ខេត្តបាត់ដំបង ៖ មន្ត្រីនៃការិយាល័យព្រហ្មទណ្ឌកំរិតស្រាលបានបញ្ជូនជនទំនើងម្នាក់ ទៅកាន់សាលា ដំបូងខេត្ត កាលពីរសៀលថ្ងៃទី២៦ សីហា ដែលជាប់សង្ស័យពីបទហិង្សាទៅលើយុវជនម្នាក់ បណ្តាលឱ្យរងរបួសធ្ងន់ កាលពីអំឡុងខែកក្កដា…
ខេត្តបាត់ដំបង ៖ មន្ត្រីនៃការិយាល័យព្រហ្មទណ្ឌកំរិតស្រាលបានបញ្ជូនជនទំនើងម្នាក់ ទៅកាន់សាលា
ដំបូងខេត្ត កាលពីរសៀលថ្ងៃទី២៦ សីហា ដែលជាប់សង្ស័យពីបទហិង្សាទៅលើយុវជនម្នាក់ បណ្តាលឱ្យរងរបួសធ្ងន់ កាលពីអំឡុងខែកក្កដា កន្លងទៅថ្មីៗនេះ។
ជនសង្ស័យឈ្មោះ រុំ ផៃរ៉ាត់ ហៅខេន អាយុ១៦ឆ្នាំ នៅភូមិវត្តលៀប សង្កាត់ចំការសំរោង ក្រុងបាត់ដំបង។ សមត្ថកិច្ចបានឲ្យដឹងថា យុវជនឈាមរាវរូបនេះ បានប្រើកាំបិតកាប់ទៅលើយុវជនម្នាក់ទៀតឈ្មោះផៃ
សុបញ្ញា អាយុ១៦ឆ្នាំ នៅភូមិអង់ សង្កាត់អូរចា ក្រុងបាត់ដំបង ត្រូវចំក្បាលបណ្ដាលឲ្យរងរបួសជាទម្ងន់ នៅក្នុងជម្លោះដ៏ឃោរឃៅមួយ កាលពីថ្ងៃទី២០ កក្កដា កន្លងទៅ ស្ថិតនៅចំណុចរង្វង់មូលព្រះនរាយ ក្នុងក្រុងបាត់ដំបង ។
ក្រោយពីបង្កហិង្សា ជនដៃដលបានរត់គេចខ្លួន លុះជននេះបង្ហាញខ្លួនវិញ ទើបកម្លាំងការិយាល័យជំនាញ ឃាត់ខ្លួនបាន នៅវេលាម៉ោង១១ និង៣០នាទីយប់ថ្ងៃទី២៤ សីហា នៅចំណុចភូមិជ្រៃកោង សង្កាត់ស្លាកែត ក្រុងបាត់ដំបង ដោយអនុវត្តតាមដីកាបញ្ជាឱ្យចូលខ្លួនរបស់លោកប៉ង់ ចាន់សុយុទ្ធារា ព្រះរាជអាជ្ញារងអមសាលាដំបូងខេត្តផងដែរ ។
មន្ត្រីការិយាល័យជំនាញបានប្រាប់ថា ពេលនេះកម្លាំងជំនាញបានបញ្ជួនខ្លួនជនសង្ស័យរូបនេះទៅកាន់សាលាដំបូងខេត្ត ដើម្បីចាត់ការតាមនីតិវិធី ។
ចែករំលែកព័តមាននេះ