រាជធានីភ្នំពេញ ៖ បុរសម្នាក់ត្រូវបានប្រជាពលរដ្ឋប្រទះឃើញចងកសម្លាប់ខ្លួននឹងមែកឈើដើមឆ័ត្រនៅចំណុចរបងថ្មខាងជើងស្ថានីយរថភ្លើង ផ្លូវអ៊ែ៥ ភូមិ៥ សង្កាត់ស្រះចក ខណ្ឌដូនពេញ កាលពីវេលាម៉ោង៥ទៀបភ្លឺថ្ងៃទី២៦ ខែសីហា ឆ្នាំ២០១៨…
រាជធានីភ្នំពេញ ៖ បុរសម្នាក់ត្រូវបានប្រជាពលរដ្ឋប្រទះឃើញចងកសម្លាប់ខ្លួននឹងមែកឈើដើមឆ័ត្រនៅចំណុចរបងថ្មខាងជើងស្ថានីយរថភ្លើង ផ្លូវអ៊ែ៥ ភូមិ៥ សង្កាត់ស្រះចក ខណ្ឌដូនពេញ កាលពីវេលាម៉ោង៥ទៀបភ្លឺថ្ងៃទី២៦ ខែសីហា ឆ្នាំ២០១៨ ។
យោងតាមរបាយការណ៍សមត្ថកិច្ចនគរបាលប៉ុស្តិ៍រដ្ឋបាលស្រះចកបានឲ្យដឹងថា តាមការបំភ្លឺពីបុរសម្នាក់ឈ្មោះនួន សុខា អាយុ៣៦ឆ្នាំ មុខរបរសន្តិសុខក្រសួងសាធារណៈការ បានឲ្យដឹងថា នៅវេលាម៉ោង៥ទៀបភ្លឺថ្ងៃទី២៦ ខែសីហា ឆ្នាំ២០១៨ ពេលដែលគាត់កំពុងឈរយាមនៅចំណុចសត្តមុនីតិយ មានអ្នករត់រ៉ឺម៉កម៉ូតូម្នាក់បានមកប្រាប់គាត់ថា គេប្រទះឃើញបុរសម្នាក់ចងកសម្លាប់ខ្លួននៅនឹងមែកឈើដើមឆ័ត្រត្រង់ចំណុចរបងថ្មខាងជើងស្ថានីយរថភ្លើង ។ ពេលគាត់បានទៅដល់ចំណុចកើតហេតុខាងលើ ក៏ឃើញបុរសម្នាក់ចងកសម្លាប់ខ្លួនពិតមែន ទើបគាត់រាយការណ៍ជូនអាជ្ញាធរសង្កាត់ចុះពិនិត្យតែម្តង ។
តាមការឲ្យដឹងពីលោកគ្រូពេទ្យប្រចាំតុលាការរាជធានីភ្នំពេញបានឱ្យដឹងថា បុរសរងគ្រោះពិតជាធ្វើអត្តឃាតដោយចងកសម្លាប់ខ្លួននឹងមែកឈើដើមឆ័ត្រប្រាកដមែន បន្ទាប់ពីគ្រូពេទ្យពិនិត្យជាក់ស្តែង ។ ដោយឡែកសមត្ថកិច្ចក៏បានបញ្ជាក់ថា បុរសដែលចងកសម្លាប់ខ្លួនមិនដឹងមូលហេតុនេះមានអាយុប្រហែល៣៨ឆ្នាំ ជនជាតិខ្មែរ សប្បុរខ្មៅស្រអែម ពាក់អាវយែតដៃខ្លីពណ៌ខៀវ ខោជើងវែងពណ៌ខ្មៅ ។
បច្ចុប្បន្ន សពត្រូវបានអាជ្ញាធរសង្កាត់ស្រះចកចេញថវិកាដឹកយកទៅរក្សាទុកនៅវត្តសំបួរមាសខណ្ឌដង្កោ ៕
ចែករំលែកព័តមាននេះ