អ្នកតំណាងមច្ឆាទេព បន្តជួយស្រោចស្រង់អ្នកមានជំងឺ
- កំពត
ខេត្តកំពត ៖ លោកតា អ៊ិន ម៉ាប់ មានអាយុ៦៨ឆ្នាំ នៅភូមិកោះខ្លូត ឃុំឡំកំពង់ត្រាចខាងកើត ស្រុកកំពង់ត្រាច ខេត្តកំពត។…
ខេត្តកំពត ៖ លោកតា អ៊ិន ម៉ាប់ មានអាយុ៦៨ឆ្នាំ នៅភូមិកោះខ្លូត ឃុំឡំកំពង់ត្រាចខាងកើត ស្រុកកំពង់ត្រាច ខេត្តកំពត។ នៅតែបន្តជួយស្រោចស្រង់អាយុជីវិតប្រជាពលរដ្ឋអ្នកដែលមានជំងឺមកពីគ្រប់ ខេត្តក្រុង ដែលមានជំនឿជឿជាក់ទៅលើបារមីព្រះមាតាមច្ឆាទេព។ លោកតា អ៊ិត ម៉ាប់ ជាអ្នកស្នងរូប ព្រះមាតាមច្ឆាទេពបាននិយាយរៀបរាប់អឲ្យដឹងថា ក្នុងឆ្នាំ១៩៨៥ គឺគាត់ជាអ្នកសម្ដែងសិល្បៈល្ខាន បាសាក់លោកជាអ្នកដើរតួឯកគឺក្រុមវង់ល្ខោនយាយគយដែលមានឈ្មោះល្បីនៅក្នុងស្រុកកំពង់ត្រាចរហូតមកដល់ឆ្នាំ១៩៩០ក្រុមល្ខោនបាសាក់ចាប់បាត់គេឈ្មោះបណ្ដើរៗ។
លោកតា អ៊ិត ម៉ាប់ និយាយរឿងខ្សែ ជីវិតរបស់លោកវែងឆ្ងាយណាស់។ ទោះជាបែបណាលោកតា អ៊ិត ម៉ាប់ និយាយថា ជីវិតរបស់លោកដូច ក្រីក្រកម្សត់ដូចក្នុងរឿងល្ខោនដែលគាត់បានសម្ដែងជាតួឯកអីចឹង។ ហើយគាត់ជិះទូកទៅដាក់មងជាប្រចាំ នៅព្រែកកំពង់ត្រាច។ ស្រាប់តែថ្ងៃមួយត្រីមួយក្បាលចម្លែកបំផុតជាប់មងរបស់គាត់ ហើយត្រីនោះក៏គ្មាន អ្នកណាហ៊ានទិញដែរម្នាក់នៅផ្សារស្រុកកំពង់ត្រាចបានតែត្រឹមភ្ញាក់ផ្អើលមើលតែប៉ុណ្ណោះ។
ដោយសារតែគ្មានអ្នកហានទិញគាត់ក៏បានយកត្រីមួយក្បាលនោះមកប្រស់ក្នុងអាងទឹកតូចមួយហើយមនុស្សម្នាចាប់ផ្ដើមមកបែរបន់រហូតដល់លោកតា អ៊ិត ម៉ាប់ សុបិនឃើញបារមីត្រីនោះមកប្រាប់មន្តអាគមន៍ ល្អៗគាត់់ក៏ចាប់ទឹកមន្តរបស់ត្រីនោះឲ្យអ្នកជំងឺផឹកសក្ដិសិទ្ធរហូតមានគេជំនឿមកដល់សព្វថ្ងៃ។ លោកតា អ៊ិត ម៉ាប់ និយាយថា ត្រីដែលជាព្រះមាតាមច្ឆាទេពនោះវាងាប់បាត់ទៅហើយនៅតែព្រលឹងមច្ឆាទេពទេ ដែលអាចមកសណ្ឋិតលើរូបគាត់។
លោកតា អ៊ិត ម៉ាប់ និយាយថា គាត់មិនមានអ្វីលាក់បាំងទេ គាត់មើលជំងឺនេះពលរដ្ឋមកស្រុកខេត្តឆ្ងាយៗណាស់ គេជិះរថយន្តមកដល់ផ្ទះហើយក៏មិនបង្កប់ ទ្រនឹបដល់អ្នកជំងឺដែរ។ បងស្រី សេង សុខុន អាយុ៣២ឆ្នាំ នៅភូមិរមន់ ឃុំបឹងត្រាញ់ ស្រុកសំរោង ខេត្តតាកែវ និយាយថា កូនស្រីគាត់មានអាយុ២ឆ្នាំពិការភ្នែកទាំងសងខាង គាត់បានយកកូនគាត់ឲ្យ លោកតា អ៊ិត ម៉ាប់ មើល តែមិនទាន់ដឹងថា យ៉ាងណាទេព្រោះទើបតែមកដល់។ ។
បងស្រី ភួង ផល្លី អាយុ៣៨ឆ្នាំ និយាយថា គាត់កើតជំងឺគីស្ត និងរោគស្ត្រីផ្សេងទៀតតែឥឡូវគាត់ជាហើយ។ កាលមុនគាត់មិនជឿទេ តែសម្រាប់ពេលនេះគាត់មានជំនឿមកលើលោកតាមច្ឆាទេព។ អបិយជំនឿតែងតែកើតមានហូរហែគ្រប់ទីកន្លែងគ្រាន់តែគ្រូខ្លះជាគ្រូបោកប្រាស់តែប៉ុណ្ណោះ។ ប៉ុន្តែអ្នកដែលគេជឿនោះគេបានជានារោគាទាំងឡាយនៅក្នុងរាងកាយទោះបីនៅខេត្តឆ្ងាយក៏គេស្វែងរកគ្រូទាល់តែឃើញ៕
https://youtu.be/sa1rV-yB9JM
ចែករំលែកព័តមាននេះ