ខេត្តពោធិ៍សាត់ ៖ គ្រាប់យុទ្ធភ័ណ្ឌមិនទាន់ផ្ទុះចំនួន២៧គ្រាប់ ដែលអាជ្ញាធរមូលដ្ឋានកម្លាំងសមត្ថកិច្ច និងប្រជាពលរដ្ឋនៅស្រុកក្រគរ និងស្រុកវាលវែងជីកដីឃើញ និងរើសបានពីក្នុងព្រៃប្រមូលទុកកន្លងមកនេះបានប្រគល់ជូនអង្គការបោសសំអាតមីន នៅថ្ងៃទី២៤ ខែសីហា ឆ្នាំ២០១៨…
ខេត្តពោធិ៍សាត់ ៖ គ្រាប់យុទ្ធភ័ណ្ឌមិនទាន់ផ្ទុះចំនួន២៧គ្រាប់ ដែលអាជ្ញាធរមូលដ្ឋានកម្លាំងសមត្ថកិច្ច និងប្រជាពលរដ្ឋនៅស្រុកក្រគរ និងស្រុកវាលវែងជីកដីឃើញ និងរើសបានពីក្នុងព្រៃប្រមូលទុកកន្លងមកនេះបានប្រគល់ជូនអង្គការបោសសំអាតមីន នៅថ្ងៃទី២៤ ខែសីហា ឆ្នាំ២០១៨ ដើម្បីកម្ទេចចោល ។
នគរបាលស្រុកក្រគរបានឲ្យដឹងថា នៅវេលាម៉ោង១១និង០០នាទីព្រឹក ថ្ងៃទី២៣ ខែសីហា ឆ្នាំ២០១៨ ស្ថិតក្នុងភូមិបំណក់ ឃុំឈើតុំ ស្រុកក្រគរ កម្លាំងសមត្ថកិច្ចបានចុះសហការជាមួយប្រជាពលរដ្ឋប្រមូលកាកសំណល់គ្រាប់យុទ្ធភណ្ឌមិនទាន់ផ្ទុះបានចំនួន១៩គ្រាប់ មានបួនប្រភេទទី១ ប្រភេទ៦០មីលីម៉ែត្រចំនួន១៣គ្រាប់ ទី២ប្រភេទ៤៥មីលីម៉ែត្រចំនួន០៦គ្រាប់ ហើយនៅប៉ុស្ដិ៍នគរបាលរដ្ឋបាលស្នាអន្សា កម្លាំងបានប្រគល់គ្រាប់បែកដៃផលិតនៅប្រទេសចិន ចំនួន០១គ្រាប់ផងដែរ ដល់មន្ត្រីអង្កការហាលឡូត្រាស ។
ដោយឡែកនៅស្រុកវាលវែងក្នុងភូមិក្រពើពីរ ឃុំក្រពើពីរ ប្រមូលកាកសំណល់គ្រាប់យុទ្ធភណ្ឌមិនទាន់ផ្ទុះបានចំនួន០៧គ្រាប់ ជាប្រភេទគ្រាប់បេ៤០ ប្រគល់ជូនមន្ត្រីជំនាញ ។ គ្រាប់យុទ្ធភណ្ឌមិនទាន់ផ្ទុះទាំងនេះបន្សល់ទុកពីសម័យសង្គ្រាម បានប្រគល់ជូនមន្ត្រីជំនាញអង្គការហាឡូត្រាស ដើម្បីកម្ទេចចោល ៕
ចែករំលែកព័តមាននេះ