ខេត្តកំពង់ធំ ៖ លោកវរៈសេនីយ៍ត្រី ឃុន ប៊ុនហួ មេបញ្ជាការកងរាជអាវុធហត្ថស្រុកបារាយណ៍ បានឲ្យដឹងថា ជនសង្ស័យជាមុខសញ្ញាចែកចាយគ្រឿងញៀនទាំងបីនាក់ដែលឃាត់ខ្លួននេះ ត្រូវបានលោកដឹកនាំកម្លាំង មន្ត្រីក្រោមឱវាទ របស់លោកធ្វើការបង្ក្រាបបានកាលពីវេលាម៉ោង១១ព្រឹក ថ្ងៃទី២៩ ឆ្នាំ២០១៨ នៅចំណុច រោងចក្រដំឡូងមួយកន្លែង ស្ថិតក្នុងភូមិយាយទៀង ឃុំបល្ល័ង្ក ស្រុកបារាយណ៍ ខេត្តកំពង់ធំ។
លោកបន្តរថា ជនទាំងបីនាក់ខាងលើនេះ ត្រូវបានលោកដាក់កម្លាំងធ្វើការតាមដានអស់រយៈពេលជាច្រើនថ្ងៃមកហើយ ទើបឃាត់ខ្លួនបាន ជាលទ្ធផលឃាត់ខ្លួនបានជនសង្ស័យចំនួន៣នាក់ ទី១.ឈ្មោះ ញឹម សៀកវេង ភេទប្រុស អាយុ២៤ឆ្នាំ រស់នៅភូមិដីថ្មី ឃុំតាប្រុក ស្រុកចម្ការលើ ខេត្តកំពង់ចាម ទី២.ឈ្មោះ ជា លាង ភេទប្រុស អាយុ២២ឆ្នាំ រស់នៅភូមិពណ្ណរាយ ឃុំចើងដើង ស្រុកបារាយណ៍។
និងទី៣. ឈ្មោះ សំ មករា ភេទប្រុស អាយុ១៦ឆ្នាំ នៅភូមិពណ្ណរាយ ឃុំចើងដើង ស្រុកបារាយណ៍ រួមជាមួយនឹងវត្ថុ ដែលដកហូតបានមានថ្នាំញៀន៤កញ្ចប់តូច ទូរស័ព្ទដៃ៤គ្រឿង និងម៉ូតូ៣គ្រឿង យកមកកសាងសំណុំរឿងបញ្ជូនទៅកាន់ទីបញ្ជាការដ្ឋានកងរាជអាវុធហត្ថ ខេត្តកំពង់ធំ ដើម្បីចាត់ការបន្តរតាមផ្លូវច្បាប់៕
https://youtu.be/eBxnQSe58GI
ចែករំលែកព័តមាននេះ