ខេត្តព្រះសីហនុ ៖ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ នាយស្តីទីសេនាធិការចម្រុះ មេបញ្ជាការស្តីទីកងទ័ពជើងគោកសង្គ្រាមផ្ទៃក្នុងបានចប់ហើយ ក្រោមគោលនយោបាយឈ្នះឈ្នះរបស់សម្តេចតេជោនេះ ជាការថ្លែងក្នុងពិធីបិទវគ្គហ្វឹកហ្វឺនបំប៉នយុទ្ធវិធីថ្មើរជើង…
ខេត្តព្រះសីហនុ ៖ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ នាយស្តីទីសេនាធិការចម្រុះ មេបញ្ជាការស្តីទីកងទ័ពជើងគោកសង្គ្រាមផ្ទៃក្នុងបានចប់ហើយ ក្រោមគោលនយោបាយឈ្នះឈ្នះរបស់សម្តេចតេជោនេះ ជាការថ្លែងក្នុងពិធីបិទវគ្គហ្វឹកហ្វឺនបំប៉នយុទ្ធវិធីថ្មើរជើង ឆ្នាំ២០១៨ ប្រកាសតែងតាំងមុខងារ និងបំពាក់ឋានន្តរសក្តិជូននាយទាហាន តំបន់ប្រតិបត្តិការសឹករង ខេត្តព្រះសីហនុ ។
លោកឧត្តមសេនីយ៍ឯក ហ៊ុន ម៉ាណែតបានពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែនដូចជាពីសំណាក់ថ្នាក់ដឹកនាំក្រសួងការពារជាតិ អគ្គបញ្ជាការ នាយទាហាននាយទាហានរង និងពលទាហានទាំងអស់នៅក្នុងតំបន់ប្រតិបត្តិការសឹករងព្រះសីហនុ ។ សូមថ្លែងអំណរគុណចំពោះការខិតខំប្រឹងប្រែងការលះបង់ពលីកម្មគ្រប់បែបយ៉ាងរបស់យោធិននៅក្នុងយោធភូមិភាគទី៣ និងតំបន់ប្រតិបត្តិការសឹករងព្រះសីហនុក៏ដូចជា លោកអ៊ុំពូមីងដែលជាអតីតយុទ្ធជនអ្វីដែលជាការចូលរួមធ្វើឲ្យមានការរីកចម្រើននៅក្នុងឃុំ នៅក្នុងស្រុក នៅក្នុងខេត្ត និងប្រទេសរបស់យើង គឺបានដោយសារការលះបង់យោធិនយើងគ្រប់ជំនាន់ ។
ការលះបង់របស់ងទ័ពគ្រប់ជំនាន់គ្រប់ភាគីទាំងអស់សុទ្ធតែបានចូលរួមក្នុងការរំដោះជាតិ ការការពារជាតិ ការថែរក្សាសុខសន្តិភាព និងអ្វីៗដែលយើងមានសព្វថ្ងៃនេះសម្រាប់កូនចៅយើងជំនាន់ក្រោយ ។ លោកឧត្តមសេនីយ៍ឯកបន្តថា ឥឡូវយើងបានសេចក្តីសុខហើយ ប៉ុន្តែសេចក្តីសុខអាចមាននិរន្តរភាពដែរ ឬទេ បើសិនជាកងកម្លាំងប្រដាប់អាវុធមិនបានត្រៀមលក្ខណៈក្នុងការថែរក្សាទេនោះ ? សង្គ្រាមផ្ទៃក្នុងបានចប់ហើយ ក្រោមគោលនយោបាយឈ្នះឈ្នះរបស់សម្តេចតេជោ ការឈ្លោះគ្នារវាងខ្មែរ និងខ្មែរបានចប់ហើយ ប៉ុន្តែការការពារជាតិ ការការពារបូរណភាពទឹកដីគ្រប់ទិសទាំងអស់ ការការពារសន្តិសុខផ្ទៃក្នុង ការការពារវិច្ឆេទកម្មប្រឆាំងភារវកម្ម មិនចប់ទេ ភារកិច្ចរបស់យើងត្រូវធ្វើបន្តទៅទៀត ការការពារបូរណភាពទឹកដីការផ្ទេរភារកិច្ចពីជំនាន់មួយទៅជំនាន់មួយយើងត្រូវតែធ្វើ ។
លោកអគ្គមេបញ្ជាការរងថា ការហ្វឹកហ្វឺន គឺសំខាន់ណាស់ពីមួយជំនាន់ទៅមួយជំនាន់ ហើយនាយទាហានជំនាន់ក្រោយៗត្រូវតែមានបទពិសោធន៍ចំណេះដឹងជំនាញ ព្រោះការផ្ទេរកាតព្វកិច្ច ការផ្ទេរភារកិច្ចពីមួយជំនាន់ទៅមួយជំនាន់ត្រូវតែផ្ទេរ សមត្ថភាពភាពចំណេះដឹងជំនាញ ។ ដូច្នេះមានតែការចងក្រងឯកសារ ប្រព័ន្ធសាលា ការរៀបចំយោធាចារ្យបណ្ដុះបណ្ដាល ដើម្បីផ្ទេរចំណេះដឹងជំនាញទៅដល់នេះទាហានជំនាន់ក្រោយ ។
លោកឧត្តមសេនីយ៍ឯក ហ៊ុន ម៉ាណែតក៏បានបន្ថែមថា ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន គឺជាមេដឹកនាំមួយរូបដែលបានយកចិត្តទុកដាក់ចំពោះសុខទុក្ខកងទ័ព លើកស្ទួយជីវភាព និងលើកតម្កើងកិត្តិយសចំពោះកងទ័ព និងអតីតយុទ្ធជនចំពោះគុណបំណាច់នៃការលះបង់របស់កងទ័ពគ្រប់ជំនាន់ក្នុងការចូលរួម និងការបំពេញភារកិច្ចការពារជាតិការពារបូរណភាពទឹកដី តាមរយៈការដំឡើងប្រាក់បៀវត្ស និងការឧបត្ថម្ភផ្សេងៗជាច្រើនទៀត ។ លើសពីនេះជាមោទនភាព ប្រមុខរាជរដ្ឋាភិបាលលើកទឹកចិត្ត និងបង្កលក្ខណៈឲ្យមហាជនគាំទ្រ និងផ្ដល់តម្លៃកងទ័ពតាមរយៈការឧបត្ថម្ភគាំទ្រដល់កងទ័ព និងអតីតយុទ្ធជន ។ ការងារស្នូលរបស់កងយោធពលខេមរភូមិន្ទ គឺត្រៀមលក្ខណៈការពារជាតិរបស់យើងហេតុដូច្នេះសូមឲ្យនាយទាហាននាយទាហានរង និងពលទាហានទាំងអស់ស្មោះត្រង់ដាច់ខាតចំពោះជាតិ សាសនាព្រះមហាក្សត្រ ប្ដេជ្ញាការពាររដ្ឋធម្មនុញ្ញ ព្រះមហាក្សត្រ រាជរដ្ឋាភិបាលស្របច្បាប់ដែលចេញពីការបោះឆ្នោត ។
លោកថា យើងត្រូវបន្តអនុវត្តឲ្យបានម៉ឺងម៉ាត់នូវអនុសាសន៍របស់ប្រមុខរាជរដ្ឋាភិបាល ថ្នាក់ដឹកនាំក្រសួងការពារជាតិ បទបញ្ជារបស់អគ្គបញ្ជាការ បទបញ្ជារបស់កងទ័ពឲ្យបានខ្ជាប់ខ្ជួន ការពារអធិបតេយ្យភាពប្រទេសជាតិ ការពារសុខសន្តិភាពស្ថិរភាព ទប់ស្កាត់ឲ្យទាន់ពេលវេលា ចំពោះបក្សពួកដែលបង្កចលនាបំពុលសភាពការណ៍សង្គម ជាពិសេសរំលោភរដ្ឋធម្មនុញ្ញ បំផ្លាញសុខសន្តិភាពស្ថិរភាពសង្គម ។ បង្កើនការយកចិត្តទុកដាក់ទទួលខុសត្រូវ និងភាពជាគំរូក្នុងការបំពេញការងារឲ្យបានជោគជ័យ ។
លោកហ៊ុន ម៉ាណែតបន្ថែមថា យើងទាំងអស់គ្នាត្រូវតែចងចាំ និងប្ដេជ្ញាអនុវត្តឲ្យបានខ្ជាប់ខ្ជួនតាមប្រសាសន៍របស់សម្ដេចតេជោ ទោះបីក្នុងតម្លៃណាក៏ដោយកម្ពុជាត្រូវតែការពារឲ្យបានដាច់ខាតសុខសន្តិភាពស្ថិរភាព និងការអភិវឌ្ឍដែលកំពុងតែមានដូចសព្វថ្ងៃនេះនិងមិនអនុញ្ញាតឲ្យជនណាម្នាក់បំផ្លាញសុខសន្តិភាព ស្ថិរភាព និងសមិទ្ធផលបានជាដាច់ខាត ៕
ចែករំលែកព័តមាននេះ