ខេត្តកណ្ដាល៖ បុរសម្នាក់បានចតម៉ូតូ១គ្រឿងនៅមុខផ្ទះដោយមិនបាន ដកសោរចេញឡើយ បន្ទាប់មកបានចូលទៅក្នុងផ្ទះស្ងោរមាន់ដើម្បីសែនក្បាលទឹក ពេលនោះស្រាប់តែជនសង្ស័យម្នាក់ចូលទៅធ្វើសកម្ម ភាពលួចយកម៉ូតូនោះជិះគេចខ្លួន ប៉ុន្តែត្រូវប្រពន្ធម្ចាស់ម៉ូតូឃើញទាន់ក៏ស្រែកឆោឡោថា ចោរៗ បង្កការភ្ញាក់ផ្អើល ហើយបុរសជាម្ចាស់ម៉ូតូរួមនិងប្រជាពលរដ្ឋនាំគ្នាដេញតាមចាប់បានភ្លាមៗតែម្ដង…
ខេត្តកណ្ដាល៖ បុរសម្នាក់បានចតម៉ូតូ១គ្រឿងនៅមុខផ្ទះដោយមិនបាន ដកសោរចេញឡើយ បន្ទាប់មកបានចូលទៅក្នុងផ្ទះស្ងោរមាន់ដើម្បីសែនក្បាលទឹក ពេលនោះស្រាប់តែជនសង្ស័យម្នាក់ចូលទៅធ្វើសកម្ម
ភាពលួចយកម៉ូតូនោះជិះគេចខ្លួន ប៉ុន្តែត្រូវប្រពន្ធម្ចាស់ម៉ូតូឃើញទាន់ក៏ស្រែកឆោឡោថា ចោរៗ បង្កការភ្ញាក់ផ្អើល ហើយបុរសជាម្ចាស់ម៉ូតូរួមនិងប្រជាពលរដ្ឋនាំគ្នាដេញតាមចាប់បានភ្លាមៗតែម្ដង ព្រមទាំងដកហូតបានម៉ូតូមកវិញផងដែរ។ ហេតុការណ៍នេះបានកើតឡើងកាលពីវេលាម៉ោង៨និង៣០នាទីព្រឹក ថ្ងៃទី២៥ ខែសីហា ឆ្នាំ២០១៨នៅក្នុង ភូមិត្រពាំងក្រពើ ឃុំក្រាំងម្កាក់ ស្រុកអង្គស្នួល ខេត្តកណ្តាល។
ជនសង្ស័យខាងលើឈ្មោះសេង ពិសិដ្ឋ អាយុ៣១ឆ្នាំ មុខរបរមិនពិតប្រាកដ មានទីលំនៅក្នុងភូមិទួលសុភី ឃុំទួលសុភី ស្រុកអូរាំងឪ ខេត្តត្បូងឃ្មុំ បានធ្វើសកម្មភាពលួចយកម៉ូតូ១គ្រឿងម៉ាកហុងដាឌ្រីម ធុនសេ១២៥ ពណ៌ខ្មៅ ស៊េរីឆ្នាំ២០១៥ ពាក់ស្លាកលេខភ្នំពេញ ១FD-៧៤៦៩ ជាកម្មសិទ្ធិរបស់ឈ្មោះសៅ គឹមហួរ ភេទប្រុស អាយុ៤៣ឆ្នាំ មុខរបរជាងផ្សាដែក មានទំលំនៅក្នុងភូមិត្រពាំងក្រពើ ឃុំក្រាំងម្កាក់ ស្រុកអង្គស្នួល ខេត្តកណ្តាល។
តាមប្រភព័ត៌មានបានឲ្យដឹងថា នៅមុនពេលកើតហេតុ បុរសរងគ្រោះបានជិះម៉ូតូយកទៅទុកនៅមុខផ្ទះដោយមិនបានដកសោចេញពីម៉ូតូឡើយ បន្ទាប់មកបានដើរចូលទៅក្នុងផ្ទះដើម្បីស្ងោរមាន់សម្រាប់សែនក្បាលទឹក ពេលនោះជនសង្ស័យបានចូលទៅលួច និងបានជិះម៉ូតូចេញក្នុងបំណងគេចខ្លួន ប៉ុន្តែត្រូវបានស្ត្រីជាប្រពន្ធជនរងគ្រោះឃើញទាន់ស្រែកហៅប្តីនិងស្រែកថាចោរៗបង្កការភ្ញាក់ផ្អើលដល់ប្រជាពលរដ្ឋនាំគ្នាដេញតាមចាប់រហូតដល់ផ្សារបែកចាន ឃុំបែកចាន ស្រុកអង្គស្នួលទើបចាប់ឃាត់ខ្លួនបាន។
បន្ទាប់មកបានប្រគល់ជនសង្ស័យខាងលើជូននគរបាលប៉ុស្តិ៍ ក្រាំងម្កាក់ដើម្បីសួរនាំ ហើយជនសង្ស័យបានសារភាពថា នៅមុនពេលកើតហេតុ ខ្លួនបានជួលម៉ូតូឌុបជិះដើម្បីចេញធ្វើសកម្មភាពតាមផ្លូវ ពេលនោះខ្លួនបានឃើញម៉ូតូ១គ្រឿងខាងលើចតនៅមុខផ្ទះ ទើបចុះពីលើម៉ូតូឌុបរួចធ្វើសកម្មភាពលួចយកម៉ូតូជិះគេចខ្លួន ប៉ុន្តែសំណាងអាក្រក់ត្រូវម្ចាស់គេឃើញទាន់ស្រែកឆោឡោ និងដេញតាមចាប់ខ្លួនបានបែបនេះតែម្ដង៕
ចែករំលែកព័តមាននេះ