សាកសពលោកថៅកែ​បានផុស​ឡើង​នៅព្រឹក​នេះ…


រាជធានីភ្នំពេញ ៖ ​សេចក្តីរាយការណ៍បឋមឱ្យដឹង​ថា ទីបំផុត សាកសព​​​លោក​​ហុ​ក ប៊ុ​ន​ហ៊ុយ ​ថៅកែ​អតីត​សណ្ឋាគារ​ឆាយ​ហុង​ បាន​​អណ្តែត​ឡើង​នៅវេ​លា​ម៉ោង​ប្រមាណ​៦​ព្រឹក​ថ្ងៃទី​៣០ សីហា នេះ ស្ថិតត្រង់​​ច​ំ​ណុ​ច​ភូមិ​​ល្វា សង្កាត់​​កោះដាច់ ខណៈដែល​​ក្រុមគ្រួសារ​កំពុង​​រង់ចាំ​ដំណឹង​​យ៉ាង​អន្ទះអន្ទែង​នោះ ។

បច្ចុប្បន្ន សាក​​ស​ព​របស់​លោក ​ត្រូវ​បាន​​ក្រុម​គ្រួសារ​​ស្រង់​មកតម្កល​់​​ធ្វើបុណ្យតាម​ប្រពៃណី​នៅ​វត្ត​បាក់​ខែង។

គួររំលឹកថា  កាលពី​នៅ​ថ្ងៃ​ទី​២៩ សីហា  គឺ​រក​ឃើញ​តែ​មួក​អណ្តែត​ទឹក​ត្រង់​ចំណុច​កោះ​ប្រាក់ (​នៅ​កណ្តាល​ទន្លេ​) ដែល​គាត់​បាន​ពាក់​ពេល​បើក​ម៉ូតូ​ទឹក​នោះ ប៉ុន្តែ​បាត់​មនុស្ស​មិន​ទាន់​ឃើញ​ឡើយ ។ អតីត​ថៅកែ​សណ្ឋា​គារ​ឆាយ​ហុង ដែល​មានឈ្មោះ​ល្បី បាន​ធ្លាក់​ទឹកទន្លេ​លិច​បាត់​រយៈពេល​២​ថ្ងៃ​មក​ហើយ​រក​សាកសព​ពុំ​ឃើញ​​នៅឡើយ ខណៈ​ពេល​គាត់​បើក​ម៉ូតូ​ទឹក​ដែល​ទើប​ទិញ​ថ្មី ជិះ​លំ​ហែល​កាយ​តាម​ដង​ទន្លេមេគង្គ ។ ការ​រងគ្រោះថ្នាក់​នេះ បាន​កើតឡើង​តាំងពី​ល្ងាច​ថ្ងៃ​ទី​២៦ សីហា មក ស្ថិត​នៅ ចំណុច ដង​ទន្លេមេគង្គ ក្នុងភូមិ​ល្វា សង្កាត់​កោះដាច់ ខណ្ឌ​ជ្រោយចង្វារ រហូត​មក​ទល់​រសៀល​ថ្ងៃ​ទី​២៨ សីហា នេះ ក្រុម​គ្រួសារ​រក​សាកសព​ពុំ​ទាន់​ឃើញ​ទេ ។

ជន​រង​គ្រោះ​ដែល​គេ​អះអាង​ថា បាន​ធ្លាក់ទឹក​ស្លាប់​នោះ ឈ្មោះ​ហុ​ក ប៊ុ​ន​ហ៊ុយ ហៅ​តា​ហ៊ុយ ភេទ​ប្រុស អាយុ ប្រមាណ​ជាង​៤៧​ឆ្នាំ ជា​អតីត​ថៅកែ​សណ្ឋាគារ​ឆាយ​ហុង និង​បច្ចុប្បន្ន​ជា​ថៅកែ​ហាង​គុយទាវ​មួយ​កន្លែង នៅ​ក្នុងភូមិ​ព្រែក​លៀប សង្កាត់​ព្រែក​លៀប ខណ្ឌ​ជ្រោយចង្វារ ។

តាម​មន្ត្រី​នគរបាល​បានឱ្យ​ដឹង​ទៀត​ថា អតីត​ថៅកែ​សណ្ឋាគារ​រូប​នេះ​បាន​បើក​ម៉ូតូ ខ្លះ​ហៅ​ថា អូ​ប៊័រ ដែល​ទើប​ទិញ​ក្នុង​តម្លៃ​ជិត​២​ម៉ឺន​ដុល្លារ​លំហែកាយ​តាម​ដង​ទន្លេ ។ មិនដឹង​ជា​មូលហេតុ​អ្វី​នោះ​ទេ នៅ​ពេល​បើកបរ​បាន​ធ្លាក់ទឹក​លិច​បាត់ ហើយ​ម៉ូតូ​ទឹក​ក៏​បាន​អណ្តែត​តាម​ទឹក​ចូល​ខាង ហើយ​ត្រូវ​នគរបាល​យក​ទៅ​រក្សា​ទុក ។ ក្រោយមក ទើប​មានការ​ភ្ញាក់ផ្អើល​ដល់​ក្រុម​គ្រួសារ​នាំ​គ្នា​ជួល​ទូក​ជួយ​រក តែ​រក​ពុំ​ឃើញ​សោះ ។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ