រាជធានីភ្នំពេញ ៖ យុវជន២នាក់ទើបចេញពីក្លិបជិះម៉ូតូយ៉ាងលឿនជែងរថយន្ត និងរ៉ឺម៉កសណ្តោងមិនផុតជ្រុលទៅបុកម៉ូតូមួយគ្រឿងទៀតដួលអូសជាង២០ម៉ែត្ររងរបួសធ្ងន់ខ្លួនឯង២នាក់ បង្កឱ្យមានការភ្ញាក់ផ្អើលកាលពីវេលាម៉ោង១និង៤០នាទីរំលងអាធ្រាតឈានចូលថ្ងៃទី២៩ ខែសីហា ឆ្នាំ២០១៨ នៅមុខក្លិបស្ពាយឌ័រ ស្ថិតនៅតាមបណ្ដោយផ្លូវវេងស្រេង ភូមិត្រពាំងថ្លឹង…
រាជធានីភ្នំពេញ ៖ យុវជន២នាក់ទើបចេញពីក្លិបជិះម៉ូតូយ៉ាងលឿនជែងរថយន្ត និងរ៉ឺម៉កសណ្តោងមិនផុតជ្រុលទៅបុកម៉ូតូមួយគ្រឿងទៀតដួលអូសជាង២០ម៉ែត្ររងរបួសធ្ងន់ខ្លួនឯង២នាក់ បង្កឱ្យមានការភ្ញាក់ផ្អើលកាលពីវេលាម៉ោង១និង៤០នាទីរំលងអាធ្រាតឈានចូលថ្ងៃទី២៩ ខែសីហា ឆ្នាំ២០១៨ នៅមុខក្លិបស្ពាយឌ័រ ស្ថិតនៅតាមបណ្ដោយផ្លូវវេងស្រេង ភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ ។
ជនរងគ្រោះទាំង២នាក់ខាងលើមិនបានបញ្ចេញឈ្មោះ បានជិះម៉ូតូម៉ាកស៊ុយហ្ស៊ុយគីនិច ស៊េរី២០១៨ ពណ៌ខៀវ ពាក់ស្លាកលេខ ភ្នំពេញ១GP-០៦៨៩ ។
តាមប្រភពព័ត៌មានពីកម្លាំងអន្តរាគមន៍ខណ្ឌពោធិ៍សែនជ័យម្នាក់ដែលប្រចាំការនៅមុខក្លិបបានឲ្យដឹងថា នៅមុនពេលកើតហេតុ គេឃើញជនរងគ្រោះទាំងពីរនាក់បានចូលក្លិបស្ពាយឌ័រ ហើយបានរាំលេងនៅក្នុងក្លិបផងដែរលុះរាំលេងបានមួយសន្ទុះ រាំក្រឡុកគេពេក ត្រូវបក្ខពួកមួយក្រុមវាយទ្រមខ្លួនម្តងរួចមកហើយ បន្ទាប់មកជនរងគ្រោះទាំង២នាក់រកមើលបក្ខពួកបង្កដែលវាយខ្លួន ហើយនឹកចង់សងសឹកវិញ លុះនៅវេលាម៉ោងកើតហេតុពេលក្លិបបិទទ្វារអស់ ដោយរកមិនឃើញបក្ខពួកដែលវាយខ្លួននោះ បន្ទាប់មកជនរងគ្រោះទាំង២នាក់បានជិះម៉ូតូមួយគ្រឿងកាត់ពីមុខក្លិបក្នុងល្បឿនយ៉ាងលឿនក្នុងទិសដៅពីលិចទៅកើត ។
ប្រភពដដែលបានបន្តថា ដោយជនរងគ្រោះទាំងពីរនាក់បានជិះម៉ូតូមួយគ្រឿងបើកជែងរថយន្តមួយគ្រឿងហើយជែងរ៉ឺម៉កសណ្តោងទៀត តែមិនផុតបានរេចង្កូតទៅផ្នែកខាងឆ្វេងក៏ជ្រុលទៅបុកម៉ូតូមួយគ្រឿងទៀតដែលជិះស្របទិសគ្នាពីក្រោយពេញទំហឹង បណ្តាលឲ្យដួលទាំង២គ្រឿងអូសប្រមាណជាង២០ម៉ែត្រ បណ្ដោលឱ្យជនរងគ្រោះទាំង២នាក់សន្លប់ស្តូកស្តឹងនៅកន្លែងកើតហេតុ ចំណែកភាគីខាងម៉ូតូមួយគ្រឿងទៀតដែលជិះគ្នា២នាក់ដែរនោះបានរងរបួសស្រាល ហើយបានលើកម៉ូតូជិះគេចខ្លួនបាត់។
ក្រោយពេលកើតហេតុ ជនរងគ្រោះទាំងពីរនាក់ត្រូវបានរថយន្តសង្គ្រោះរបស់គ្លីនិកឯកជនបានដឹកយកទៅសង្គ្រោះភ្លាមៗផងដែរ ចំណែកឯម៉ូតូជនរងគ្រោះត្រូវបានមន្ត្រីនគរបាលប៉ុស្តិ៍ចោមចៅ១បានយកទៅរក្សាទុកដើម្បីប្រគល់ឱ្យជនរងគ្រោះវិញ ៕
ចែករំលែកព័តមាននេះ