ប្លែកម្យ៉ាងដែរ! ឧបករណ៍តន្ត្រីកែច្នៃប្រគំដ៏ពីរោះរណ្តំ (មានវីដេអូ)
ខេត្តបន្ទាយមានជ័យ ៖ ពិតជាស្មានមិនដល់គ្រួសារមួយព្រោះតែចង់អភិរក្សវិស័យសិល្បៈ ហើយបានបណ្តុះបណ្តាលកូនប្រុសស្រីឲ្យបន្តប្រពៃណីមួយនេះទៅថ្ងៃអនាគតដែលបុរសជាឪពុកបានច្នៃឧបករណ៍ពីធុងស្ពេត្រូ, កំប៉ុងជ័រ, កូនធុងដែកធ្វើជាប៉ាតឺរីដើម្បីលេងផ្សំជាមួយឧបករណ៍ភ្លេងពិតមួយចំនួនទៀត លេងយ៉ាងពិរោះរណ្តំដូចភ្លេងដែលគេប្រគំមានឧបករណ៍គ្រប់គ្រាន់តាមពិធីផ្សេងៗផងដែរ។ អ្វីដែលជាទីចាប់អារម្មណ៍ និងគួរឲ្យកោតសសើរនោះគឺកូនប្រុសស្រីរបស់គ្រួសារមួយនេះចំនួន៦នាក់ចេះលេងភ្លេងគ្រប់គ្នា ដោយខ្លះចេះច្រៀង…
អ្វីដែលជាទីចាប់អារម្មណ៍ និងគួរឲ្យកោតសសើរនោះគឺកូនប្រុសស្រីរបស់គ្រួសារមួយនេះចំនួន៦នាក់ចេះលេងភ្លេងគ្រប់គ្នា ដោយខ្លះចេះច្រៀង ខ្លះចេះលេងហ្គីតា ដោយឡែកកូនតូចៗចេះជាន់ ឬលេងប៉ាតឺរីប្រដំ
នៅខាងមុខផ្ទះរបស់បុរសជាអ្នកកែច្នៃឧបករណ៍ភ្លេងខាងលើឈ្មោះឌួង ដារឹទ្ធ អាយុ៥៩ឆ្នាំ រស់នៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត គេឃើញមានដាក់កូនស្លាកតូចមួយសរសេរថា មានអកកេះ អកកាដង់ និងមានភ្លេងបុរាណសម្រាប់ជួល។
បុរសខាងលើបានឱ្យដឹងថា គាត់ចេះលេងភ្លេងទាំងសម័យ និងបុរាណតាំងពីសង្គមមកម្ល៉េះ ហើយកូនប្រុសស្រីរបស់គាត់ទាំង៦នាក់ ក្នុងនោះស្រី៣នាក់ចេះលេងភ្លេងគ្រប់គ្នា ដោយខ្លះចេះច្រៀង ខ្លះចេះជាន់ប៉ាតឺរី ខ្លះចេះលេងហ្គីតា និងខ្លះចេះលេងសូឡូ ។
បុរសដដែលបន្តថា គាត់ស្រឡាញ់មុខរបរនេះ បើទោះជារដូវខ្លះមិនសូវមានអតិថិជនជួលទៅលេងកម្មវិធី ប៉ុន្តែដើម្បីអភិរក្សវិស័យសិល្បៈឲ្យគង់វង្សគាត់ និងគ្រួសារសុខចិត្តបណ្តុះបណ្តាលកូនៗឲ្យចេះគ្រប់ៗគ្នា ។
យ៉ាងណាក៏ដោយ បុរសរូបនេះបានត្អូញត្អែរថា ឧបករណ៍ភ្លេងរបស់គាត់នៅមានការខ្វះខាតមួយចំនួន ទើបបង្ខំចិត្តរៀបចំឧបករណ៍កែច្នៃបន្ថែមដើម្បីឲ្យកូនបានហាត់រៀន ។ ជាមួយនឹងកង្វះខាតនេះគាត់សំណូមពរដល់សប្បុរសជនក្នុងនិងក្រៅប្រទេសពិសេសអ្នកស្រឡាញ់វិស័យសិល្បៈមេត្តាជួយដល់គ្រួសារគាត់ផង៕
ចែករំលែកព័តមាននេះ