រាជធានីភ្នំពេញ ៖ តាមសេចក្តីរាយការណ៍ព័ត៌មានបឋមបានឱ្យដឹងថា តំណាងអយ្យការសាលាដំបូងរាជធានីភ្នំពេញ លោក ស្រី ម៉ាក់នី កាលពីព្រឹកថ្ងៃទី២៨ សីហា បានសម្រេចធ្វើការចោទប្រកាន់ម្ចាស់ទីតាំលួចផលិតសាប៊ូ…
រាជធានីភ្នំពេញ ៖ តាមសេចក្តីរាយការណ៍ព័ត៌មានបឋមបានឱ្យដឹងថា តំណាងអយ្យការសាលាដំបូងរាជធានីភ្នំពេញ លោក ស្រី ម៉ាក់នី កាលពីព្រឹកថ្ងៃទី២៨ សីហា បានសម្រេចធ្វើការចោទប្រកាន់ម្ចាស់ទីតាំលួចផលិតសាប៊ូ និង គ្រឿងក្រអូបក្លែងជាផ្លូវការ ក្រោមបទ.ធ្វើត្រាប់តាមពាណិជ្ជសញ្ញា សេវាសញ្ញា ម៉ាក តាមសមូហ ភាព ឬពាណិជ្ជនាមរបស់សហគ្រាស និងនាំចូលចែកចាយ ផលិតផលគ្រឿងសំអាងពុំមានចុះបញ្ជីកាពីក្រសួងសុខាភិបាល ។
ដែលបទល្មើសនេះប្រព្រឹត្តនៅក្នុងឃ្លាំងលេខ៨៧ ភូមិជ្រៃកោង សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ កាលពីថ្ងៃទី២៥ សីហា ដែលបទល្មើសនេះមានបញ្ញាតិឲ្យផ្តន្ទាទោស តាមមាត្រា៦៥ នៃច្បាប់ស្តីពីម៉ាកពាណិជ្ជនាម និងអំពើនៃការប្រកួតប្រជែងមិនស្មោះត្រង់ និងបទល្មើសដែលមានបញ្ញាតិឲ្យផ្តន្ទាទោសតាមមាត្រា១០ នៃច្បាប់ស្តីនៃការគ្រប់គ្រងឱសថ ។
តំណាងអយ្យការបានសម្រេចបើកការស៊ើបអង្កេត សាកសួរលើឈ្មោះ ចូវ ស៊ីឈាំង (ZOU ZHIQIANG) ភេទប្រុស អាយុ៤៤ឆ្នាំ ជាជនជាតិចិន និងបានចោទប្រកាន់ជាផ្លូវការ ហើយបានចាត់បញ្ជូនទៅចៅក្រមស៊ើបសួរសម្រេចឃុំខ្លួន ។
គួរំលឹកថា ទីតាំងផលិតសាប៊ូនិងគ្រឿងក្រអូប ព្រមទាំងឡេលាបខ្លួនមួយកន្លែងដែលសង្ស័យថាគ្មានច្បាប់អនុញ្ញាត និងក្លែងក្លាយ ត្រូវបានកម្លាំងនគរបាលនៃនាយកដ្ឋានប្រឆាំងបទល្មើសសេដ្ឋកិច្ចុក្រសួងមហាផ្ទៃ ធ្វើការស្រាវជ្រាវរកឃើញ ។ បន្ទាប់មកបានចុះទៅសហការជាមួយកម្លាំងនគរបាលប៉ុស្តិ៍ចោមចៅ២ ចុះធ្វើការឆែកឆេរនិងបង្ក្រាបជាក់ស្ដែង ។
សមត្ថកិច្ចដកហូតបានផលិតផលសម្រេច រួមជាមួយវត្ថុធាតុដើមសរុប២២មុខ មានទម្ងន់ប្រហែល៥តោន ព្រមទាំងសម្ភារៈឧបករណ៍សម្រាប់ដំណើរការផលិតជាច្រើនមុខទៀត ។ ចំណែកបុរសជនជាតិចិនម្នាក់ដែលជាម្ចាស់ទីតាំងក៏ត្រូវបាននគរបាលនាំខ្លួនយកទៅធ្វើការសួរនាំនៅនាយកដ្ឋានប្រឆាំងបទល្មើសសេដ្ឋកិច្ចក្រសួងមហាផ្ទៃផងដែរ ។ ប្រតិបត្តិការណ៍នោះបានធ្វើឡើងកាលពីវេលាម៉ោង៩ព្រឹកថ្ងៃទី២៥ ខែសីហា ឆ្នាំ២០១៨ នៅត្រង់ចំណុចឃ្លាំងលេខ៨៧ ស្ថិតនៅតាមបណ្ដោយផ្លូវវេងស្រេង ក្នុងភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។ ព័ត៌មានលម្អិតនឹងផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ