អាមេរិក ៖ តាមប្រភពពីMetro បានឲ្យដឹងថា បុរសម្នាក់ប្រហែលជាកើតរោគចិត្ត ព្រោះពេលបាញ់កាំភ្លើងសំដៅទៅស្រីៗពេលណា ក៏ក្នុងពេលនាងកំពុងបើករថយន្តដែរ មូលហេតុគឺមកពីបុរសនោះគិតថានាងមិនសមឱ្យមកបើករថយន្តទេ គឺសមតែនៅក្នុងផ្ទះបង្កើតកូនប្រុសឱ្យប្តី ។…
អាមេរិក ៖ តាមប្រភពពីMetro បានឲ្យដឹងថា បុរសម្នាក់ប្រហែលជាកើតរោគចិត្ត ព្រោះពេលបាញ់កាំភ្លើងសំដៅទៅស្រីៗពេលណា ក៏ក្នុងពេលនាងកំពុងបើករថយន្តដែរ មូលហេតុគឺមកពីបុរសនោះគិតថានាងមិនសមឱ្យមកបើករថយន្តទេ គឺសមតែនៅក្នុងផ្ទះបង្កើតកូនប្រុសឱ្យប្តី ។
ឈ្មោះ Nicholas D’Agostino អាយុ២៩ឆ្នាំ ត្រូវបានតុលាការសម្រេចក្តីឲ្យជាប់ពន្ធនាគារ បន្ទាប់ពីបានបាញ់ស្ត្រីពីរនាក់រងរបួស នៅក្នុងរដ្ឋតិចសាស់ កាលពីខែមីនា ។ បុរសចិត្តភ្លើងរូបនេះ ដំបូងឡើយត្រូវបានប៉ូលិសចាប់ខ្លួន កាលពីថ្ងៃទី១០ កក្កដា កន្លងមកនេះ ក្រោយពីបាញ់ស្ត្រីម្នាក់កំពុងបើករថយន្ត ។
រូបគេបានលើកឡើងថា នេះមកពីស្ត្រីម្នាក់នោះ បើកចូលគន្លងរបស់ខ្លួន ។ ជនរងគ្រោះរងរបួសត្រូវទ្រូង ក្បែរនឹងបេះដូង ។ D’Agostino បានចំណាយពេល៦សប្តាហ៍ក្នុងគុក ហើយលែងឲ្យនៅក្រៅឃុំជាមួយនឹងប្រាក់ធានា៧.៥០០០ដុល្លារ ។
បីថ្ងៃក្រោយមក គេក៏ត្រូវបានចាប់ខ្លួនម្តងទៀត ក្រោយរកឃើញថា បានបាញ់ស្ត្រីម្នាក់ កាលពីខែមីនា។ ខ្មាន់កាំភ្លើងប្រហារស្រីៗ បានបាញ់ទៅលើស្ត្រីម្នាក់បើករថយន្តចេញពីស្ថានីយចាក់សាំង ។ នាងថា ដំបូងឡើង មិនដឹងថា គេបាញ់ត្រូវនាងនោះទេ ស្រាប់តែឃើញហូរឈាមចេញពីដៃខាងស្តាំ។
ប៉ូលិសបានប្រាប់ថា ជនដៃដល់បានសារភាពថា បានបាញ់ស្ត្រីជាអ្នកបើកបរ៥នាក់រួចមកហើយ ដោយគិតថា ពួកគេមិនសមឱ្យមកបើករថយន្តដូចប្រុសៗនោះទេ ។ នៅពេលនេះ D’Agostino ជាប់នៅក្នុងគុកជាមួយនឹងប្រាក់ពិន័យ២៥០.០០០ដុល្លារ សម្រាប់ការចាប់ខ្លួនជាលើកទីពីរ ។
ចែករំលែកព័តមាននេះ