រាជធានីភ្នំពេញ ៖ ទុស្សេខ្សែភ្លើងបង្កជាអគ្គិភ័យនៅលើបង្គោលភ្លើងមួយកន្លែងបង្កឱ្យមានការភ្ញាក់ផ្អើលទៅដល់រថយន្តពន្លត់អគ្គិភ័យចំនួន២គ្រឿង ចុះមកធ្វើអន្តរាគមន៍ ករណីអគ្គិភ័យមួយបានឆាបឆេះឡើងនៅលើបង្គោលភ្លើងមួយកន្លែង ដែលមានប្រអប់លេខ ប-ត D06-915C បានបង្កឱ្យឲ្យមានការភ្ញាក់ផ្អើលយ៉ាងខ្លាំងទៅដល់ប្រជាពលរដ្ឋ និងកម្លាំងមានសមត្ថកិច្ចមូលដ្ឋានយ៉ាងច្រើនទាំងកណ្តាលថ្ងៃត្រង់…
រាជធានីភ្នំពេញ ៖ ទុស្សេខ្សែភ្លើងបង្កជាអគ្គិភ័យនៅលើបង្គោលភ្លើងមួយកន្លែងបង្កឱ្យមានការភ្ញាក់ផ្អើលទៅដល់រថយន្តពន្លត់អគ្គិភ័យចំនួន២គ្រឿង ចុះមកធ្វើអន្តរាគមន៍ ករណីអគ្គិភ័យមួយបានឆាបឆេះឡើងនៅលើបង្គោលភ្លើងមួយកន្លែង ដែលមានប្រអប់លេខ ប-ត D06-915C បានបង្កឱ្យឲ្យមានការភ្ញាក់ផ្អើលយ៉ាងខ្លាំងទៅដល់ប្រជាពលរដ្ឋ និងកម្លាំងមានសមត្ថកិច្ចមូលដ្ឋានយ៉ាងច្រើនទាំងកណ្តាលថ្ងៃត្រង់ ។
ករណីនេះដែរបានកើតឡើងនៅពីវេលាម៉ោង១២និង១៥នាទីថ្ងៃត្រង់ថ្ងៃទី២៩ ខែសីហា ឆ្នាំ២០១៨ នៅលើបង្គោលភ្លើងមួយដើម ដែលស្ថិតនៅខាងមុខផ្ទះ លេខ១៥Eo ផ្លូវលេខ៩៥ ក្នុងសង្កាត់បឹងកេងកងទី២ ខណ្ឌចំការមន។
តាមប្រភពព័ត៌មានពីអាជ្ញាធរបានប្រាប់ឱ្យដឹងថា មុនពេលកើតហេតុមានបងប្អូនប្រជាពលរដ្ឋជាច្រើនបានឃើញមានអណ្តាតភ្លើង កំពុងតែឆាបឆេះខ្សែភ្លើង និងខ្សែកាបនៅលើបង្គោលភ្លើង មួយដើមខាងលើព្រមទាំងមានផ្សែងខ្មៅហុយទ្រលោមឃ្មួញខ្មាញ់ឡើងលើផងដែរ ។ ភ្លាមនោះដែរកម្លាំងរបស់លោកក៏បានចុះមកដល់ ហើយក៏បានស្រែកប្រាប់ឲ្យពួកគាត់ដែលមានផ្ទះនៅជិតខាងគ្នាឲ្យបិទបារ៉ែតភ្លើងតាមផ្ទះរបស់ពួកគាត់រៀងៗខ្លួន និងនាំគ្នាយកបំពង់ពន្លត់អគ្គិភ័យជាច្រើនបំពង់ ទៅធ្វើការបាញ់ពន្លត់ផងដែរ ។
ប្រភពដដែលបានប្រាប់បន្តទៀតថា ពេលដែលពួកគាត់រួមទាំងបងប្អូនប្រជាពលរដ្ឋនាំគ្នាប្រើបំពង់ពន្លត់អគ្គិភ័យបាញ់នោះមិនបានធ្វើឲ្យភ្លើងរលត់ឡើយ ហើយភ្លើងក៏ឆេះកាន់តែខ្លាំងឡើងៗផងដែរ ។ ដោយខ្លាចក្រែងអណ្តាតភ្លើងឆាបឆេះកាន់តែខ្លាំង និងខ្លាចឆេះរាលដាលទៅដល់ផ្ទះដែលនៅក្បែរខាងបន្តទៀតនោះលោកក៏បានហៅ រថយន្តពន្លត់អគ្គិភ័យរបស់ស្នងការនគរបាលរាជធានីភ្នំពេញចំនួន២គ្រឿងចុះមកជួយបាញ់ទឹកទប់ស្កាត់ និងរាយការណ៍ទៅខាងអគ្គិសនីកម្ពុជាឲ្យធ្វើការបិទប្រអប់ភ្លើងខាងលើផងដែរ ទើបធ្វើឲ្យភ្លើងរលត់ទៅបាន ។
ក្រោយពេលកើតហេតុកម្លាំងមានសមត្ថកិច្ចបានប្រើប្រាស់បំពង់ពន្លត់អគ្គិភ័យអស់ជាច្រើនបំពង់ ចំណែកឯរថយន្តពន្លត់អគ្គិភ័យទាំង២គ្រឿងដែលបានចុះមកធ្វើអន្តរាគមន៍នោះបានប្រើប្រាស់អស់ទឹកបន្តិចបន្ទួចប៉ុណ្ណោះមិនហ៊ានបាញ់គំហុកទេ និងបានឆេះបំផ្លាញខ្សែភ្លើង និង ខ្សែកាបអុបទិកមួយចំនួនដែលនៅលើបង្គោលភ្លើងខាងលើធ្វើឲ្យដាច់ធ្លាក់រប៉ាត់រប៉ាយ និងរងការខូចខាតតិចតួចប៉ុណ្ណោះ ហើយខាងអគ្គិសនីក៏បានចុះមកធ្វើការជួសជុល និងតភ្លើងឡើងវិញផងដែរ ៕
ចែករំលែកព័តមាននេះ