ខេត្តព្រះសីហនុ ៖ បើតាមសេចក្តីរាយការណ៍បឋមបានឱ្យដឹងថា ទូកដឹកភ្ញៀវទេសចរណ៍មួយគ្រឿងបានរងការឆាបឆេះដោយអគ្គិភ័យយ៉ាងសន្ធោសន្ធៅដែលមិនអាចជួយពន្លត់បានឡើយ ហេតុការណ៍យ៉ាងរន្ធត់នេះបានកើតឡើងកាលពីម៉ោង៤ទៀបភ្លឺឈានចូលថ្ងៃទី២៦ ខែសីហា ឆ្នាំ២០១៨នេះ នៅចំណុចផែចតទូកតាហាវ ទំនប់រលកចាស់ ស្ថិតក្នុងសង្កាត់លេខ០១ ខេត្តព្រះសីហនុ។
តាមសមត្ថកិច្ចមូលដ្ឋានបានឲ្យដឹងថា ហេតុការណ៍អគ្គិភ័យឆាបឆេះទូកដឹកភ្ញៀវទេសចរណ៍ដែលមានឈ្មោះសាន់ ធួរ ខាងលើនេះ គឺបណ្តាលមកពីឆ្លងចរន្តអគ្គិសនីក្នុងទូក ហើយទូកដែលឆេះនេះមានបណ្តោយ២២ម៉ែត្រ ទទឹងជាង៧ម៉ែត្រ ដែលមានម្ចាស់ឈ្មោះ រ៉ូបឺត ហាយដុកចិត ភេទប្រុស អាយុ៥០ឆ្នាំ ជាជនជាតិអាល្លឺម៉ង់ ស្នាក់នៅសង្កាត់លេខ៤ ក្រុងព្រះសីហនុ(ម្តុំដុនបូស្កូ) ។
សមត្ថកិច្ចបានបញ្ជាក់ថា ករណីឆេះទូកខាងលើ បានរងការខូចខាតទូកទាំងស្រុង ប៉ុន្តែមិនបណ្តាលឱ្យមានឝ្រោះថ្នាក់មនុស្សនោះ ឬឆេះឆ្លងរាលដាលដល់ទ្រព្យសម្បត្តិអ្នកដទៃផ្សេងឡើយ ។
ព័ត៌មានលំអិតនឹងមានផ្សាយជូនលើកាសែតកោះសន្តិភាព
ចែករំលែកព័តមាននេះ