អាចម៌ផ្កាយយក្សនឹងមកកៀកផែនដីអាចបង្កគ្រោះថ្នាក់?
ដុំផ្កាយយក្សឈ្មោះ «2016 NF23» កំពុងគោចរមកកៀកផែនដីក្នុងចម្ងាយប្រហែល៤,៨លានគីឡូម៉ែត្រ ឬ១៣ដងនៃរយៈចម្ងាយពីផែនដីទៅភពព្រះចន្ទ នៅថ្ងៃទី២៩ សីហា ២០១៨ ។ អាចម៌ផ្កាយនេះ…
ដុំផ្កាយយក្សឈ្មោះ «2016 NF23» កំពុងគោចរមកកៀកផែនដីក្នុងចម្ងាយប្រហែល៤,៨លានគីឡូម៉ែត្រ ឬ១៣ដងនៃរយៈចម្ងាយពីផែនដីទៅភពព្រះចន្ទ នៅថ្ងៃទី២៩ សីហា ២០១៨ ។ អាចម៌ផ្កាយនេះ មានល្បឿន៣២.៤០០គីឡូម៉ែត្រក្នុងមួយម៉ោង ។
អង្គការគប់គ្រងការហោះហើរ និងអវកាសសហរដ្ឋអាមេរិក (NASA) បញ្ជាក់ថា «2016 NF23» មានទំហំពី៧០ទៅ១៦០ម៉ែត្រ ឬធំជាងពីរ៉ាមីតគីហ្សា «Giza» នៅអេហ្ស៊ីប មានកម្ពស់ស់១៣៨,៨ម៉ែត្រ ។ ចាត់ទុកថា អាចបង្កគ្រោះថ្នាក់ ព្រោះចូលមកកៀកផែនដីជិតជាង០,០៥តារាសាស្ត្រប្រហែល៧លានគីឡូម៉ែត្រ ។
របាយការណ៍បញ្ជាក់ថា អាចម៌ផ្កាយនេះនឹងចូលមកកៀកផែនដី ប៉ុន្តែមិនបានបុកផែនដីទេ។ ហើយកាលពីឆ្នាំ២០១៣ ក៏ធ្លាប់មានអាចម៌ផ្កាយតូចមួយបានមកបុកស្រទាប់បរិយាកាសផែនដីនៅលើក្រុងមួយនៅប្រទេសរុស្ស៊ី កម្លាំងទង្គិចធ្វើឲ្យកញ្ចក់អគារបែក និងពលរដ្ឋប្រហែល១.៥០០នាក់រងរបួស ៕
ចែករំលែកព័តមាននេះ