ក្រសួងអប់រំ ព្រមានអ្នកលេងហ្វេសប៊ុកដែលបង្ហោះ…
- ភ្នំពេញ
រាជធានីភ្នំពេញ ៖ ក្រសួងអប់រំ យុវជន និងកីឡា នៅថ្ងៃទី២៧ សីហា នេះ បានចេញសេចក្តីប្រកាសព័ត៌មាន ព្រមានដល់ម្ចាស់គណនីហ្វេសប៊ុកឯកជនមួយចំនួន…
រាជធានីភ្នំពេញ ៖ ក្រសួងអប់រំ យុវជន និងកីឡា នៅថ្ងៃទី២៧ សីហា នេះ បានចេញសេចក្តីប្រកាសព័ត៌មាន ព្រមានដល់ម្ចាស់គណនីហ្វេសប៊ុកឯកជនមួយចំនួន…
រាជធានីភ្នំពេញ ៖ ក្រសួងអប់រំ យុវជន និងកីឡា នៅថ្ងៃទី២៧ សីហា នេះ បានចេញសេចក្តីប្រកាសព័ត៌មាន ព្រមានដល់ម្ចាស់គណនីហ្វេសប៊ុកឯកជនមួយចំនួន ដែលបានបង្ហោះចែករំលែកវិញ្ញាសា និងអត្រាកំណែ
មុខវិជ្ជានៃការប្រឡងសញ្ញបត្រធម្យមសិក្សាចំណេះទូទៅ និងបំពេញវិជ្ជា នាសម័យប្រឡងថ្ងៃទី២០ សីហា ឆ្នាំ២០១៨ ឱ្យបញ្ឈប់នូវសកម្មភាពទាំងនេះជាបន្ទាន់ បើមិនដូច្នេះទេ ក្រសួងនឹងសហការជាមួយសមត្ថកិច្ចស្រាវជ្រាវ និងចាត់វិធានការតាមផ្លូវច្បាប់ ។
សេចក្តីប្រកាសរបស់ក្រសួងបានឲ្យដឹងថា ការបង្ហោះ និងចែកចាយនូវរឿងទាំងនេះ គឺកើតមានថ្មីៗក្នុងទំព័របណ្តាញសង្គមហ្វេសប៊ុក និងអ្នកប្រើប្រាស់គណនីឯកជន ដែលក្រសួងចាត់ទុក «ទង្វើនេះ បានបង្កឲ្យជះឥទ្ធិពលយ៉ាងធ្ងន់ធ្ងរ ដល់ដំណើរប្រព្រឹត្តទៅនៃការប្រឡង ដែលកំពុងប្រព្រឹត្តទៅយ៉ាងរលូន ដោយគោរពតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន» ។
សេចក្តីប្រកាសរបស់ក្រសួងអប់រំដដែលបានបញ្ជាក់ថា៖ «ប្រសិនបើសកម្មភាពចែករំលែករាល់វិញ្ញាសា
និងអត្រាកំណែនៅតែបន្តក្នុងរយៈពេលដំណើរកំណែការស្រង់ បូកពិន្ទុដោយកុំព្យូទ័រ ផ្ទៀងផ្ទាត់ពិន្ទុ មុនការប្រកាសលទ្ធផលផ្លូវការ មិនទាន់ត្រូវបានបញ្ចប់ ក្រសួងនឹងសហការជាមួយសហការជាមួយស្ថាប័នមានសមត្ថកិច្ចពាក់ព័ន្ធ ក្នុងការស្វែងរកម្ចាស់ទំព័រ ឬគណនីហ្វេសប៊ុកទាំងនេះ មកទទួលខុសត្រូវនូវទង្វើរបស់ខ្លួនតាមផ្លូវច្បាប់យ៉ាងតឹងរុឹងបំផុត» ៕
ចែករំលែកព័តមាននេះ