ឃាត់ខ្លួនជនសង្ស័យម្នាក់ ពីបទហិ.ង្សាដោយចេតនា
- មណ្ឌលគិរី
ខេត្តមណ្ឌលគិរី ៖ នគរបាលខេត្តមណ្ឌលគិរីបានឲ្យដឹងថា នៅវេលាម៉ោង១១យប់ ថ្ងៃទី២៤ ខែសីហា ឆ្នាំ២០១៨ កម្លាំងអធិការដ្ឋាននគរបាលស្រុកពេជ្រាដា បានឃាត់ខ្លួនជនសង្ស័យឈ្មោះ ឈុំ…
ខេត្តមណ្ឌលគិរី ៖ នគរបាលខេត្តមណ្ឌលគិរីបានឲ្យដឹងថា នៅវេលាម៉ោង១១យប់ ថ្ងៃទី២៤ ខែសីហា ឆ្នាំ២០១៨ កម្លាំងអធិការដ្ឋាននគរបាលស្រុកពេជ្រាដា បានឃាត់ខ្លួនជនសង្ស័យឈ្មោះ ឈុំ ភា ភេទប្រុស អាយុ៣១ឆ្នាំ ជនជាតិខ្មែរ ដែលបានប្រព្រឹត្តអំពើហិង្សាដោយចេតនាកាលពីថ្ងៃទី២២ សីហា ២០១៨ រួចរត់គេចខ្លួន។ លោកឧត្តមសេនីយ៍ត្រី សូ សុវណ្ណ ស្នងការរងនគរបាលខេត្តបាន ឲ្យដឹងថា«បច្ចុប្បន្នជនសង្ស័យត្រូវបានឃាត់ខ្លួន ដើម្បីកសាងសំណុំរឿងទៅសាលាដំបូងខេត្តតាមនីតិវិធី»។
លោកឧត្តមសេនីយ៍ត្រីបន្តថា «កាលពីថ្ងៃទី២២ សីហា ឆ្នាំ២០១៨ វេលាម៉ោង៩ និង៣០នាទីយប់ នៅចំណុចភូមិពូតាង ឃុំពូជ្រៃ ស្រុកពេជ្រាដា មានករណីបង្ករបួសស្នាមដោយជនសង្ស័យបានចាក់ជនរងគ្រោះនឹងពន្លាកចៀរជ័រកៅស៊ូត្រូវចំ.ក របស់ជនរងគ្រោះបណ្តាលឲ្យរបួសធ្ងន់។ ក្រោយធ្វើសកម្មភាពជនបង្កបានរត់គេចខ្លួនបាត់អស់ពីរថ្ងៃទើបឃាត់ខ្លួនបាន ចំណែកវត្ថុតាងដែលចាក់ជនរងគ្រោះ គេបានយកទៅបោះចូលទឹកអូរ»។ ជនសង្ស័យជា កម្មករចៀរជរ័កៅស៊ូទីកន្លែងកំណើត ភូមិជ័យពក ឃុំជ័យពក ស្រុកព្រះស្តេច ខេត្តព្រៃវែង។
បច្ចុប្បន្នស្នាក់ភូមិ ឃុំកើតហេតុខាងលើ។ ចំណែកជនរងគ្រោះឈ្មោះ ស៊ុំ ងឿន ភេទប្រុស អាយុ២៥ឆ្នាំ ជនជាតិខ្មែរ មុខរបរកម្មករចៀរជ័រ ទីកន្លែងកំណើតភូមិបុស្ស ឃុំរូង ស្រុកមេមត់ ខេត្តត្បូងឃ្មុំ ត្រូវបានបញ្ចូន ទៅព្យាបាលនៅមន្ទីរពេទ្យបង្អែកខេត្តមណ្ឌលគិរី ។ ក្នុងករណីនេះ លោក សូ សុវណ្ណ បានបញ្ជាក់ថា «មូលហេតុបណ្តាលមកពី ផឹកស៊ីជាមួយគ្នាពេលស្រវឹងស្រាក៏កើតទំនាស់ពាក្យសម្តីគ្នាឈានដល់ប្រើអំពើហិង្សាតែម្តង»។ បច្ចុប្បន្នជនសង្ស័យត្រូវបានឃាត់ខ្លួន ដើម្បីកសាងសំណុំរឿងទៅសាលាដំបូងខេត្តតាមនីតិវិធី៕
ចែករំលែកព័តមាននេះ