ខេត្តព្រះសីហនុ ៖ ជនសង្ស័យស្រីប្រុសជាជនជាតិចិនចំនួន១៥នាក់ក្នុងចំណោម៦២នាក់ ដែលត្រូវបានឃាត់ខ្លួនកាលវេលាម៉ោង១២និង១៥រំលងអាធ្រាតឈានចូលថ្ងៃទី២៦ សីហា ឆ្នាំ២០១៨ ត្រូវបញ្ជូនខ្លួនទៅកាន់សាលាដំបូងខេត្តហើយកាលពីរសៀលថ្ងៃទី២៧សីហាកន្លងទៅនេះ។
លោកឧត្តមសេនីយ៍ត្រី ស៊ុន សុផាត ស្នងការទទួលផែនប្រឆាំងបទល្មើសនៃស្នងការដ្ឋាននគរបាលខេត្ត បានថ្លែងបញ្ជាក់ថា ក្រោយពីធ្វើការសាកសួរទៅលើជនសង្ស័យទាំង៦២នាក់ និងពិនិត្យរកសារធារតុញៀនតាមរយៈទឹកនោមរួចមក មនុស្សចំនួន៤៧នាក់ ត្រូវបានដោះលែងឱ្យមានសេរីភាពវិញ ឯជនសង្ស័យពាក់ព័ន្ឋចំនួន១៥នាក់ផ្សេងទៀតកំពុងកសាងនិតិវិធីបញ្ជូនខ្លួនទៅកាន់សាលានារសៀលថ្ងៃទី២៧សីហានេះហើយ។
គួរំលឹកផងដែរ មនុស្សចំនួន៦២នាក់ ស្រី១៥នាក់ (ក្នុងនោះរួមមានម្ចាស់អាជីវកម្ម១នាក់ មេការ១នាក់ អ្នកជួញដូរចំនួន១នាក់ និងភ្ញៀវមកកំសាន្តប្រើប្រាស់គ្រឿងញៀននៅក្នុងនោះចំនួន៥៩នាក់ កាលពីរំលងអធ្រាត្រឈានចូលថ្ងៃទី២៦ ខែសីហា ឆ្នាំ២០១៨ បន្ទាប់ធ្វើការស្រាវជ្រាវ និងស៊ើបអង្កេតយ៉ាងល្អិតល្អន់ ក្រោមការសម្របសម្រួលពីលោក កៀង សន្ទរោ ព្រះអាជ្ញាររងអមសាលាដំបូងខេត្តព្រះសីហនុ បញ្ជាដឹកនាំដោយយន្ត មីន្ត និង លោកជួន ណារិន្ទ កម្លាំងការិយាល័យនគរបាលប្រឆាំងគ្រឿងញៀន បានឆ្មក់ចូលក្លិបកំសាន្តមួយកន្លែង ស្ថិតក្នុងក្រុម២៧ ភូមិ៣ សង្កាត់៣ ក្រុងព្រះសីហនុ ខេត្តព្រះសីហនុ ឃាត់ខ្លួនជនសង្ស័យសរុបទាំងអស់ចំនួន៦២នាក់ ស្រី ១៥ នាក់ (ក្នុងនោះរួមមានម្ចាស់អាជីវកម្ម១ នាក់ មេការ១នាក់ អ្នកជួញដូរចំនួន១ និងភ្ញៀវមកកំសាន្តប្រើប្រាស់គ្រឿងញៀនចំនួន៥៩នាក់ នៅក្នុងក្លិបកំសាន្តខារ៉ាអូខេនេះ) ៕
ចែករំលែកព័តមាននេះ