមានគុណតារាសម្តែងលោក ហេង សុគន្ធ ពិតជាមិនទាន់ស្រឡះចិត្តទេ ក្នុងពេលដំណើរបុណ្យគម្រប់ខួប៧ថ្ងៃក្រោយអ្នកម្តាយបានចែកឋាន បែរជារកលុយពីកន្លែងណាមករៀបចំក្នុងពេលការចំណាយកន្លងមកអស់ពីខ្លួនទៅហើយ។
តារាសម្តែងចំណូលថ្មីម្នាក់បានទម្លាយចេញនូវទុក្ខសោករបស់ខ្លួនដែលរងទុក្ខ ព្រោះម្តាយដែលជាអ្នកមានគុណបានទទួលមរណភាព ព្រោះតែជំងឺឆ្លងដល់ដំណាក់កាលធ្ងន់ពេក។ ហើយខំប្រឹងសន្សំលុយកាលមិនទាន់ជួបរឿងនេះ លោកហេង សុគន្ធ បានចំណាយច្រើនថ្លៃព្យាបាលម្តាយ។ នៅចុងក្រោយលោកសារភាពថា អស់លទ្ធភាពទាំងស្រុង ហើយអត់រំពឹងថា ៧ថ្ងៃម្តាយបានប្រាក់ពីណាមកធ្វើបុណ្យពេញមុខមាត់នោះទេ។
ក្នុងសំដីអួលដើម.កលោក ហេង សុគន្ធ ដែលជានិស្សិតពេទ្យ ហើយស្រឡាញ់សិល្បៈបានប្រាប់ថា លោកបានយកប្រាក់សន្សំពីការងារកន្លងមក យកមកព្យាបាលអ្នកម្តាយអស់ជាបន្តបន្ទាប់នៅតែមិនអាចធូរ។ យ៉ាងណាជាការដឹងគុណ ទោះលោកអត់ និងជួបប្រទះពីបញ្ហាសេដ្ឋកិច្ចបែបណា ក៏លោកនៅតែស្ទុះស្ទាជួយយកអ្នកម្តាយទៅព្យាបាលជាប្រចាំ។
លោកបន្តថា លុយចំណាយកាលគាត់នៅពេទ្យទាំងខ្ទាស់ៗឱ្យពេទ្យឡើងញ័រដៃក្តុកក្តួលបំផុត។ លោកថា «ម្តាយខ្ញុំស្លាប់នៅពេទ្យទាហ៊ាន ដោយគាត់មានជំងឺទឹកនោមផ្អែម ស្ពៀតសរសៃឈាមបេះដូង និងបែកទងប្រម៉ាត់» ។ ហើយអ្វីដែលលោកមិនចង់ឱ្យខកចិត្ត គឺចង់ធ្វើបុណ្យឱ្យម្តាយគម្រប់៧ថ្ងៃ ដើម្បីឱ្យវិញ្ញាក្ខន្ធគាត់បានស្ងប់ចិត្ត ប៉ុន្តែរបាំងឧបសគ្គ គឺជួបធ្ងន់ណាស់ ការខ្សោះលុយអត់ដឹងពឹងលើអ្នកណាទេ។
លោកបន្តទៀតថា ហើយអ្វីដែលលោកគិតបានពេលនេះ គឺមានតែព័ត៌មានអាចផ្សាយជួយ បើទោះមិនបានជួយច្រើនក៏រំពឹងថា មានគេអាណិត ឬមានគេឃើញស្គាល់ជួយបាន។ ម្ល៉ោះហើយលោកមានតែសុំចិត្តដល់ខាងស្ថាប័នព័ត៌មានជួយ ព្រោះក្នុងពិភពសិល្បៈលោកអត់ស្គាល់គេទូលំទូលាយណាស់ណាទេ។ ដូចនេះលោកសូមអំពាវនាវដល់អ្នកស្គាល់លោកទាំងអស់ជួយតាមចិត្តបុណ្យ ដោយពិធីបុណ្យ៧ថ្ងៃត្រូវនឹងថ្ងៃសៅរ៍និងអាទិត្យ។
លោកថា អ្វីជាបន្ទុកលោកក៏នៅចិញ្ចឹមប្អូនៗប៉ុន្មាននាក់ទៀត ដើម្បីឱ្យបានរៀនសូត្រហើយលទ្ធភាពគឺទន់តែម្តង អត់ដឹងថា ទៅជ្រុងណាទេ។ លោកសង្ឃឹមថា អំពើល្អសាងជូនអ្នកមានគុណ និងតបស្នងឱ្យលោកជួបអ្វីដែលល្អក្នុងឆាកជីវិតតទៅទៀត។
យើងរំពឹងថា អ្នកជិតដិតញាតិមិត្តជិតខាងក្នុង និងក្រៅសិល្បៈជួយតារាចំណូលថ្មីរូបនេះឱ្យបានសម្រេចបំណងជូនដល់ម្តាយជាទីស្រឡាញ់បានលាចាកទាំងកូនៗស្តាយផង។
ចែករំលែកព័តមាននេះ