គ្រាន់តែឮព្រឺសម្បុរ! បារីក្លែងក្លាយមានផ្ទុកលាមក សត្វល្អិត និង…
អង់គ្លេស ៖ តាមប្រភពព័ត៌មាន Metro បានឲ្យដឹងថា នាយកគ្រប់គ្រងក្រុមហ៊ុនបារីអង់គ្លេសនិងអាមេរិក Carreras Ltd. លោក Marcus…
អង់គ្លេស ៖ តាមប្រភពព័ត៌មាន Metro បានឲ្យដឹងថា នាយកគ្រប់គ្រងក្រុមហ៊ុនបារីអង់គ្លេសនិងអាមេរិក Carreras Ltd. លោក Marcus…
អង់គ្លេស ៖ តាមប្រភពព័ត៌មាន Metro បានឲ្យដឹងថា នាយកគ្រប់គ្រងក្រុមហ៊ុនបារីអង់គ្លេសនិងអាមេរិក Carreras Ltd. លោក Marcus Steele បានលើកឡើងថា បារីក្លែងក្លាយអាចមានផ្ទុកនូវលាមករបស់មនុស្ស សត្វល្អិតផ្សេងៗ និងជាតិពុលជាច្រើន ដែលនេះធ្វើឲ្យខូចសុខភាពខ្លាំងជាងបារីរបស់ក្រុមហ៊ុនពិតប្រាកដ។
ដោយសារតែពន្ធឡើងថ្លៃ មនុស្សភាគច្រើនទំនោរទៅនឹងការទិញបារីក្លែងក្លាយ ព្រោះតែពួកវាមានតម្លៃថោកជាងបារីសុទ្ធដល់ទៅពាក់កណ្តាល។
លោក Steele បានប្រាប់ថា អ្នកអង្កេត Jamaica ថា៖ «ពួកយើងបានរកឃើញលាមក និងសត្វល្អិតនៅក្នុងបារីក្លែងក្លាយទាំងនោះ។ បារីគឺត្រូវតែទុកក្នុងលក្ខខណ្ឌបរិយាកាសមួយ។ យើងមិនដឹងថា វាពិតជាធ្វើពីថ្នាំជក់ពិតឬក៏អត់ទេ។ វាអាចជាស្លឹកសុទ្ធ ឬក៏លាយជាមួយនឹងអ្វីៗផ្សេង»។
លោកបានបន្ថែមថា បារីក្លែងក្លាយមានផ្ទុកសារធាតុកៅស៊ូ និងកាបូនម៉ូណូអុកស៊ីត ជាងក្នុងបារីសុទ្ធពិតប្រាកដ។ វាក៏អាចមានផ្ទុកផ្សិត សត្វល្អិត ពងសត្វល្អិត និងសូម្បីតែលាមកមនុស្ស។
តាមការសិក្សារបស់មន្ទីរពិសោធន៍នៅប្រទេសក្រិច បានឲ្យដឹងថា បារីក្លែងក្លាយទាំងនោះមានផ្ទុកសារធាតុញៀននីកូទីន កៅស៊ូ និងកាបូនម៉ូណូអុកស៊ីត អាចច្រើនជាងបារីសុទ្ធ ១៥% ឬ ៧០% ឬអាចច្រើនដល់ទៅ ១០០%៕
ចែករំលែកព័តមាននេះ