រាជធានីភ្នំពេញ ៖ សេចក្តីរាយការណ៍ឱ្យដឹងថា កូននេន១អង្គបានជួលម៉ូតូរ៉ឺម៉កកង់បី១គ្រឿងជិះចេញពីវត្តដោយប្រាប់ថា ទៅនិមន្តបិណ្ឌបាត្រ ប៉ុន្តែមិនដឹងថា ទៅបិណ្ឌបាត្រនៅកន្លែងណានោះឡើយ ស្រាប់តែបាត់ដំណឹងឈឹងរយៈពេល៤ថ្ងៃ គិតត្រឹមវេលាម៉ោង១១ព្រឹកថ្ងៃទី២៩ សីហា…
រាជធានីភ្នំពេញ ៖ សេចក្តីរាយការណ៍ឱ្យដឹងថា កូននេន១អង្គបានជួលម៉ូតូរ៉ឺម៉កកង់បី១គ្រឿងជិះចេញពីវត្តដោយប្រាប់ថា ទៅនិមន្តបិណ្ឌបាត្រ ប៉ុន្តែមិនដឹងថា ទៅបិណ្ឌបាត្រនៅកន្លែងណានោះឡើយ ស្រាប់តែបាត់ដំណឹងឈឹងរយៈពេល៤ថ្ងៃ គិតត្រឹមវេលាម៉ោង១១ព្រឹកថ្ងៃទី២៩ សីហា នេះ ត្រូវស្ត្រីជាម្ដាយបានកាន់រូបថតកូននេនមកកាន់ប៉ុស្តិ៍ចោមចៅ២ ខណ្ឌពោធិ៍សែនជ័យ ដើម្បីដាក់ពាក្យបណ្ដឹងសុំឱ្យនគរបាលជួយអន្ត រាគមន៍ ។
កូននេនដែលបាត់ ព្រះនាម ម៉ូវ សុទី ព្រះជន្ម១១វស្សា គង់នៅវត្តព្រៃស្ពឺ ក្នុងភូមិព្រៃស្ពឺ សង្កាត់ចោមចៅ ខណ្ឌពោធិ៍សែនជ័យ ។ កូននេនមានជំងឺរលាកស្រោមខួរបានបញ្ជូនទៅសង្គ្រោះនៅមន្ទីរពេទ្យគន្ធបុប្ផាទើបតែជាសះស្បើយចេញពីមន្ទីរពេទ្យកាលពីពេលថ្មីៗប៉ុណ្ណោះ ។ ចំណែកស្ត្រីជាម្ដាយឈ្មោះលឹម គីនលាង អាយុ៥៥ឆ្នាំ ស្នាក់នៅផ្ទះជួលក្នុងភូមិកំរៀង សង្កាត់ព្រៃវែង ខណ្ឌដង្កោ រាជធានីភ្នំពេញ ។
គាត់បានប្រាប់នគរបាលថា នេនតូចដែលជាកូនរបស់គាត់នេះ បានបាត់រយៈពេល៤ថ្ងៃហើយ គ្មានដំណឹងសោះ ដែលជាហេតុធ្វើឲ្យគាត់មានការព្រួយបារម្ភយ៉ាងខ្លាំង ដោយមិនដឹងថា មានមូលហេតុអ្វីឡើយ ហើយបានសុខទុក្ខយ៉ាងណានោះទេ ។
គាត់បន្តថា កាលពីប៉ុន្មានថ្ងៃមុន លោកកូនខ្ញុំអង្គនេះ មានជំងឺរលាកស្រោមខួរធ្ងន់ ពេលនោះខ្ញុំដែលជា
ម្ដាយបញ្ជូនទៅសង្គ្រោះនៅមន្ទីរពេទ្យគន្ធបុប្ផាជាច្រើនថ្ងៃទំរាំតែបានជាសះស្បើយ ។ ម្តាយបន្តថា ខ្ញុំមានការព្រួយបាម្ភខ្លាំងណាស់ ព្រោះបាត់កូនរបស់ខ្ញុំនិងកូនមានជំងឺផង ខ្លាចតែជំងឺនោះរើឡើងវិញ ដើរវង្វេងផ្លូវរកផ្ទះមិនឃើញ និងខ្លាចមានអ្នកធ្វើបាបទៀត។
កម្លាំងនគរបាល ក្រោយទទួលពាក្យបណ្ដឹងរបស់ស្ត្រីជាម្ដាយនោះ ក៏បានធ្វើការស្រាវជ្រាវរកហើយ ។
ចែករំលែកព័តមាននេះ