ខេត្តកំពង់ចាម ៖ ការបង្កើតច្រកចេញចូលតែមួយពិតជាមានអត្ថប្រយោជន៍ដ៏សំខាន់ ហើយសម្រាប់
សេវាវិញរហ័សទាន់ចិត្ត និងបំបាត់នូវអំពើពុករលួយថែមទៀតផង ។
អនុវត្តន៍តាមការណែនាំរបស់លោកអភិបាលខេត្តរហូតមកដល់ព្រឹកថ្ងៃទី២៦ សីហា ២០១៨ សម្រេចបានក្នុងនោះមានដូចជា ១-ក្រុងកំពង់ចាម ២-ក្រោយសាលាខេត្ត ៣-ជើងព្រៃ ៤-ស្រុកកំពង់សៀម តាមការប្តេជ្ញាចិត្តរបស់អាជ្ញាធរខេត្តនៅ២០២០ខាងមុខ នឹងឲ្យសម្រេចបាន១០០ភាគរយ មាននៅគ្រប់ស្រុក-ក្រុងទាំង១០ ។
លោក អូត ឈាងលី អភិបាលស្រុកជើងព្រៃបានឲ្យដឹងថា ការបង្កើតនូវអគារច្រកចេញចូលតែមួយ
នេះនៅក្នុងស្រុករបស់លោក ដោយបានដំណើរការនៅថ្ងៃទី០៤ ធ្នូ ២០១៧ ដែលរហូតមកដល់ពេល
នេះបានទទួលសេវាពីប្រជាពលរដ្ឋចំនួន២.៥៦៧សេវាហើយ ។ ហើយការបង្កើតច្រកចេញចូលតែមួយនេះមានអត្ថប្រយោជន៍ច្រើន ដោយបានចំណាយពេលវេលាលឿនជាមួយនោះមន្ត្រីរបស់លោកចាំទទួលបម្រើសេវាដោយក្តីរីករាយទៀតផង ។
លោកអភិបាលស្រុកជើងព្រៃបន្តថា នាពេលកន្លងទៅមានប្រជាពលរដ្ឋយកឯកសានានាមកធ្វើនៅសា
លាស្រុកដោយបានចំណាយពេលរហូតដល់ទៅ០៥ថ្ងៃទើបរួចរាល់ ។ ក្រោយពីបានបង្កើតនូវការិ
យាល័យច្រកចេញចូលតែមួយមកដូចជា ស្លាកលេខម៉ូតូដែលពលរដ្ឋទៅទិញអូសពីឃ្លាំងយកមកធ្វើ
ស្លាកលេខយ៉ាងច្រើន ចំណាយពេលត្រឹមតែ០២ម៉ោងនឹងរួចរាល់ ។ ផ្អែកតាមការណែនាំរបស់លោក
គួច ចំរើន អភិបាលខេត្ត ក្រោយពីបានបង្កើតការិយាល័យនេះមន្ត្រីបានចុះទៅផ្សព្វផ្សាយដល់អាជីវករ
លក់ដូរនៅផ្សារស្គន់ ស្រុកជើងព្រៃ ឲ្យបានដឹង និងបានផ្សព្វផ្សាយតាមគ្រប់បណ្តាឃុំផងដែរ ។ ជាមួយនោះរូបលោកសូមអំពាវនាវដល់ពលរដ្ឋក្នុងស្រុកជើងព្រៃទាំងមូលដែលមិនទាន់ទទួលយកសេវានោះសូមនាំគ្នាមកទំនាក់ទំនងទៅច្រកចេញចូលតែមួយ ដោយមានសេវារហ័សទាន់ចិត្ត ហើយនឹងបំបាត់នូវអំពើពុករលួយថែមទៀតផង ព្រោះថា ការយកអ្វីមួយស្ថិតនៅលើតារាងតម្លៃដែលបានកំណត់ ។
លោកគួច ចំរើន អភិបាលខេត្តមានប្រសាសន៍ឲ្យដឹងនៅព្រឹកថ្ងៃទី២៦ សីហា ២០១៨ ថា ច្រកចេញចូលតែមួយនេះនៅឆ្នាំ២០១៨ បានបង្កើតនៅស្រុកកំពង់សៀម ឆ្នាំ២០១៩ បង្កើត៣ស្រុក និងឆ្នាំ២០២០ បង្កើតបន្ថែមចំនួន០៤ស្រុកទៀត នោះនឹងមាននៅគ្រប់ស្រុក-ក្រុងទាំង១០ ។ ជាមួយនោះបើពលរដ្ឋនៅក្នុងខេត្តមានបំណងធ្វើអ្វីមួយ សូមទាក់ទងមកសាលាខេត្ត គឺមានច្រកចេញចូលតែមួយហើយដែរ ៕
ចែករំលែកព័តមាននេះ