មនុស្សមិនល្អដោយសារតែអកុសលមូល លោភៈទោសៈមោហៈឃើញតែការចង់មានចង់បាន ចងចិត្តប្រទូស្តឥតស្រាកស្រាន្តនៅក្នុងខ្លួនរបស់គេហ្នឹងឯងច្រើនពេក ទើបធ្វើឲ្យគេទៅជាមនុស្សបែបនេះ ។ មនុស្សម្នាក់ៗ ទោះជាអាក្រក់សាមាន្យ ឬសាហាវយង់ឃ្នង ឃោរឃៅព្រៃផ្សៃយ៉ាងណាក៏ដោយ បើដកយកលោភៈ…
មនុស្សមិនល្អដោយសារតែអកុសលមូល លោភៈទោសៈមោហៈឃើញតែការចង់មានចង់បាន ចងចិត្តប្រទូស្តឥតស្រាកស្រាន្តនៅក្នុងខ្លួនរបស់គេហ្នឹងឯងច្រើនពេក ទើបធ្វើឲ្យគេទៅជាមនុស្សបែបនេះ ។
មនុស្សម្នាក់ៗ ទោះជាអាក្រក់សាមាន្យ ឬសាហាវយង់ឃ្នង ឃោរឃៅព្រៃផ្សៃយ៉ាងណាក៏ដោយ បើដកយកលោភៈ ទោសៈ មោហៈចេញអស់ពីខន្ធសន្តានហើយ នឹងជាព្រះអរហន្តដែលគួរឲ្យយើងថ្វាយបង្គំ គួរគោរពបូជាពិតៗ។ ដូច្នេះយើងត្រូវរៀនពិចារណាឲ្យឃើញ លោភៈប្រាកដថាជាលោភៈ ឃើញទោសៈថាជាទោសៈ ឃើញមោហៈថាជាមោហៈ តាមសភាវៈពិត គឺត្រូវឃើញច្បាស់ថាវាជាកិលេសមារដ៏ខ្មៅកខ្វក់នៅជ្រែកក្នុងខ្លួនមនុស្សគ្រប់គ្នា ។
ការពិចារណាឃើញយ៉ាងនោះហើយ នឹងនាំឲ្យយើងកាត់បន្ថយនូវការប្រកាន់ទោសរបស់មនុស្សផងគ្នា ហើយបន្ថែមការចម្រើនករុណាធម៌ទៅលើសត្វលោកទាំងអស់វិញ ព្រមទាំងខ្លួនយើងផង ព្រោះថា សត្វលោកទាំងអស់សុទ្ធតែជាអ្នកត្រូវកិលេសមារបៀតបៀន ជ្រែករាងកាយដូចគ្នា ។
ចែករំលែកព័តមាននេះ