ច្នៃម៉ូដក្រចកថ្មី ទាញកំហឹងពីមហាជន!
រុស្ស៊ី ៖ តាមប្រភពព័ត៌មាន Oddity Central បានឲ្យដឹងថា ហាងធ្វើក្រចកមួយកន្លែងបង្កើតម៉ូដក្រចកថ្មី ដោយយកស្រមោចមកឃុំដែលធ្វើឲ្យមហាជនផ្ទុះកំហឹងថា ធ្វើបាបសត្វមានជីវិត។ ហាងក្រចកយីហោ…
រុស្ស៊ី ៖ តាមប្រភពព័ត៌មាន Oddity Central បានឲ្យដឹងថា ហាងធ្វើក្រចកមួយកន្លែងបង្កើតម៉ូដក្រចកថ្មី ដោយយកស្រមោចមកឃុំដែលធ្វើឲ្យមហាជនផ្ទុះកំហឹងថា ធ្វើបាបសត្វមានជីវិត។ ហាងក្រចកយីហោ…
រុស្ស៊ី ៖ តាមប្រភពព័ត៌មាន Oddity Central បានឲ្យដឹងថា ហាងធ្វើក្រចកមួយកន្លែងបង្កើតម៉ូដក្រចកថ្មី ដោយយកស្រមោចមកឃុំដែលធ្វើឲ្យមហាជនផ្ទុះកំហឹងថា ធ្វើបាបសត្វមានជីវិត។
ហាងក្រចកយីហោ Nail Sunny beauty salon នៅរុស្ស៊ី មានកេរ្ត៍ឈ្មោះល្បីដោយសារពូកែរកម៉ូដក្រចកថ្មីៗ ដែលគ្រប់គ្នាមិនធ្លាប់មាន។ តែលើកនេះ ម៉ូដហាក់បីដូចជាប្លែកជ្រុល។ គេយកក្រចកមក.ត ដែលមានប្រហោងនៅខាងក្នុង សម្រាប់ដាក់សត្វស្រមោច (រស់) ចូល ហើយបិទរន្ធភ្ជិតមកវិញ។ ដូចនេះ ស្រមោចនឹងនៅក្នុងក្រចក រត់ទៅមក។ វីដេអូនេះ ត្រូវបានបង្ហោះចូលក្នុង Instagram ដែលទាក់ទាញចំនួនទស្សនាបានដល់ទៅ ១.៨លាន។ ភាគច្រើននៃការ Comment គឺសុទ្ធតែអវិជ្ជមាន។
មនុស្សជាច្រើននាក់ លើកឡើងថា វាជាការធ្វើបាបសត្វ ហើយពួកគេមិនចង់យកជីវិតមកលេង ដោយគ្រាន់តែចង់ប្លែកខុសគេនោះទេ។ អ្នកខ្លះថា ពួកគេមិនចង់មានសត្វស្រមោចងាប់នៅក្នុងក្រចក នៅ២សប្តាហ៍ក្រោយឡើយ។
ដោយសារតែចង់បកស្រាយ ហាងក្រចកខាងលើក៏បានបង្ហោះវីដេអូមួយទៀត បង្ហាញពីការដោះលែងស្រមោចវិញមុនពេលពួកវាផុតដង្ហើម។ តែការធ្វើដូចនេះមិនបានធ្វើឲ្យមហាជនឈប់ខឹងនោះទេ។ ពួកគេលើកឡើងថា ពួកស្រមោចទាំងនោះនៅតែទទួលរងការធ្វើបាបផ្លូវចិត្ត បើទោះបីជាមិនងាប់ក៏ដោយ។
ចំពោះលោកអ្នក តើការធ្វើដូចនេះសាកសមដែរឬទេ?
ចែករំលែកព័តមាននេះ