ខេត្តកំពង់ធំ ៖ ករណីឃាតកម្មចាក់ស្លាប់ម្នាក់ របួសធ្ងន់ម្នាក់ បានបង្កឲ្យមានការផ្អើលឆោឡោឡើងកាលពីវេលាម៉ោង៩នាទីព្រឹក ថ្ងៃទី២៧ សីហា ឆ្នាំ២០១៨ នៅចំណុចភូមិស្វាយស ឃុំកំពង់ចិនត្បូង…
ខេត្តកំពង់ធំ ៖ ករណីឃាតកម្មចាក់ស្លាប់ម្នាក់ របួសធ្ងន់ម្នាក់ បានបង្កឲ្យមានការផ្អើលឆោឡោឡើងកាលពីវេលាម៉ោង៩នាទីព្រឹក ថ្ងៃទី២៧ សីហា ឆ្នាំ២០១៨ នៅចំណុចភូមិស្វាយស ឃុំកំពង់ចិនត្បូង ស្រុកស្ទោង ខេត្តកំពង់ធំ ។
ជនសង្ស័យខាងលើឈ្មោះ អេង វិចត្រ ភេទប្រុស អាយុ៤០ឆ្នាំ (ជាមនុស្សមានសតិមិនគ្រប់) មានទីលំនៅភូមិឃុំកើតហេតុខាងលើ ។ ចំណែកជនរងគ្រោះទាំង២នាក់ដែលត្រូវជាឪពុកនិងកូនរួមមាន ឪពុកឈ្មោះ អុីម ណូ អាយុ៦៩ឆ្នាំ មានទីលំនៅភូមិ ឃុំកើតហេតុ រងរបួសធ្ងន់ ហើយក៏បានស្លាប់ពេលបញ្ជូនដល់មន្ទីរពេទ្យ រីឯកូនប្រុសឈ្មោះ ធារ៉ា អាយុ២៩ឆ្នាំ រងរបួសលើឆ្អឹងជំនីរចំនួន២កន្លែង ។
លោកអធិការរងបន្តថា មុនពេលកើតហេតុ ជនរងគ្រោះទាំងពីរនាក់ឪពុក និងកូននាំគ្នាអង្គុយលេងលើគ្រែនៅមុខផ្ទះរបស់ខ្លួនរួមជាមួយឈ្មោះ ធុច ប៊ុនធូ ភេទប្រុស នៅពេលកំពុងតែជជែកគ្នាលេងនោះ ស្រាប់តែលេចមុខជនសង្ស័យបានជិះម៉ូតូមកឈប់នៅមុខផ្ទះរបស់ជនរងគ្រោះ ហើយដើរចូលទៅជិត រួចក៏ដកកាំបិត.សចុងស្រួចចាក់លើជនរងគ្រោះតែម្តង ហើយក៏ត្រូវបានបងប្អូនប្រជាពលរដ្ឋ ខ្លះមានដំបងនាំគ្នាវាយ និងចាប់ជនសង្ស័យប្រគល់ឲ្យសមត្ថកិច្ច ។
លោកវរសេនីយ៍ទោ វ៉ន សុភ័ណ អធិការរងនគរបាលស្រុកស្ទោង ទទួលផ្នែកព្រហ្មទណ្ឌបានឲ្យដឹងថា ពាក់ព័ន្ធនឹងករណីឃាតកម្មខាងលើនេះបង្កឡើងដោយជនសង្ស័យជាមនុស្សមានសតិមិនគ្រប់ម្នាក់ បានយកកូនកាំបិតចាក់ទៅលើជនរងគ្រោះចំនួន២នាក់ដែលត្រូវជាឪពុកនិងកូន ដោយឪពុកបានរងរបួសធ្ងន់ចំនួន៣កន្លែង ចំដើមដោះខាងស្ដាំមួយកន្លែងប្រវែង៣សង្ទីម៉ែត្រ លើកណ្ដៀតក្អមខាងស្ដាំមួយកន្លែប្រវែង៣សង្ទីម៉ែត្រ និងលើពោះក្រោមចុងដង្ហើមមួយកន្លែងប្រវែង៣សង្ទីម៉ែត្រ បណ្ដាលឱ្យរងរបួសជាធ្ងន់ ហើយត្រូវបានស្លាប់នៅពេលបញ្ជូនដល់មន្ទីរពេទ្យបង្អែកស្ទោង រីឯកូនប្រុសបានរងរបួសលើឆ្អឹងជំនីរចំនួន២កន្លែង ។
អ្នកស្រុកបាននិយាយថា ជនសង្ស័យខាងលើនេះ គឺជាមនុស្សមានសតិមិនគ្រប់អស់រយ:ពេលជាច្រើនឆ្នាំមកហើយ ៕
ចែករំលែកព័តមាននេះ