ប្រទេសអាល្លឺម៉ង់ ៖ ក្រុមដោះមីនអាល្លឺម៉ង់មួយក្រុម កាលពីថ្ងៃទី២៦ សីហា បាននាំយកចេញដោយជោគជ័យ គ្រាប់បែកមិនទាន់ផ្ទុះសម័យសង្គ្រាមលោកលើកទី២ មួយគ្រាប់ ក្រោយប្រតិបត្តិការមួយ ដែលនាំឲ្យមានការជម្លៀសមនុស្សចេញដល់ទៅ១៨.៥០០នាក់នៅទីក្រុង LUDWIGSHAFEN។
គ្រាប់បែកទម្លាក់តាមយន្តហោះទម្ងន់៥០០គីឡូក្រាមនេះ ប្រហែលជាទម្លាក់ដោយកងទ័ពអាមេរិក ត្រូវបានរកឃើញនាឱកាសនៃការងារសាងសង់មួយ។ ក្រោយយកគ្រាប់បែកនោះចេញដោយជោគជ័យ ប្រជាជនអាចវិលមកកាន់ផ្ទះសម្បែងវិញ។ ចំណែកអាជ្ញាធរក្រុង LUDWIGSHAFEN បានបង្ហាញរូបភាពនៃគ្រាប់បែកដែលទើបយកចេញពីដីថ្មីៗនោះ។
រយៈពេលមិនដល់១ឆ្នាំផង គ្រាប់បែក៣គ្រាប់ត្រូវបានរកឃើញនៅអាល្លឺម៉ង់។ ហើយរយៈពេលជាង៧០ឆ្នាំ ក្រោយចប់សង្គ្រាមប្រឆាំងអាល្លឺម៉ង់ណាហ្ស៊ី ផ្នែកដោះមីននៅតាមរកគ្រាប់បែក និងគ្រាប់ផ្លោងមិនទាន់ផ្ទុះនៃសម័យកាលនោះ រួចតែងប្រទះឃើញនៅតាមការដ្ឋានសាងសង់ទាំងឡាយ ឬនៅក្នុងព្រៃ តាមចំការ ហើយជួនកាលរកឃើញក្នុងសួនច្បារក៏មាន៕
ចែករំលែកព័តមាននេះ