រឿងសំរាមបើចិត្តមិនដាច់ទេ ធ្វើមេដល់ណាទៀត?
- ស្វាយរៀង
ខេត្តស្វាយរៀង ៖ ប្រជាពលរដ្ឋបានខឹងសម្បារក្រុមហ៊ុនហាយហ្រិតដែលទទួលម៉ៅការប្រមូលសំរាមមិនងាយមកប្រមូលសំរាមទុកឲ្យសំរាមស្អុយរលួយជះក្លិនអាសោច ប៉ះពាល់ដល់សុខភាពប្រជាពលរដ្ឋក៏ដូចអ្នកធ្វើដំណើរតាមដងផ្លូវ ទោះបីជាមានការណែនាំពីសំណាក់អាជ្ញាធរក្រុងបាវិតជាច្រើនលើកច្រើនយ៉ាងណាក៏ដោយ ក៏ក្រុមហ៊ុនប្រមូលសំរាមនៅក្រុងបាវិតនៅតែមានការយឺតយ៉ាវក្នុងការប្រមូលសំរាមដដែលពោល គឺទុកសំរាមតាំងពិពណ៌ស្អុយរលួយមានក្លិនអាសោចបែកអេចបែកម៉ាំចេញទឹក និងស្ទើរតែកើតដង្កូវទៅហើយ ។ ផ្ទុះការខឹងសម្បារនេះកើតឡើងនៅថ្ងៃទី២៦…
ផ្ទុះការខឹងសម្បារនេះកើតឡើងនៅថ្ងៃទី២៦ សីហា ២០១៨ ដោយសំណូមពរឲ្យអាជ្ញាធររឹតបន្តឹងដល់ក្រុមហ៊ុនហាយហ្រីតឲ្យមកប្រមូលសំរាមឲ្យអស់កុំទុកចោលតាមដងផ្លូវបែបនេះ ទី១ – ជះក្លិនស្អុយអាសោចប៉ះពាល់សុខភាពប្រជាពលរដ្ឋ ទី២- ខ្មាស់ភ្ញៀវទេសចរណ៍ គ្មានអនាម័យឯណាទៅទីក្រុងស្អាតនោះ ។
ដោយប្រជាពលរដ្ឋរស់នៅតំបន់នោះបានលើកឡើងថាទោះបីជាមានអ្នកមកប្រមូលសំរាមដាក់លើរថយន្តក៏ដោយ គឺគេយកតែសំរាមស្រាលៗ រីឯសំរាមធ្ងន់ៗនៅដដែល ។
ភ្ញៀវទេសចរណ៍ជាតិ និងអន្តរជាតិដែលធ្វើដំណើរតាមដងផ្លូវលេខ១ឆ្ពោះទៅកាន់ច្រកទ្វារព្រំដែនអន្តរជាតិបាវិតរិះគន់ថា អាជ្ញាក្រុងគ្មានសមត្ថភាព ។
បើតាមពលរដ្ឋម្នាក់នៅភូមិតាបឹបសង្កាត់បានឲ្យដឹងថា ចំពោះសំរាមនៅមុខផ្ទះរបស់គាត់មិនសូវដែលឃើញមានអ្នកមកយកនោះទេយូរៗទើបមកយកម្តង ហើយយកមិនអស់ទៀតទុកនៅខ្លះ ទាល់តែឲ្យលុយក្រៅពី៤០០០រៀល ទៅ៥០០០រៀលបានយកអស់ ។
អ្នកក្រុងបាវិតបាននិយាយថា គួរបញ្ឈប់ក្រុមហ៊ុននេះចោលទៅ មិនខ្វះទេក្រុមហ៊ុនដែលចង់រកស៊ីបែបនេះ ឬមួយចៅហ្វាយក្រុងបាវិតចិត្តមិនដាច់ ? ៕
ចែករំលែកព័តមាននេះ