ខេត្តកណ្តាល ៖ បុរស២នាក់ស្លាប់ភ្លាមៗនៅកន្លែងកើតហេតុ ក្នុងករណីគ្រោះថ្នាក់ចរាចរណ៍រថយន្តបើកបុកជាមួយម៉ូតូក្នុងទិសដៅបញ្ច្រាសទិសគ្នា ។ កាលពីវេលាម៉ោង២២និង៥០នាទីថ្ងៃទី២៦ ខែសីហា ឆ្នាំ២០១៨ លើកំណាត់ផ្លូវជាតិលេខ៥ នៅចន្លោះគីឡូម៉ែត្រលេខ៣៣-៣៤…
ខេត្តកណ្តាល ៖ បុរស២នាក់ស្លាប់ភ្លាមៗនៅកន្លែងកើតហេតុ ក្នុងករណីគ្រោះថ្នាក់ចរាចរណ៍រថយន្តបើកបុកជាមួយម៉ូតូក្នុងទិសដៅបញ្ច្រាសទិសគ្នា ។ កាលពីវេលាម៉ោង២២និង៥០នាទីថ្ងៃទី២៦ ខែសីហា ឆ្នាំ២០១៨ លើកំណាត់ផ្លូវជាតិលេខ៥ នៅចន្លោះគីឡូម៉ែត្រលេខ៣៣-៣៤ ស្ថិតក្នុងភូមិធ្យូង ឃុំវិហារលួង ស្រុកពញាឮ ខេត្តកណ្តាល ។
នគរបាលស្រុកពញាឮបានឲ្យដឹងថា នៅថ្ងៃខែឆ្នាំវេលាម៉ោងកើតហេតុខាងលើមានរថយន្តមួយគ្រឿង ពណ៌ស ពាក់ស្លាកលេខ ភ្នំពេញ 2K-3323 បើកបរដោយជនមិនស្គាល់អត្តសញ្ញាណរត់គេចខ្លួនបាត់ក្នុងទិសដៅពីត្បូងទៅជើង លុះពេលបើកបរមកដល់ចំណុចកើតហេតុខាងលើបានបុកជាមួយម៉ូតូមួយគ្រឿងពេញទំហឹងដែលកំពុងបើកបរមានទិសដៅបញ្ច្រាសគ្នាពីជើងទៅត្បូង ពណ៌ខ្មៅ ពាក់ស្លាកលេខ កណ្ដាល 1J-5371 បើកបរដោយឈ្មោះ ប៊ិម ចន្ថា ភេទប្រុស អាយុ២៥ឆ្នាំ មានទីលំនៅភូមិធ្យូង ឃុំវិហារលួង ស្រុកពញាឮ ខេត្តកណ្ដាល និងអ្នករួមដំណើរពីក្រោយឈ្មោះ ចាប គឹមហេង អាយុ១៨ឆ្នាំ មានទីលំនៅភូមិ-ឃុំជាមួយគ្នា បណ្តាលឲ្យអ្នកទាំង២ស្លាប់ភ្លាមៗនៅកន្លែងកើតហេតុយ៉ាងអាណោចអាធម៌ ។
បន្ទាប់ពីទទួលបានព័ត៌មានភ្លាមនគរបាលជំនាញស្រុកពញាឮចុះដល់កន្លែងកើតហេតុធ្វើកំណត់ហេតុវាស់វែងកន្លែងកើតហេតុ រួចសពជនរងគ្រោះទាំង២នាក់សមត្ថកិច្ចប្រគល់ជូនក្រុមគ្រួសារយកធ្វើបុណ្យតាមប្រពៃណី ។
ចំណែកមធ្យោបាយពាក់ព័ន្ធយកទៅរក្សាទុកបណ្តោះអាសន្ននៅអធិការដ្ឋាននគរបាលស្រុកពញាឮ កសាងសំណុំតាមនីតិវិធីច្បាប់ ៕
ចែករំលែកព័តមាននេះ