រាជធានីភ្នំពេញ ៖ សេចក្តីរាយការណ៍ព័ត៌មានបឋមបានដឹងថា កាលពីថ្ងៃទី២៣ សីហា កម្លាំងសមត្ថកិច្ចជំនាញនគរបាលការិយាល័ទី៦ នៃមន្ទីរប្រឆាំងគ្រឿងញៀនក្រសួងមហាផ្ទៃ បានចុះបង្ក្រាបករណីជួញដូរគ្រឿងញៀនខុសច្បាប់១ករណី នៅចំណុចផ្លូវលំ ស្ថិតក្នុងសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ជាលទ្ធផលឃាត់ខ្លួនជនសង្ស័យម្នាក់ ដែលឈ្មោះ ម៉ាញ ចន្ថា ហៅ ទូច ភេទប្រុស អាយុ៣៤ឆ្នាំ ស្នាក់នៅផ្ទះជួលភូមិ សង្កាត់ខាងលើ ។
ក្នុងការបង្ក្រាបខាងលើ សមត្ថកិច្ចដកហូតបានវត្ថុតាងរួមមានសារធាតុញៀនប្រភេទមេតំហ្វេតាមីន (ice) ៧០០.១២ក្រាម (ជិត១គីឡូក្រាម) ទូរស័ព្ទដៃ១គ្រឿង និងជញ្ជីងថ្លឹងថ្នាំញៀន១គ្រឿង ។
ជនសង្ស័យ និងវត្ថុតាងត្រូវបានសមត្តកិច្ចកសាងសំណុំរឿងដើម្បីចាត់ការតាមនីតិវិធី ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ