ខេត្តកំពត ៖ ផ្លូវភក់ផុងនៅជុំវិញរមណីដ្ឋានភ្នំកំពង់ត្រាច បំផ្លាញដោយរថយន្តដឹកថ្ម ដោយផ្លូវសសៀរអែប និងជើងភ្នំរមណីដ្ឋានភ្នំកំពង់ត្រាច ស្រុកកំពង់ត្រាច ។
ផ្លូវដែលមានស្ថានភាពដ៏ភក់ផុងខាងលើ នៅជុំវិញរមណីដ្ឋានមួយនេះត្រូវបានប្រជាពលរដ្ឋ ឈ្មោះ ឱម រៀន ភេទប្រុស អាយុ៦៥ឆ្នាំ នៅភូមិអូរលួស ឃុំដំណាក់កន្ទួតខាងជើង ស្រុកកំពង់ត្រាច និយាយថា ផ្លូវជាប់នឹងជើងភ្នំជាង២០ឆ្នាំហើយ ដែលពលរដ្ឋធ្វើដំណើរ ចេញពីភ្នំមួយចូលភ្នំមួយ ។ តែរយៈពេលប្រហែលកន្លះខែនេះខាងឃុំដំណាក់កន្ទួតខាង ត្បូងបានជួលរថយន្តក្រុមហ៊ុនឯកជនមួយ ដឹកដីយកមកចាក់ ពីលើស្រាប់តែអ្នកដើរក៏ ដើរមិនកើត ព្រោះដីចាក់នោះក្លាយជាភក់ផុងដូចវាលស្រែ ។ លោកបន្តនិយាយប្រាប់ ដោយត្រង់ៗថា បើខាងឃុំចាក់ផ្លូវបានថ្មីពិត ពលរដ្ឋអបអសាទរ ប៉ុន្តែបើគ្រាន់តែយកដីមក ចាក់ពីលើគ្រាន់តែដើរ និងជិះម៉ូតូមិនរួចបែបនេះ ពិតជាពលរដ្ឋមិនសប្បាយចិត្តទេ ។
ពលរដ្ឋម្នាក់ទៀតឈ្មោះ កែន ចូន ភេទប្រុស អាយុ៥១ឆ្នាំ ជាអ្នកលក់ដូរ ឲ្យភ្ញៀវទេសចរ នៅជើងភ្នំនិយាយថា អ្នកលក់ដូរជាច្រើននាក់ ត្រូវបានបិទទ្វារអស់ដោយសារតែផ្លូវមិនល្អ ភ្ញៀវគេមិនមកលេង ម្យ៉ាងទៀតរថយន្តដឹកថ្មក៏បានជួយបំផ្លាញផងដែរ ។ លោកកែន ចូន និយាយថា បើរាំងភ្លៀងអ្នកលក់ដូរគ្រោងនឹងរ៉ៃលុយគ្នាជួលគ្រឿងចក្រមកកៀរភក់ផុង ទម្លាក់ពីលើផ្លូវចាស់នោះវិញ ងាយស្រួលធ្វើដំណើរ ។
ចំណែកលោកស្រី សាន់ មេឃុំដំណាក់កន្ទួតខាងត្បូងបានប្រាប់ឲ្យដឹងថា លោកពិតជា ទទួលស្គាល់ថា ផ្លូវមានការពិបាកឆ្លងកាត់មែន ។ លោកស្រី សាន់ និយាយថា ផ្លូវជាប់នឹង ជើងភ្នំរមណីដ្ឋាននេះ មានចង្ងាយ២គីឡូ ហើយមានអង្គការអាយយូស៊ីអ៊ិនជួយ ជាថវិកា ចំនួន៤ពាន់ដុល្លារ សម្រាប់ជួសជុលផ្លូវនេះឡើងវិញ ប៉ុន្តែពេលចាក់គ្រួសហើយ ស្រាប់ តែភ្លៀងរហូត ។
លោកស្រី សាន់និយាយថា ផ្លូវនេះលោកបន្តធ្វើទៀត ប៉ុន្តែលោកក៏ បានជម្រាប់ប្រាប់ទៅលោកអភិបាលស្រុកដែរឲ្យជួយអន្តរាគមន៍ដល់រថយន្តដឹកថ្មផង ដឹក ចេញពីភ្នំមួយដែលគេហាមឃាត់ បណ្ដាលឲ្យបាក់ស្ពាន ហើយបែរជានាំគ្នាមកដឹកកាត់ ផ្លូវទេសចរមួយនេះទៀត ៕
ចែករំលែកព័តមាននេះ